Hosea 8:1 - O Debleskro Drom 2021 (Sinte)

¹ O baro Dewel penell: Phurde soreles an i phurdepaskri! Har i adlari wenn le pral miro them. Kolla kai kote djiwenn, rikran pen gar ap kowa, hoi lentsa win krom, un hadan pen pral mire laba.

O Debleskro Lab 2024 (Sinte-Manouche)

¹ O baro Devel penell: Phourde zoreles an i phourdepaskri! Har i adlari venn le pral miro them. Kolla kay kote djivenn, rikran pen gar ap kova, hoy lentsa vin krom, oun hadan pen pral mire laba.

Hosea 8:1 ပူးပေါင်းရင်းမြစ်များ

2. Rajengro liil 18:27

O pralstuno penas ap lende: “Bitchras man miro rai kokres pash tiro rajeste un pash tute koi, te rakrap kal laba? Na-a, ninna pash i murshende, kai ap i massuri tarde hi, bitchras lo man, te chan le tumentsa khetne pengro ful un pijenn pengro mutepen.”

Jesaja 18:3

Denn jak, tumer menshe, kai ap i phub djiwenn, te rikrell jek o themeskri plachta pre pral ap i berge, palle denn jak! Un te phurdell jek an i phurdepaskri, palle shunenn koi!

Jesaja 24:5

I menshe ap i phub mukan o Debleskro drom, un rikran pen gar ap leskre laba, un djiwan gar jaake, har lo lentsa win kras, un hoi hako tsireske tchatcho hi. Jaake kran le i phub pale-tchiddo.

Jesaja 58:1

De bari gole! Rike tut gar pale! Hade tiri gole, te well li jaake sorelo har i phurdepaskri! Un pen mire menshenge, hawo tchilatcho koowa jon kran! Awa, pen o khereske Jakob, hawi doosh job ap peste las!

Jeremia 31:32

Kowa hi gar har kowa, hoi lengre phurentsa win krom, har lom len pash o wast un lom len dran o them Egiptia. Kol laba, hoi lende dom, te rikrenn le pen ap lende, phagan le, ninna te hom me lenge i latcho rai.

Jeremia 34:18

Kol pralstune pral o them Juda un pral Jerusalem un pral o rajeskro kheer, ninna i rashaja un kol tsele wawar, jon his koi pashel, har o terno gurum an dui kotja tchinlo was. Un jon djan mashkral kol dui kotja wergel, te sikrenn le, te kamenn le kowa te rikrell, hoi lentsa win krom. Un jon rikran pen gar ap kowa, un rikran kol laba gar dren, hoi jon pen glan mande sowel dan. Doleske kamau ap lende jaake te krell, har ap ko terno gurum kerdo was.

Jeremia 4:13

Dik, har wolke well ko marepaskro. Leskre kurepangre wurdja hi sik har i phurdepen, un leskre graja hi sikeder har i adlari. Hawi bibacht! Mer ham nashedo!

Jeremia 4:5

Denn soreles gole an Juda, kharenn win an Jerusalem, un penenn: Phurdenn koi phurdepaskri an o tselo them! Denn win gole, te wenn le an i sorele forja khetne!

Jeremia 48:40

Kawa penell o baro Dewel: Dikenn, kowa, kai marell o Moab, well sik har i adlari, un krell peskre mussja buchles pral o them.

Jeremia 49:22

Dik, job wella pral o them har i adlari, un tchiwell peskre mussja pral o foro Bozra. An ko tsiro hi i djia kol tchatche murshendar an o them Edom jaake dareno, har ko dji i djuwjatar, kai anell i ternepen ap i phub.

Jeremia 51:27

Hadenn o kurepaskri plachta pre ap i phub! Phurdenn an i phurdepaskri an i tsele themma! Denn i rajen pral i wawar themma gole, te djan le an o kurepen o foreha Babilon! Penenn i bare rajenge pral i themma Ararat, Minni un Ashkenas, te bitchrenn le lurden, te kurenn le pen i menshentsa an Babilon! Rodenn lurdengre pralstunen win! Anenn jaake bud graja khetne har stepangre!

Jeremia 6:1

Tumer menshe dran o kheer Benjamin, nashenn dran Jerusalem! un phurdenn koi phurdepaskri an Tekoa! Krenn i jag ap i berga Bet-Kerem, te well o jagakro ducho i sikepen! Bari bibacht un merepen well kotar, kai norden hi.

Ezekiel 11:4

Doleske peness tu, mensho, lenge, hoi mukau me, o Dewel, ap lende te well!

Ezekiel 16:59

Kawa penell o baro Dewel, maro rai: Awa, me krau tuke jaake, har tu kral: Tu dal tut sowel, te rikreh ap mande, un rikral koi sowel gar.

