Hosea 9:1 - O Debleskro Drom 2021 (Sinte)

¹ Ma de gole i bachtjatar, Israel, har i menshe an wawar themma krenna! Tiro Deblestar djal tu krik un wawar deblenge palla. Tu bikreh tut ap lende ap haki platsa, kai o djob win dino wella.

O Debleskro Lab 2024 (Sinte-Manouche)

¹ Ma de gole i barhtyatar, Israel, har i menshe an vavar themma krenna! Tiro Deblestar djal tou krik oun vavar deblenge palla. Tou bikreh tout ap lende ap haki platsa, kay o djob vin dino vella.

Hosea 9:1 ပူးပေါင်းရင်းမြစ်များ

Debleskri gili 73:27

Koon tutar krik djal, djal tele. Un koon mukell tut, koles aneh an o mulengro them.

Jesaja 17:11

hoi sik pre djan un senelo wan, wenn ap lende kek newe drake bares. Un tu nai aneh tchi dren. Kowa, hoi tuke well, hi nasslepen un duka, hoi kek nai krik lell.

Jeremia 2:19

Dran tiro tchilatchepen well kowa ap tute. Tu shunal gar. Doleske leh tu sawi phagi. Tu hunte djiness un haiwess, hawo pharo koowa un duka ap koleste wenna, kai djal peskro baro Deblestar krik, un kamell lestar buder tchi te djinell. Kowa penell o baro Dewel, ko rai pral o bolepen un i phub.

Jeremia 2:20

O baro Dewel penell: Hako tsiro hadal tut pral mande, un kamal mange gar palla te djal. Tu penal: Me kamau kek rai pral mande. Un tchiwal tut koi har i lubni ap i berga tel hako senelo ruk.

Jeremia 44:17

Mer kamah kowa te rikrell, hoi mer penam, un koi bolepaskri rajetsake sungepaskro koowa te chatchrell, un lake mool win tchorell. Kowa kram mer, un kran mare phure, mare bare raja un pralstune an i forja o themestar Juda un an i dromma o forestar Jerusalem. Har kowa kram, his men ninna doha maro, un menge djas mishto, un mer dikam kek bibacht.

Ropaskre gilja 4:21

Awa, san tumenge un khelenn, tumer Edomarja an o them Uz! Pash tumende well ninna ko khoro pherdo o Debleskri choli, hoi hunte pijenn, bis te wenn mato un riwenn tumen win.

Ezekiel 16:15

Un tu wal pre-phurdo dran tiro shukapen. Un har i wawar tut jaake sharan, witsral tut hakeneske ap i meen, kai kote djas, kai tu hals, un dal tut leske.

Ezekiel 16:30

Har chatchell miri choli pral tute, te kral tu kowa lauter, penell o baro Dewel, maro rai. Tu wal i bari wi-ladjedi lubni.

Ezekiel 20:32

Hoi was tumenge an o shero? Tumer penenn: “Mer kamah har i menshe an wawar themma te well! Mer kamah deblen dran kasht un bar an te mangell.” Me o baro Dewel, tumaro rai, penau: Sawo koowa te well kek tsireske! Me dau man sowel pash miro djipen, te atchap i sorelo rai pral tumende – i rai i sorelo wasteha, un i pre-hadedi mussjah, un i baro choljah.

Ezekiel 21:10

Palle dikell un haiwell hakeno, te lom me, o baro Dewel, miro charo dran peskri possita, un me tchiwau les gar pale pale koi.

Hosea 10:5

I menshe an o foro Samaria darenn, te well ko sonakaskro terno gurum krik lino, hoi hi tardo an o foro Bet-Awen. Jon rowenna har pal jekeske, kai meras. Leskre rashaja trissenna trul leskro shukapen, te well lo lestar krik lino.

Hosea 2:12

Glan lakre pirnengre jaka riwau lat nanges win. Un kek nai lell lat dran miro wast win.

Hosea 4:12

Mire menshe putchenn pengre deblen un wawar kashta, te penenn jon lenge, hoi te krenn le. Lengre djia nashenn i chochene deblenge palla. Har i lubni mukell peskro romes, nashan le mandar, pengro Deblestar, krik.

Hosea 5:4

Ko tchilatcho koowa, hoi le kran, rikrell len pale, te wenn le pash mande. Jon nai mukenn gar tele, te mangenn le chochene deblen an. Man, o baro Debles, prindjrenn jon gar.

Hosea 5:7

Jon phagan mantsa, o baro Debleha, un anan tchawe ap i phub, kai man gar prindjrenn. Doleske wenn le halauter krik lino an kol diwessa, kai well o newo tchon diklo, – jon khetne pengro themeha.

Amos 3:2

Mank i tsele natsjone ap kai phub han tumer kokres kolla, kolen mange win rodom, un ap lende jak dom. Doleske hi tumari doosh jaake baro, un me hunte dap tumen i phagi.

Amos 4:5

Anenn shutlo maro o Debleske, te parkrenn pen pash leste! Denn win gole, te anenn i menshe pendar tchomone o Debleske! Un palle denn win gole, hoi hakeno anas. Sawo koowa kamenn tumer jaake, tumer Israelitarja! Kowa penell o baro Dewel, maro rai.

Amos 6:13

Tumer phurdenn tumen pre pral o foro Lo-Dabar, un penenn: Mari sorjah lam o foro Karnajim dren.

Amos 8:10

Tumare bare diwessa, kai hans bachtelo, wenn kanna diwessa, kai denn gole i bibachtjatar. Un tumare gilja wenna ropangre gilja. Tumer riwenn tumen an gone, un tchinenn tumare tsele balla ap o shero tele. Un han jaake har i dad un i dai, kai pral pengro tchaweste rowenn, kai meras, un len hi kek wawar tchawe. Un lauter, hoi djal an ko diwes, krell i menshenge bari daar.

Jakobo 4:16

Kowa penenn tumer gar. Tumer krenn tumen bares, un sharenn tumen pral kowa, hoi tumer krenna. Tumaro sharepen hi gar mishto.

Jakobo 5:1

Kanna penau ap tumende, kai brawelo han: Rowenn un denn gole pral koi bibacht, hoi pral tumende wella!