Hosea 9:11 - O Debleskro Drom 2021 (Sinte)

¹¹ Efrajim, tiro railepen djal peske, har i tchirklo peske djal. I djuwja wenn buder gar wawartchandes, un anenn buder kek tchawen ap i phub.

O Debleskro Lab 2024 (Sinte-Manouche)

¹¹ Efrayim, tiro raylepen djal peske, har i čirklo peske djal. I djouvya venn bouder gar vavarčandes, oun anenn bouder kek čaven ap i phoub.

Hosea 9:11 ပူးပေါင်းရင်းမြစ်များ

1. Mose 41:52

Un o duito tchawes das job ko lab Efrajim un penas: O Dewel das man tchawen an o them, kai djas mange gar mishto.

1. Mose 49:22

O Josef hi har i terno ruk pash o pani, hoi hidjrell bud rukengre. Leskre kashta wenn baro un djan pral i pre-tchidde barra, kai lo tardo hi.

2. Samuel 6:23

Un i Michal, o Sauleskri tchai, kolat his kek ternepen an peskro tselo djipen.

Hiob 18:5

Na-a, o djipaskri momeli o tchilatchestar djal win. Un leskri jag chatchell buder gar.

Debleskri gili 58:8

Kre te atchenn le gar djido, un hunte krik djan har pani, hoi an i phub nashell. Te tchiwenn le pengre faile an, muk len tele phagenn.

Sikepaskro 6:3

Nai well i mursh, koleske wenn sheel tchawe boldo, un job djiwell bud bersha. Te wals lo jaake phuro un wals gar bachtelo pral o latchepen an peskro djipen, un leske wals witar kek paskepen kerdo, kolestar penau me: I ternepen, kai mulo boldo was, djal feteder har leske.

Jesaja 17:3

Trul i forja an Israel hi buder kek massurja. Un o foro Damaskus hi kek rajeskro foro buder. Kol Syrarja, kai atchenn djido, lenge djal jaake har i Israelenge. Lengro railepen atchell gar. Kowa penell o baro Dewel, ko rai pral o bolepen un i phub.

Hosea 10:5

I menshe an o foro Samaria darenn, te well ko sonakaskro terno gurum krik lino, hoi hi tardo an o foro Bet-Awen. Jon rowenna har pal jekeske, kai meras. Leskre rashaja trissenna trul leskro shukapen, te well lo lestar krik lino.

Hosea 4:7

Jaake har tumer rashaja bud un budeder wan, kran tumer bud un budeder tchilatchepen ap mande. Doleske krau, te wenn buder gar an-diklo, un witsrau tumen an i ladj.

Hosea 5:9

An ko tsiro, kai dau o Efrajimeske peskri phagi, well leskro them i mulo them. Halauter, hoi i Israelenge trad dom, well jaake har penom.

Hosea 9:14

Baro Dewel, hoi te putchap tutar, te dess lende? Kre, te nai wenn i djuwja buder gar wawartchandes, un nai denn buder kek tchawo i tchutchi.

Amos 1:13

O baro Dewel penell: I menshe an o them Ammon kran pale te pale djungelo koowa. Har kuran le pen an o kurepen, te lenn le i bareder them, tchinan le djuwjen pre, kai wawartchandes his an o them Gilead. Doleske lenn le pengri phagi, un khaitenn man gar.

Louka 23:29

Ko tsiro wella, kai i menshe penenna: Bachtele hi kol djuwja, kai lan kek ternepen.

5. Mose 28:18

Tumer lenna gar bud tchawe, gar bud djob, gar bud grumja un bakre.

5. Mose 33:17

Leskri soor hi jaake baro har i gurumeskri soor. Kolla, kai lestar wenna hi har shinga i diwje gurmendar. Kolentsa tradenn le i menshen dran wawar themma bis an i dureder themma ap i phub. Kowa krenn i menshe, kai wenna o Josefeskre dui tchawendar: kol 10.000 (deesh-serja) dran o kheer Efrajim, un kol serja dran o kheer Manasse.