Hosea 9:10 - O Debleskro Drom 2021 (Sinte)

¹⁰ O baro Dewel penell: I Israelitarja his mange har drake an o mulo them, har hatsom len kote. Un tumare phure his mange har newe faige ap i faigetikro ruk. I tsiro koi pre, har wan le pash i berga Peor, dan le pen o wi-ladjedo debleske Baal koi, un wan jaake pale-tchiddo har ko dewel, kones jon kaman.

O Debleskro Lab 2024 (Sinte-Manouche)

¹⁰ O baro Devel penell: I Israelitarya his mange har drake an o moulo them, har hatsom len kote. Oun t'mare phoure his mange har neve fayge ap i faygetikro rouk. I tsiro koy pre, har van le pash i berga Peor, dan le pen o vi-ladjedo debleske Baal koy, oun van yaake pale-čiddo har ko devel, kones yon kaman.

Hosea 9:10 ပူးပေါင်းရင်းမြစ်များ

1. Rajengro liil 16:31

Un har te wals gar doha, kai kras job ko tselo tchilatcho koowa, hoi ninna o Jerobeam kras, koleskro dad o Nebat his, romedineras lo i Isebel, koi tchat o rajestar pral Sidon. Leskro lab his Etbaal. Un o Ahab djas koi un witsras pes glan o chocheno debleste Baal tele, un mangas les an.

2. Rajengro liil 17:11

Un ap kol mulne platse chatchran le viechen kol chochene deblenge jaake har kol menshe kran, kolen o baro Dewel glan lende win tradas. Un jon kran tchilatcho koowa un choiran o baro Debles.

Debleskri gili 115:8

Kol menshe, kai sawe deblen kran, un ap lende patsenn, mu wenn le jaake har jon!

Debleskri gili 81:12

Mire menshe shunan gar ap mande. O Israel kamas man gar.

Kamlepaskri gili 3:6

Koon hi kolla, kai wenn pre dran o mulo tato them, har i jagakro ducho, hoi pre djal, te well sungepaskro koowa chatchedo? Latcho khand well pash mende, dran ko sungepaskro koowa, hoi i parepangre anenn.

Jesaja 28:4

Un ko railepen kol pralstunendar hi har i bluma, hoi merell tele, un hi buder gar koi. Lenge djal har i faige, kai wan glan lengro tsiro bares. Jaake sik har jek len dikell, hi le an leskro wast un job chal len pre.

Jeremia 11:13

Jaake bud forja tumen hi, jaake bud deblen hi tumen, tumer menshe an Juda. Un jaake bud dromma an Jerusalem hi, jaake bud chatchepangre kran tumer, kai chatchrenn viechen o djungelo debleske Baal.

Jeremia 24:2

An koi jek korba his latche un shukar faige har kol newe faige an i bersh. An koi wawar korba his djungele faige, jaake djungele te nai chal len kek.

Jeremia 3:24

Har mangam ko djungelo debles Baal an, nashram lauter, hoi mare phure penge khetne lan, har terne hams: bakre, grumja, tchawe un tcha.

Jeremia 3:25

Mer hunte ladjams men, un mari ladj hunte tchakrals men har i plachta! Maro tselo djipen djiwam jaake, har o baro Dewel, maro rai, gar kamas. Mer un mare phure djiwam jaake, un shunam gar ap kowa, hoi job menge penas, te kras mer.

Jeremia 31:2

O baro Dewel penell: Kol menshe, kai wan gar maredo o chareha, lenge sikrau latchepen an o mulo tato them; o Israel hi ap o drom khere.

Jeremia 5:31

O Debleskre rakepangre rakrenn chochepen, un kol rashaja rodenn penge ko feteder win, un mire menshe kamenn kowa jaake. Hoi kamenn tumer te krell, te hi tumaro tsiro trujel?

Ezekiel 20:8

Jon mukan pen tchi mandar te penell, un kaman gar ap mande te shunell. Kek witsras kol djungele figuren krik, hoi lo an-mangas. Kol egiptikre deblen kaman le gar te mukell. Kote kamom miri choli pral lende win te tchorell. Gomme kote an o them Egiptia kamom miri tseli choli ap lende win te mukell.

Hosea 11:1

Har o Israel terno his, kamom les o djijestar, un dran o them Egiptia kharom les, miro tchawes.

Hosea 13:5

Me hom, kai dom garda ap tumare phurende an o mulo tato them, kote kai kek senlepen hi.

Hosea 2:15

Me dau lat i phagi hako diweske, kai nashas li peskre pirnenge palla, kol chochene deblenge, un chatchras sungepaskro koowa lenge, un tchiwas kanengre un werklia ap peste; te krell li pes shukar lenge. Un man bistras li! Kowa penell o baro Dewel.

Hosea 4:14

Kek phagi dau tumare tchenge, witar gar tumare tchawengre romjenge koleske, hoi le kran. Na-a, tumenge murshenge dau i phagi. Tumer djan i lubjentsa ap i rig, un chan khetne lentsa o mass kol viechendar, hoi i chochene deblenge maredo wan. Un i menshe, kai dikenn kowa, un djinenn gar, hoi latcho un hoi gar latcho hi, jon perenn o tchatcho dromestar tele.

Hosea 4:18

Jon pijenn pen mates, un palle lubrenn le trujel. Jon nashenn wi-ladjedo koowa palla, un ladjenn pen gar.

Amos 4:5

Anenn shutlo maro o Debleske, te parkrenn pen pash leste! Denn win gole, te anenn i menshe pendar tchomone o Debleske! Un palle denn win gole, hoi hakeno anas. Sawo koowa kamenn tumer jaake, tumer Israelitarja! Kowa penell o baro Dewel, maro rai.

Micha 7:1

Me bibachtelo, mange hi har jekeske, kai bokella, un hatsell kek phabja ap o ruk, un kek drake ap i drakengro ruk. Kol tsele latche phabja un gudle drake hi krik.

4. Mose 15:39

Un kol dorja hi koleske koi: Jaake bud kope har tumer kolla an-dikenn, well tumenge an o shero halauter, hoi o baro Dewel penas, – kol tsele laba, hoi hunte krenn. Jaake mukenn tumen gar o Debleskro dromestar tele te anell tumare jakendar, witar gar shunenn tumer ap kowa, hoi an tumaro shero trujel djal.

Remarja 6:21

Kowa, hoi kran, his tchi moldo. Tumer kran sawo koowa, koleske kai diwes ladjenn tumen. Sawo koowa anell an o merepen dren.

5. Mose 32:10

Job hatsas i Israelitarjen an o mulo them, kote kai tchi bares well. Un job rikras peskre wasta pral lende, un das kote jak ap lende, jaake har job ap peste kokres jak dals.

5. Mose 32:17

Jon anan viechen sawe deblenge, kai kek debla hi. Kolen prindjran jon glan kowa gar. Kolla wan newes pre. I phure mangan len gar an.

5. Mose 4:3

Tumare jaka dikan, hoi o baro Dewel kras pash i berga Baal-Peor. Hakenes, kai o chocheno debles Baal an-mangas, maras tumaro baro Dewel mashkral tumende.

Čačepangre 6:32

Ap ko diwes dan le o Gideones o lab Jerub-Baal. Kowa kharella: “Te kurell pes o Baal leha!” O Gideon das leskri chatchepaskri paash.