Hosea 9:3 - O Debleskro Drom 2021 (Sinte)

³ Tumer atchenn gar an o them, hoi o baro Dewel tumen das. I menshe dran o them Efrajim hunte djan pale an o them Egiptia, ninna an o them Assur. Kote hunte chan le sawo koowa, hoi pale-tchiddo hi.

O Debleskro Lab 2024 (Sinte-Manouche)

³ T'mer ačenn gar an o them, hoy o baro Devel t'men das. I menshe dran o them Efrayim hounte djan pale an o them Egiptia, ninna an o them Assour. Kote hounte rhan le savo koova, hoy pale-čiddo hi.

Hosea 9:3 ပူးပေါင်းရင်းမြစ်များ

1. Rajengro liil 9:7

palle tradau me i Israelitarjen win dran lengro them, hoi me len dom. Un ko kheer, hoi mange win rodom, te wap kote an-mangedo, kolestar kamau tchi buder te djinell. Un i menshe an i tsele wawar themma rakrenn un sanenn pral o Israel.

2. Rajengro liil 17:6

Un har o Hoshea an o enjato bersh baro rai his, las o baro rai pral o them Assur o foro Samaria dren, un anas i menshen dran Israel pandles krik an o them Assur, un mukas len te djiwell an o them Halach un pash o lengsto pani Habor an o them Gosan, un an i forja, kai i Medarja djiwan.

Jeremia 16:18

Jon lenn mandar pengri tseli phagi lengri doshake un ko tchilatchepaske, hoi jon kran. Me mukau lenge tchi. Jon kran miro them pengre mule deblentsa pale-tchiddo. Ko them, hoi mange win rodom, hi pherdo ko koweha, hoi djungelo glan mire jaka hi.

Jeremia 2:7

Un me anom tumen an i latcho them, kai bud chapen hi, te chan ko tselo latcho koowa, hoi kote baro wella. Un har tumer an ko them djan, kran les tumer pale-tchiddo. Un miro them was djungeles glan mire jaka.

Ropaskre gilja 5:6

Mer hunte rikras mare wasta i themma Egiptia un Assur koi, te well men i kotar maro, te bokas gar.

Ezekiel 4:13

Un o baro Dewel penas dureder: Kowa sikrell, te well i tsiro, kai tradau i Israelitarjen an wawar themma mank wawar menshende. Un kote hunte chan le maro, hoi pale-tchiddo hi.

Daniel 1:8

O Daniel las peske an peskro dji glan, te chal lo gar o baro rajeskro chapen un pijell gar leskri moljatar, te krell lo pes gar pale-tchiddo. Un job mangas o pralstunestar pral o rajeskro kheer, te hunte krell lo pes gar pale-tchiddo.

Hosea 11:11

Ninna dran o them Egiptia wenn le trisslepah har tchirkle, un dran o them Assur har taube. Un me mukau len pale an lengre khera te djiwell. Kowa penell o baro Dewel.

Hosea 11:5

An o them Egiptia djan le gar pale. O them Assur well o rai pral lende, doleske kai kaman le gar pale pash mande te well.

Hosea 7:11

O Efrajim hi har i dineli tauba, kai mukell pes sik te kharell. Ap jek diwes kharell lo i Egiptarjen, te wenn le leske ap i rig, o wawar diwes nashell lo an o them Assur.

Hosea 7:16

Jon rissrenn pash i debleste, koles kek soor hi. Jon hi har i bango bogo, koleha kek failo kote djal, kai te djal lo. Lengre pralstune hi bare mujengre. Doleske wenn le maredo o chareha. Palle san i Egiptarja pral lende.

Hosea 8:13

Jon anenn mange viechen, un chan pen tchalo ap ko mass. Me, o baro Dewel, dikau gar latches koi pre. Lengri doosh bistrau me gar, un lengro tchilatchepen well pral lende: Jon hunte djan pale an o them Egiptia pale.

Hosea 9:6

Dran tumaro them, hoi paash kerdo hi, hunte djan tumenge krik. O them Egiptia lell tumen pash peste pre, un an o foro Memfis wenn tumer paskedo. Kote, kai kanna tumaro kutch rup hi, well subjengro senlepen baro, un subjengre burra wenn baro an tumare khera.

3. Mose 18:28

Te krenn tumer kau them ninna pale-tchiddo, wenn tumer dran kau them win tradedo har kol wawar menshe, kai glan tumende kai his.

3. Mose 20:22

Krenn kowa, hoi me tumendar kamau un rikrenn tumen ap miro tchatchepen, te wenn gar win tradedo dran ko them, an kowa me tumen anau, te djiwenn koi dren.

3. Mose 25:23

Ma bikrenn ko them jaake, te well kowa hako tsireske i wawareske! Ko them hi mange. Un tumer han har wi-themarja, kai mukau pash mande te djiwell.

Amos 7:17

Doleske penell o baro Dewel: Tiri romni well i lubni an o foro. Tire tchawe un tcha wenn maredo o chareha. Tiri phub lenn wawar menshe. Tu meress an i pale-tchiddo them. Un i Israelitarja wenn win tradedo dran lengro them.”

Micha 2:10

Stenn pre, djan tumenge! An kau them nai atchenn tumer gar! Tumer kran les pale-tchiddo. Kate atchell kek bar ap o wawar.

Bičepangre 10:14

O Petro penas: “Na-a, miro rai! An miro tselo djipen chom me tchi, hoi pale-tchiddo hi.”

5. Mose 28:63

Un jaake har o baro Debleske shukar his, te krell lo tumenge latchepen, un te krell lo tumendar bud menshe, jaake well leske palle shukar, te krell lo tumenge tchilatchepen, bis te atchenn gar bud tumendar pral. Un dran ko them, kai kanna dren djan, te lenn les tumenge dren, wenn tumer palle win tserdedo.

5. Mose 28:68

Un o baro Dewel anell tumen ap i shiffe pale an o them Egiptia, ap ko drom, kolestar me penom: “Kote hunte djan tumer gar pale!” Un kote kamenn tumer kolenge te budrell, kai dikenn tchilatches ap tumentsa. Lenge kamenn tumen te bikrell, te wenn lengre budepangre. Un kek kamell tumen te ginell.

5. Mose 4:26

Kau diwes dau man sowel glan o bolepen un i phub, te krenn tumer sawo koowa, djiwenn gar rah an o them, hoi tumer dren lenna wergel o pani Jordan. Kokres i tikno tsiro atchenn tumer koi. Palle wenn tumer lauter krik tradedo.

Josua 23:15

Un jaake har ko tselo latcho lab tchatcho was, hoi tumaro baro Dewel ap tumende penas, jaake hi kowa ninna kol tchilatche labentsa. Te rikrenn tumen gar ap kowa, hoi tumaro baro Dewel tumentsa win kras, un djan pash wawar debla, un mangenn len an, palle well o baro Debleskri choli pral tumende. Un sik atchell buder kek tumendar djido an kau latcho them, hoi tumaro baro Dewel tumen das.