Hosea 7:9 - O Debleskro Drom 2021 (Sinte)

⁹ I wawar menshe chan leskri soor, un job haiwell kowa gar. O Efrajim hi har i phuro mursh, koleskre balla parno wan. Un job haiwell gar, kai leskro tsiro sik trujel hi.

O Debleskro Lab 2024 (Sinte-Manouche)

⁹ I vavar menshe rhan leskri zoor, oun yob hayvell kova gar. O Efrayim hi har i phouro morsh, koleskre balla parno van. Oun yob hayvell gar, kay leskro tsiro sik trouyel hi.

Hosea 7:9 ပူးပေါင်းရင်းမြစ်များ

2. Rajengro liil 13:22

O baro rai pral o them Syria, o Hasael, phagas pale te pale an o them Israel dren an ko tselo tsiro, kai o Joahas djiwas.

2. Rajengro liil 15:19

Un o baro rai pral o them Assur, – leskro lab his Pul – was an o them. Un o Menahem das les jek sero zentnarja rup, te rikrell pes lo leha, un te mukell lo les baro rai te atchell.

Gosewe laba 23:35

Palle peneh: “Mange hi, har dans le man, ninna te haiwom kek duk, har te marans le man khetne, ninna te dukell mange tchi. Te hom wi-sodo, palle djau pale koi.”

Jesaja 1:7

Tumaro them hi i mulo them, tumare forja wan tele chatchedo. Glan tumare jaka chan i wi-themarja kowa, hoi ap tumari phub bares was. Lauter hi mulo un paash, har te perans i diwje koi pral.

Jesaja 48:8

An kek tsiro shunan tumer, hoi penom, witar gar kaman kowa te djinell. Un i rah tsiro his tumare kanda pandlo mire labenge. Tchatchepah, me djinom tumaro phukepen. Un jaake rah har ap i phub han, wenn tumer kharedo: Kolla, kai kamenn tchi o Deblestar te djinell.

Jesaja 57:1

O baro Dewel penell: Kowa, kai an o tchatchepen tardo his, meras. Un kek lell kowa an peskro dji. Un kolla, kai rikran ap mande, nashran pengro djipen. Un halauter krenna, har te wals kowa gar lengro koowa. Tchatchepah, ko tchatcho mensho was win lino dran o tselo tchilatchepen un bibacht.

Hosea 4:6

Mire menshe prindjrenn o tchatcho drom gar. Doleske djan le tele. Tumer kaman lenge gar miro drom te sikrell. Doleske kamau me tumendar witar tchi te djinell. Tumer han buder gar mire rashaja. Tumer bistran miro drom. Doleske bistrau tumare tchawen.

Hosea 8:7

Kowa, hoi le krenn, hi har te tchiwans le i ducho an i phub un kek djob. Un hoi win well, hi i baro phurdepen. Kek djob well baro. Kowa hoi pre djal, anell kek jarro. Un te anals kowa jarro, wans wawar menshe un chans les pre.