Hosea 8:9 - O Debleskro Drom 2021 (Sinte)

⁹ Jon djan pral an o them Assur kutch koweha. I diwji burika atchell peske kokres. O Efrajim kamell malen peske te ginell.

O Debleskro Lab 2024 (Sinte-Manouche)

⁹ Yon djan pral an o them Assour kouč koveha. I divyi bourika ačell peske kokres. O Efrayim kamell malen peske te ginell.

Hosea 8:9 ပူးပေါင်းရင်းမြစ်များ

2. Rajengro liil 15:19

Un o baro rai pral o them Assur, – leskro lab his Pul – was an o them. Un o Menahem das les jek sero zentnarja rup, te rikrell pes lo leha, un te mukell lo les baro rai te atchell.

Jesaja 30:2

Mandar putchenn le gar, hoi te krenn le. Na-a, jon djan tele pash i Egiptarjen, te mangenn le o rajestar Farao, te well job ap lengri rig, un te rikrell lo peskre wasta pral lende.

Jesaja 30:6

Kate sikrell o Dewel, hoi pral i viechende an o mulo tato them Negev wella: An o them pherdi daar un traash, kai djiwenn o lewo un i lewetsa, ninna tchilatche sapa un wawar sapa, kolengro dandepen o merepen anell, kote hunte hidjrenn i burike pharo koowa ap pengro dumo, un i khamele bud kutch koowa ap pende, hoi anenn i menshe dran Juda pash kol menshende, kolendar jon tchi hi.

Jeremia 2:24

har i diwji burika an o mulo them, te dell joi gole un nashell trujel an lakro bipandlo tsiro, un kek nai rikrella pre. Koon lat kamell, hunte rodell gar dur. Joi mukell pes sik te hatsell an ko tsiro.

Hosea 12:1

O baro Dewel penell: O chocheno rakepen i menshendar an o them Efrajim hi trul mande. O kheer Israel chochell man wawar deblentsa. Ninna i menshe an o them Juda rikrenn pen gar ap mande, ko tchatcho Debleste, kai rikrell peskro lab.

Hosea 12:2

O Efrajim kamell o ducho dren te taprell, un nashell o tato ducho palla, kai well kotar, kai o kham pre djal. Un hako diwes krell lo budeder chochepen un randepen. Jon tchiwenn pen o themeha Assur khetne, un anenn djet an o them Egiptia.

Hosea 2:10

Joi kamas gar te haiwell, kai me homs kowa, kai dom lat djob, mool un djet, ninna bud rup un sonakai. Un kowa das li o mulo debleske, o Baal.

Hosea 5:13

Har dikas o Efrajim peskro nasslepen un o Juda peskro dukepen, djas o Efrajim an o them Assur, un putchas kote o baro rajestar, te well lo leske ap i rig. Kowa nai well tumenge gar ap i rig, witar gar nai krell lo tumaro dukepen sasto.

Hosea 7:11

O Efrajim hi har i dineli tauba, kai mukell pes sik te kharell. Ap jek diwes kharell lo i Egiptarjen, te wenn le leske ap i rig, o wawar diwes nashell lo an o them Assur.