Hosea 7:11 - O Debleskro Drom 2021 (Sinte)

¹¹ O Efrajim hi har i dineli tauba, kai mukell pes sik te kharell. Ap jek diwes kharell lo i Egiptarjen, te wenn le leske ap i rig, o wawar diwes nashell lo an o them Assur.

O Debleskro Lab 2024 (Sinte-Manouche)

¹¹ O Efrayim hi har i dineli tauba, kay moukell pes sik te kharell. Ap yek dives kharell lo i Egiptaryen, te venn le leske ap i rig, o vavar dives nashell lo an o them Assour.

Hosea 7:11 ပူးပေါင်းရင်းမြစ်များ

2. Rajengro liil 15:19

Un o baro rai pral o them Assur, – leskro lab his Pul – was an o them. Un o Menahem das les jek sero zentnarja rup, te rikrell pes lo leha, un te mukell lo les baro rai te atchell.

2. Rajengro liil 16:7

Un o Ahas bitchras peskre bitchepangre pash o Tiglat-Pileser, ko baro rajeste pral o them Assur, un mukas leske te penell: “Me hom tiro budepaskro un tiro tchawo. Ab pre un le man kate win dran i wasta kol bare rajendar pral i themma Syria un Israel. Kolla djan ap mande pre!”

Gosewe laba 15:32

Koon gar shunell, te well lo trad dino, tchinell pes an peskro mass. Koon mukell pes tchomone te penell, kowa well gosweder.

Gosewe laba 17:16

Hoske hunte dals i dinelo lowe win, te nai djal lo an i sikepaskri? Leske djal tchi an leskro shero.

Jeremia 2:18

Hoi hi tut kolestar, te djah an o them Egiptia, un kameh koi dran o pani Nil te pijell? Un hoi hi tut kolestar, te djah tu an o them Assur un kameh dran o pani Eufrat te pijell?

Jeremia 2:36

Har sik djal tu kai te koi, te rodess tuke menshen, kai krenn pen tuha khetne? O them Egiptia nai well tut gar feteder ap i rig har o them Assur.

Hosea 11:11

Ninna dran o them Egiptia wenn le trisslepah har tchirkle, un dran o them Assur har taube. Un me mukau len pale an lengre khera te djiwell. Kowa penell o baro Dewel.

Hosea 12:1

O baro Dewel penell: O chocheno rakepen i menshendar an o them Efrajim hi trul mande. O kheer Israel chochell man wawar deblentsa. Ninna i menshe an o them Juda rikrenn pen gar ap mande, ko tchatcho Debleste, kai rikrell peskro lab.

Hosea 12:2

O Efrajim kamell o ducho dren te taprell, un nashell o tato ducho palla, kai well kotar, kai o kham pre djal. Un hako diwes krell lo budeder chochepen un randepen. Jon tchiwenn pen o themeha Assur khetne, un anenn djet an o them Egiptia.

Hosea 14:3

Lenn kal laba tumentsa, un awenn pale pash o baro Debleste, un penenn leske: Le mari tseli doosh mendar krik, un shun maro mangepen! Palle kamah tut te sharell mare tchipjentsa.

Hosea 4:11

Mool – phuri mool un newi mool – krenn, te haiwenn i menshe buder gar, hoi latcho un hoi tchilatcho hi.

Hosea 4:6

Mire menshe prindjrenn o tchatcho drom gar. Doleske djan le tele. Tumer kaman lenge gar miro drom te sikrell. Doleske kamau me tumendar witar tchi te djinell. Tumer han buder gar mire rashaja. Tumer bistran miro drom. Doleske bistrau tumare tchawen.

Hosea 5:13

Har dikas o Efrajim peskro nasslepen un o Juda peskro dukepen, djas o Efrajim an o them Assur, un putchas kote o baro rajestar, te well lo leske ap i rig. Kowa nai well tumenge gar ap i rig, witar gar nai krell lo tumaro dukepen sasto.

Hosea 5:4

Ko tchilatcho koowa, hoi le kran, rikrell len pale, te wenn le pash mande. Jon nai mukenn gar tele, te mangenn le chochene deblen an. Man, o baro Debles, prindjrenn jon gar.

Hosea 8:13

Jon anenn mange viechen, un chan pen tchalo ap ko mass. Me, o baro Dewel, dikau gar latches koi pre. Lengri doosh bistrau me gar, un lengro tchilatchepen well pral lende: Jon hunte djan pale an o them Egiptia pale.

Hosea 9:3

Tumer atchenn gar an o them, hoi o baro Dewel tumen das. I menshe dran o them Efrajim hunte djan pale an o them Egiptia, ninna an o them Assur. Kote hunte chan le sawo koowa, hoi pale-tchiddo hi.

Hosea 9:6

Dran tumaro them, hoi paash kerdo hi, hunte djan tumenge krik. O them Egiptia lell tumen pash peste pre, un an o foro Memfis wenn tumer paskedo. Kote, kai kanna tumaro kutch rup hi, well subjengro senlepen baro, un subjengre burra wenn baro an tumare khera.

Obadja 1:7

Tire tsele mala tradenn tut dran tiro them win! Kolen tu patsal, jon chochenn tut, un perenn tuke an o dumo. Kolla, kai tiro maro chan, phukrenn ap tute, un tu haiweh les gar.

Mateo 10:16

Djinenn, me bitchrau tumen har bakre mank i diwje djuklende. Doleske wenn gosewo har i sapa un djudjo har i parne tchirkle, an kolende kek chochepen hi!