Hosea 9:17 - O Debleskro Drom 2021 (Sinte)

¹⁷ I menshe Efrajim shunan gar ap miro Debleste. Doleske witsrell lo len pestar krik. Jon wenn naashepangre an i wawar themma.

O Debleskro Lab 2024 (Sinte-Manouche)

¹⁷ I menshe Efrayim shounan gar ap miro Debleste. Doleske vitsrell lo len pestar krik. Yon venn naashepangre an i vavar themma.

Hosea 9:17 ပူးပေါင်းရင်းမြစ်များ

2. Familjakro liil 18:13

O Micha penas: “Pash o djido Debleste, me rakrau kokres kol laba, hoi miro Dewel mange penell!”

2. Familjakro liil 36:16

Jon sanan o Debleskre bitchepangren win. Un leskre laba his lenge tchi moldo, un jon rikran o Debleskre rakepangre dineleske. Doleske was o baro Debleskri choli jaake phares pral peskre menshende, te nai wan le gar win lino koi dran.

Nehemia 5:19

Ma biste kowa mange, miro Dewel, hoi lauter kol menshenge krom!

Debleskri gili 31:14

Me shunau, har rakrenn le djungeles pral mande. I traash hi trul mande. Jon tchiwenn pen khetne, un rodenn i drom, har te denn le man mulo.

Gosewe laba 29:1

Koon mukell pes tchi te penell, un djal hako tsiro pal peskro shero, sawo wella ap jek kopo phagedo, un kek hi palle koi, kai hadell les pale pre.

Jesaja 48:18

Kamaus, te shunals tu ap mire laba. Palle wals jaake bud latchepen an tiro djipen, har pani an i lengsto pani hi. Un pale te pale wals bacht ap tute, jaake har o baro pani pale te pale ap o them nashell.

Jesaja 7:13

Kote pre penas o Jesaja: “Shunenn, tumer, kai wenna o Davideskre tchawendar! Hi tumenge gar doha, te krenn menshen khino? Krenn kanna ninna miro Debles khino?

Jeremia 6:30

Doleske wenn le kharedo: Ko rup, hoi molell tchi. O baro Dewel kamell buder tchi lendar te djinell.

Jeremia 7:13

Tumer kran ninna lauter sawo koowa, penell o baro Dewel. Un me rakrom pale te pale tumentsa, un tumer kaman gar te shunell. Un me dom tumen gole, un tumer penan koi pre tchi.

Jeremia 7:15

Un me tradau tumen mandar krik, har me tumare phralen krik tradom, un kol tsele menshen dran Efrajim.

Hosea 4:10

Tumer mukan man, o baro Debles, te djan wawar deblenge palla. Doleske chana un wenn gar tchalo, djan bud djuwjentsa un lenn gar bud tchawe.

Hosea 4:6

Mire menshe prindjrenn o tchatcho drom gar. Doleske djan le tele. Tumer kaman lenge gar miro drom te sikrell. Doleske kamau me tumendar witar tchi te djinell. Tumer han buder gar mire rashaja. Tumer bistran miro drom. Doleske bistrau tumare tchawen.

Hosea 7:13

Bibacht ap lende! Jon djan mandar krik! Merepen pral lende! Jon peran mandar tele! Me kamoms len dran i bibacht te lell, un jon rakrenn chochepen pral mande.

Amos 8:2

Un job putchas mandar: “Hoi dikeh, Amos?” Me penom: “I korba, kai rukengre dren hi, kolenge o tsiro was, te wenn le tele tchinlo i rukendar.” Koi penas o baro Dewel: Jaake was mire menshenge Israel o tsiro, te wenn le tele tchinlo. Jon khaitenn man buder gar.

Amos 9:9

Me rakrau un kowa djal jaake: Jaake har djob an i sieba pal hake rigja witsedo well, un i djoba win perenn, un i barra dren atchenn, jaake krau, te well o kheer Israel pal hake rigja witsedo an kol themma, kai le tradedo wan.

Micha 7:7

Me kamau te dikap ap o baro Debleste, un rikrau man ap leste, te well lo ap miri rig. Miro Dewel shunell miri gole.

Zakarie 1:4

Ma awenn har tumare phure! Glan bud bersha penan lenge mire rakepangre mire laba un penan: Kawa penell o baro Dewel, ko rai pral o bolepen un i phub: Mukenn tumare tchilatche dromma! Ma krenn buder gar tchilatcho koowa! Jon shunan gar ap mande un kran gar, hoi lenge penom.

Johanni 20:17

Penas o Jesus ap late: “Ma tape ap mande! Me djom gomme gar pash o dadeste pale. Dja pash mire phralende un pen lenge: Me djau pash miro dadeste un pash tumaro dadeste un pash miro Debleste un pash tumaro Debleste.”

Johanni 20:28

Koi penas o Thomas ap leste: “Miro rai un miro Dewel!”

Johanni 7:35

“Kai kamell job te djal, kai hatsah mer les gar?” putchas jek i wawarestar. “Kamell job pash kol biboldende te djal, kai djiwenn an o grichtikro them, te penell lo kote i menshenge o Debleskro lab?

Bičepangre 3:23

Koon gar ap koleste shunella, koles hunte tchiwenn tumer pale, te nai well lo buder gar pash tumende.

5. Mose 32:26

Te daroms me gar o sapen kolendar, kai hi chojedo pral lende, penoms me: “Me marau len halauteren, te well lengro lab bistedo ap i phub.” Kowa krau gar, te phurdenn pen kolla gar pre, kai kuran pen lentsa, te nashte penenn jon gar: “Dran mari soor was kowa. O baro Dewel kras kawa gar.”

5. Mose 4:25

Te djiwan tumer an o them bud bersha un tumen hi tchawe un tchawengre tchawe kote, ma krenn tumenge i debleskri figura tchomonestar! Kowa wals tchilatcho glan i jaka o baro Deblestar. Te krenn tumer sawo djungelo koowa, krenn tumer les chojedo.

5. Mose 4:27

O baro Dewel tradell tumen mank i menshende an i tsele themma, jekes kate un ko wawares kote. Gar bud menshe atchenn tumendar djido mank kol menshende an i wawar themma, kai o baro Dewel tumen tradas.

Filiparja 4:19

Miro Dewel dell ninna tumen lauter, hoi tumen hunte well djipaske. Les hi i baro brawlepen an o bolepen. Kowa dell lo kolen, kai djan ap o Jesus Kristeskro drom.

Jakobo 1:1

Kau liil tchinau me, o Jakobo, kowa, kai budrell o Jesus Kristeske un o Debleske. Me penau latche laba kolenge, kai patsenn ap o Jesus Kristeste un djiwenn mashkral kolende, kai gar patslo hi.