Hosea 9:15 - O Debleskro Drom 2021 (Sinte)

¹⁵ O baro Dewel penell: Lengro tselo tchilatchepen krenn le kote pash o foro Gilgal; kote choirom man pral lende ko tselo tchilatchepaske, hoi jon kran. Doleske tradau me len dran miro kheer win. Me kamau len buder gar. Lengre tsele pralstune mukenn pen tchi mandar te penell.

O Debleskro Lab 2024 (Sinte-Manouche)

¹⁵ O baro Devel penell: Lengro tselo čilačepen krenn le kote pash o foro Gilgal; kote rhoyrom man pral lende ko tselo čilačepaske, hoy yon kran. Doleske tradau me len dran miro kheer vin. Me kamau len bouder gar. Lengre tsele pralstoune moukenn pen či mandar te penell.

Hosea 9:15 ပူးပေါင်းရင်းမြစ်များ

Debleskri gili 78:60

Un job mukas peskro kheer an o foro Shilo, kote, kai job mank peskre menshende djiwas.

Jesaja 1:23

Tire pralstune hadan pen pral mande un djan khetne i tchorepangre. Un hakeno lendar mukell pes te ginell. Un kol tchawe, kolen kek dai un kek dad hi, kolenge krenn le kek tchatchepen win. Un ko koowa kol djuwjendar, kolengro rom meras, mukenn le gar glan pende te well.

Jeremia 11:15

Kal menshe, kai len kamau, hoi krenn le an miro kheer? Jon krenn tchilatchepen un penenna: ‘Koi doosh, hoi ap mende anam, well mendar krik lino, te dah mer sowel, te anah o Debleske viechen.’ Un te krenn jon djungelo koowa, hi le bachtelo koi pral.

Jeremia 12:8

Mire menshe wan mange har i lewo an o weesh, kai kras o mui pre, un das man tchilatches an-gole. Doleske kamau len buder gar.

Jeremia 15:1

Un o baro Dewel penas ap mande: Ninna te wals o Mose un o Samuel glan mande tardo, kroms me kal menshenge miro dji gar pre. Trade len krik mandar, un muk len te djal!

Jeremia 3:8

har me lakri phenjat, i Israel, krik bitchrom koleske, kai das li pes wawar murshentsa trujel, un dom lat i liil, kai tchinlo hi, te bitchrom lat krik. Kowa kras i chocheni Judake kek daar. Joi djas koi un das pes ninna trujel wawar murshentsa.

Jeremia 5:5

Me kamau pash i pralstunende te djal, te rakrap lentsa. Kolla djinenn o Debleskro drom un nai penenn mange, hoi an i jaka lengro Deblestar mishto hi. Palle haiwom: Ninna kolla kaman gar, te well job lengro rai, un kaman gar ap leste te shunell.

Ezekiel 22:27

Tire pralstune hi har diwje djukle, kai marenn, un hi boklo pal rat. Jon marenn menshen, te lenn le lengro koowa penge.

Ezekiel 23:18

Jaake kras li, te nai dikas hakeno, har li trujel lubras, un har li nanges win dikell. Kote sikrom lake miro dumo, jaake sikrom lakri phenjake miro dumo.

Hosea 1:6

Un i Gomer was o duito kopo wawartchandes, un anas i tchai ap i phub. Kote penas o Dewel ap leste: De lat ko lab Lo-Ruhama! Man hi buder kek dji i menshenge dran o kheer Israel, un bistrau lengri doosh buder gar.

Hosea 1:9

Un o Dewel penas: De les ko lab Lo-Ammi! I menshe an Israel hi gar mire menshe, un me hom gar lengro Dewel.

Hosea 12:11

Me rakrom ap mire rakepangre, un sikrom lende bud kope, hoi wella. Dran lende mukom tumenge trad te dell.

Hosea 12:2

O Efrajim kamell o ducho dren te taprell, un nashell o tato ducho palla, kai well kotar, kai o kham pre djal. Un hako diwes krell lo budeder chochepen un randepen. Jon tchiwenn pen o themeha Assur khetne, un anenn djet an o them Egiptia.

Hosea 3:4

Jaake djal i Israelenge: I rah tsiro hi len kek rai un kek pralstune pral pende, un jon anenn kek viechen o Debleske an leskro kheer. Len hi buder kek pre-tchidde barra, kek rashajeskri damdira un kek khereskre debla, te putchenn le lendar, hoi te krenn.

