Hosea 7:7 - O Debleskro Drom 2021 (Sinte)

⁷ Halauter lendar chatchenn i choljatar har i bob. Jon marenn pengre tchatchepaskre rajen. Lengre bare raja perenn jek pal o wawar. Un kek lendar dell pal mande gole.

O Debleskro Lab 2024 (Sinte-Manouche)

⁷ Halauter lendar rhačenn i rholyatar har i bob. Yon marenn pengre čačepaskre rayen. Lengre bare raya perenn yek pal o vavar. Oun kek lendar dell pal mande gole.

Hosea 7:7 ပူးပေါင်းရင်းမြစ်များ

1. Rajengro liil 15:28

Kote maras les o Baasha an o triinto bersh, har o Asa o baro rai pral o them Juda his. Un o Baasha was baro rai pral Israel pal o Nadab.

1. Rajengro liil 16:18

Har o Simri dikas, kai ko foro dren lino wella, djas lo ap i turmo peskro kherestar, chatchras peskro kheer un meras an i jag.

1. Rajengro liil 16:22

Kal menshe, kai ap o Omri rikran, wan sorleder har kol menshe, kai nashan o Tibni pal. Un har o Tibni meras, was o Omri o rai pral i tsele menshende.

2. Rajengro liil 10:14

O Jehu penas ap peskre lurdende: “Tapenn len djides!” Un jon tapran len djides un maran len pash koi brunna ko forestar Bet-Eked, 42 (star-deesh-te-dui) murshen. Un kek lendar atchas djido.

2. Rajengro liil 10:7

Har kanna ko liil pash kolende was, lan jon o baro rajeskre efta-deesh tchawen, maran len un tchiwan lengre sherja an korbe un bitchran len pash o Jehu an Jesreel.

2. Rajengro liil 15:10

O Shallum, koleskro dad o Jabesh his, tchiwas pes wawarentsa khetne, un das o Secharjes mulo un was baro rai pal leste.

2. Rajengro liil 15:14

O Menahem, koleskro dad o Gadi his, djas pral dran Tirza un was an o foro Samaria un das o Shallumes mulo, koleskro dad o Jabesh his, un was baro rai pal leste.

2. Rajengro liil 15:25

Un jek leskre pralstune lurdendar, o Pekach, – leskro dad his o Remalja – tchiwas pes wawarentsa khetne. Un pash leste his i paash-sheel lurde dran Gilead. Un job das o Pekachjes mulo an o turmo pash peskro kheer an o foro Samaria. Un o Argob un o Arje meran kote ninna. Un o Pekach was o baro rai pal leste.

2. Rajengro liil 15:30

Un o Hoshea, koleskro dad o Ela his, tchiwas pes wawarentsa khetne un das o Pekaches, koleskro dad o Remalja his, mulo un was baro rai pal leste. Kowa djas, har o Jotam, koleskro dad o Usija his, an o biishto bersh o baro rai pral o them Juda his.

2. Rajengro liil 9:24

O Jehu tapras peskro bogo un das o Jorames mashkral i phika karje, jaake kai djas ko failo an leskro dji. Un o Joram phagas khetne an peskro wurdin.

2. Rajengro liil 9:33

“Witsrenn la tele”, penas job. Koi witsran le i Isebel tele. Un lakro rat peras ap i massuri un ap i grajende. Un job uleras pral late.

Hiob 36:13

Kolla, kai kamenn tchi o Deblestar te djinell, rikrenn pengri choli an lengre djia. Ninna te dell o Dewel len i phagi, denn le gar gole, te well lo lenge ap i rig.

Debleskri gili 14:4

“Djinenn kol tchilatche gar, hoi jon krenna”, penell o baro Dewel, – “kolla, kai chan mire menshen har i kotar maro? Un ap mande denn le gar gole.”

Jesaja 43:22

Jakob, kowa hal gar tu, kai dal pal mande gole. Israel, tu maral tut gar pal mande tele.

Jesaja 64:4

Tu wal pash kolende, kai kran o tchatchepen i bachtelo djijeha, un djan ap tire dromma un kran, hoi lendar kamal. Tu choiral tut, har shunam buder gar ap tute. Te djah ap tire dromma, leh tu men win dran o tchilatchepen.

Jesaja 64:6

Un koi hi kek, kai tiro lab an-gole dell, kek, kai well pash tute, te rikrell lo pes ap tute. Tchatchepah, tu kameh buder tchi mendar te djinell, un mukeh men tapedo an maro tchilatchepen.

Jesaja 64:7

Kanna, baro Dewel, tu maro dad, mer ham har i loli phub, dran kolate tu i tcharo chatcheh. Tire wasta kran men halauter.

Jesaja 9:13

Ap jek diwes las o baro Dewel lendar i pralstunen krik, ninna kol chochene rakepangren, kai penan, kai lengre laba o Deblestar wan. Kowa hi, har te tchinals jek i matchestar o shero un o pori tele, un i rukestar i patria un i telstuno kotar. I phurende un i an-dikle hi o shero. Kol chochene, kai penenn, lengre laba wans o Deblestar, hi o pori.

Ezekiel 22:30

Un me rodom i murshes mank lende, kai krals i massuri trul o foro pale newes. Rodom jekes, kai tchiwas pes pre glan mande kote, kai i barra win phagedo wan, un rakrals mishto kol menshenge, te hunte marap len gar. Un me hatsom kekes.

Daniel 9:13

Jaake har an o Moseskro liil tchinlo hi, jaake was ninna koi bari bibacht pral mende. Un mer mangam men gar tele glan tute, maro baro Debleste, un mukam gar maro tchilatcho drom, un dam gar jak ap tiro tchatchepen.

Hosea 13:10

Kai hi tiro baro rai, kowa kai well ap tiri rig an tire tsele forja? Kai hi tire tchatchepangre raja? Tumare phure penan: Tchip i rai un pralstune pral mende!

Hosea 5:15

Me djau mange pale kote, kai khere hom, bis te dikenn le pengri doosh dren un rodenn man. Te djal lenge gar mishto, palle putchenn le pale pal mande.

Hosea 7:10

I Israelengre pre-phurde djia sikrenn, har bud doosh ap lende hi. Ninna te hi kowa jaake, wenn le gar pale pash mande, lengro baro Debleste, un rodenn man gar.

Hosea 7:14

Te denn le gole ap mande, well kowa gar dran lengro dji. Tchiddo hi le ap pengro tchiben un rowenna soreles, un tchinenn pen ratles, te well len djob un mool. Ap mande shunenn le gar.

Hosea 8:4

Jon kran penge bare rajen, kai gar mandar wi-rodede his. Pralstune tchiwan le pral pende, un putchan man gar. Dran lengro rup un sonakai krenn le penge chochene debla – jaake nashenn le an pengri bibacht.

Micha 2:1

Hawi bibacht well pral kolende, kai hi tchiddo ap pengro tchiben, un an lengro shero djal tchilatcho koowa trujel, hoi kamenn le te krell. Jaake sik har o kham pre djal, krenn le, hoi le pen glan lan. Len hi i soor, te krenn le, hoi le kamenn.