Ezekiel 17:3

Pen lenge: Kawa penell o baro Dewel, maro rai: Kote his i baro adlari. Koles his bare mussja un pesse shukar phora trul peskro shero. Kowa djas ap i berga Libanon un phagas o pralstuno kotar i rukestar krik, hoi kharell zedera,

Ezekiel 7:14

I menshe shunan, har an i phurdepaskri phurdedo was, te kharenn le len an o kurepen, un i kurepangre lan pengre karmangre. Un palle well miri choli jaake sik pral lende halauterende, te djal kek koi.

Hosea 4:6

Mire menshe prindjrenn o tchatcho drom gar. Doleske djan le tele. Tumer kaman lenge gar miro drom te sikrell. Doleske kamau me tumendar witar tchi te djinell. Tumer han buder gar mire rashaja. Tumer bistran miro drom. Doleske bistrau tumare tchawen.

Hosea 5:8

Phurdenn an i phurdepaskri an i forja Gibea un Rama! Denn i kurepaskri gole an o foro Bet-Awen! Tumer kurepangre dran o kheer Benjamin, nashenn glan, mer nashah tumenge palla!

Hosea 6:7

Jaake sik har wan le an o them dren pash o foro Adam, rikran le pen buder gar ap kowa, hoi me, o baro Dewel lentsa win krom, un mukan man.

Hosea 9:15

O baro Dewel penell: Lengro tselo tchilatchepen krenn le kote pash o foro Gilgal; kote choirom man pral lende ko tselo tchilatchepaske, hoi jon kran. Doleske tradau me len dran miro kheer win. Me kamau len buder gar. Lengre tsele pralstune mukenn pen tchi mandar te penell.

Joel 2:1

Phurdenn an i phurdepangre! Denn bares gole ap miri berga, koi berga Zion! Trashenn, tumer lauter, kai djiwenn an o them Juda! O diwes o baro Deblestar wella sik!

Joel 2:15

Phurdenn i phurdepaskri ap i berga Zion! Denn i menshen khetne gole! Penenn lenge, te chan le tchi, un sikrenn jaake, te khaitell lenge lengri doosh.

Amos 3:6

Phurdell jek an i kurepaskri trompeta an o foro, un i menshe lenn kek daar? Na-a! Well i bibacht pral o foro, hoi o baro Dewel bitchras gar? Na-a!

Amos 8:3

An ko diwes giwenn i gipangre an o rajeskro kheer ropaskre gilja. An i tsele gaba un forja hi mule menshe tchiddo. Kolen witsran le pokones koi. Kowa penau me, o baro Dewel.

Amos 9:1

Me dikom o Debles, maro rajes, tardo pash i chatchepaskri an peskro kheer. Un job penas: De ap o pralstuno kotar kol barrendar, kai hidjrenn miro kheer! De jaake soreles, te trissenn ninna i telstune barra, un o tselo kheer an kotja perella, un muk len te perell ap i sherja kal menshendar. Un hoi lendar pral atchell, kamau te marell o chareha. Kek nai nashell peske. Kek atchell djido.

Habakuk 1:8

Lengre graja hi sikeder har i bare diwje margodje. Un jon dandrenn sikeder har i diwje djukle an i rati. Lengre bud lurde wenna dran i dur them, un klissenna jaake sik har i adlari tele djal, te taprell lo i vieches.

Zefanja 1:16

i diwes, kai i kurepaskri gole shunlo well, un an i phurdepangre phurdedo well, te djan i lurde an o kurepen, un phagenn tele kol sorele forja un bare massurja.

Zakarie 11:1

Tu Libanon, kre tire wudja pre, te chatchrell i jag tire zedertikre ruka.

Zakarie 9:14

O baro Dewel mukell pes te dikell pral peskre menshende, [te rikrell lo peskre wasta pral lende]. Leskro failo djal sik har o bolepaskri jag. O baro Dewel, maro rai, mukell an i bari phurdepaskri te phurdell. Job djal an o sorelo ducho, hoi well kotar, kai o kham pralstunes tardo hi.

Mateo 24:28

Kote, kai i mulo mass tchiddo hi, kote wenn i bare diwje tchirkle khetne te chan le.

1. Korintarja 15:52

Kowa well ap jek kopo, jaake sik, har kek nai dikella. Ap ko tsiro shunah mer i bashepaskri, kai jek dren phurdell. Te shunah mer koi bashepaskri, stenn i mule pre, un wenn djido. Un mer, kai gomme djiwah, wah win lino dran kowa, hoi mer kanna ham, un wawartchandes kerdo.

5. Mose 28:49

Menshen dran i dur them, fun i wawar rig i phubjatar, anell lo pral tumende. Sik har i baro tchirklo wenn le pral tumende. Lengro rakepen haiwenn tumer gar.