Hosea 9:16 - O Debleskro Drom 2021 (Sinte)

¹⁶ O Efrajim hi har i mulo ruk. Leskre draba, len hi kek pani. Un rukengre wenn gar bares ap leste. Te lenn i djuwja ninna tchawe, me marau len, kolen jon pengro djijestar kamenna.

O Debleskro Lab 2024 (Sinte-Manouche)

¹⁶ O Efrayim hi har i moulo rouk. Leskre draba, len hi kek pani. Oun roukengre venn gar bares ap leste. Te lenn i djouvya ninna čave, me marau len, kolen yon pengro djiyestar kamenna.

Hosea 9:16 ပူးပေါင်းရင်းမြစ်များ

1. Mose 41:23

Pal lende wan efta wawar halme dran i phub win. Kolla hidjran djob, hoi his gar pesso. I tato ducho, hoi phurdas dran o mulo tato them, kras len sano un truk.

Hiob 18:16

Job hi har i ruk: Tella merell leskro drab tele, un pral wenn leskre patria djelto.

Jesaja 40:24

Jon hi har djoba, hoi an i phub witsedo hi. Jaake sik har i drab lendar win djal, phurdell i ducho pral lende, te wenn le truk. Un i baro phurdepen phurdell len krik har phuss.

Jesaja 5:24

Doleske merenn le tele har o senlepen, koleskre draba nasselo hi, un koleskri bluma tele perell, un har o khass, pral koleste i jag djal un les pre chatchrell. Jon kaman gar te djal o drom o baro Deblestar, kai hi o rai pral o bolepen un i phub. Un i labendar lengro latcho Deblestar kaman le tchi te djinell.

Ezekiel 24:21

Kawa penell o baro Dewel, maro rai: Djinau, tumenge hi miro kheer o kamleder koowa. Un tumaro dji nashell pal leste. Tumer han pre-phurdo un patsenn, kolenge, kai kote hi, nai djal kek tchilatchepen. Tchatchepah, me dau miro kheer kolenge an o wast, kai krenn les pale-tchiddo. Un tumare mursh tchawe un tcha, kolen tumer kote an Jerusalem pale mukan, kolla wenn o chareha mulo dino.

Hosea 5:11

O Efrajim las pes glan, te nashell lo i chochene deblenge palla. Doleske well lo kanna tele rikedo. Un leskro tchatchepen well i pirentsa stakedo.

Hosea 8:7

Kowa, hoi le krenn, hi har te tchiwans le i ducho an i phub un kek djob. Un hoi win well, hi i baro phurdepen. Kek djob well baro. Kowa hoi pre djal, anell kek jarro. Un te anals kowa jarro, wans wawar menshe un chans les pre.

5. Mose 32:25

Ap i dromma marell len o charo, un an i khera i traash. Hakenes taprell o merepen: o terno murshes un i terni tchat, o ternepen un kolen parne ballentsa.