Hosea 4:15

Israel, ninna te kameh tu tut trujel te lubrell, kamau gar, te krenn i menshe an o them Juda sau koowa har tu, un anenn doosh ap pende. Ma djan an i forja Gilgal un Bet-Awen, te mangenn kote i chochene deblen an! Un ma denn tumen kote sowel un penenn “Me dau man sowel pash o djido Debleste.”

Hosea 4:9

Doleske djal i rashajenge jaake har kol wawar Israelenge: Me dau tumen lauteren i phagi, un dau tumen pale pal kowa, hoi tumer kran.

Hosea 7:2

Un kowa djal gar an lengro shero dren, te djinau me lengro tselo tchilatchepen. Lengro tchilatcho koowa hi trul lende trujel, un hi mange tardo glan mire jaka.

Hosea 9:17

I menshe Efrajim shunan gar ap miro Debleste. Doleske witsrell lo len pestar krik. Jon wenn naashepangre an i wawar themma.

Hosea 9:3

Tumer atchenn gar an o them, hoi o baro Dewel tumen das. I menshe dran o them Efrajim hunte djan pale an o them Egiptia, ninna an o them Assur. Kote hunte chan le sawo koowa, hoi pale-tchiddo hi.

3. Mose 26:30

Me krau kol mulne platse paash, kai tumer tumare deblenge viechen chatchrenna. Un kol boba, kai tumer lenge sungepaskro koowa chatchrenn, phagau khetne. Tumare mulen witsrau ap kol paash-dine figuren, un tumendar kamau buder tchi te djinell.

Amos 4:4

Tumer djan pash o Debleskro kheer an o foro Betel, un hadenn tumen pral o Debleste! Tumer djan an o Debleskro kheer an o foro Gilgal, un hadenn tumen ninna budeder pral o Debleste! Krenn dureder jaake: Taissarla marenn viechen o Debleske, un o wawar diwes anenn leske o deshto kotar kolestar, hoi dren anan!

Amos 5:27

an ko tsiro, kai anau tumen pandles an i them, hoi hi tchiddo pal o foro Damaskus. Me, o baro Dewel, ko rai pral o bolepen un i phub, penau kowa.

Amos 5:5

Ma djan an Betel, witar gar an Gilgal! Ma krenn tumen ap o drom an Beersheba! Me penau tumenge: I menshe an Gilgal wenn pandles krik anlo. O foro Betel, hoi kharell ‘Debleskro kheer’, well i foro, kai i benga khere hi.

Micha 3:11

Tumare tchatchepangre mursha mukenn pen te makell. Tumare rashaja lenn lowe koleske, hoi le i menshenge penenn. Un i lowenge penenn o Debleskre rakepangre, glan-wi, hoi wella. Un tumer penenn: “O baro Dewel hi ap mari rig. Kek bibacht nai well pral mende.”

Micha 6:5

Tumer mire menshe, mukenn tumenge an o shero te well, hoi kamas o Balak – ko baro rai pral o them Moab – tumenge te krell, un hoi penas leske o Bileam, koleskro dad o Beor his! Mukenn tumenge an o shero te well, har djan tumare phure pral wergel o pani Jordan ap lengro drom dran Shittim dureder an Gilgal. Palle haiwenn tumer, hawo bud latchepen tumenge krom.

Zefanja 3:3

Lengre pralstune hi har lewe, kai denn i bari gole. Lengre tchatchepangre mursha hi har diwje djukle an i rati, kai chan lauter, hoi maran le, un mukenn tchi pral o wawar diweske.

Zakarie 11:8

Un an jek tchon krom me, te hunte djan penge kol triin wawar bakrengre. Me nai dikom len buder gar glan i jaka. Un jon his chojedo ap mande.

Bičepangre 4:27

Tchatchepah, jon wan lauter an kau foro khetne: O Pilato, o Herodes, i Remarja, un i tsele bibolde dran bud themma. Jon hi chojemen ap tiro budepaskro Jesus, kai tutar was. Koles rodal tu win, maro Dewel, te well lo baro rai.

Bičepangre 5:21

Har jon kowa shunan, djan jon taissarlake an o Debleskro baro kheer un sikran i menshende o Debleskro drom. Ko baro rashai un kolla, kai pash leste his, dan i pralstune bibolden khetne gole, ninna i tsele phureden an o them Israel. Un jon bitchran i klisten an o stilepen, te anenn le len glan lende.

Josua 10:43

Un palle djas o Josua peskre tsele lurdentsa pale ap lengre platsa pash o foro Gilgal.

1. Samuel 7:16

Un hako bersh djas lo an Betel un Gilgal un Mizpa un rakras kote o tchatchepen win pral i menshende.