Hosea 6:7 - O Debleskro Drom 2021 (Sinte)

⁷ Jaake sik har wan le an o them dren pash o foro Adam, rikran le pen buder gar ap kowa, hoi me, o baro Dewel lentsa win krom, un mukan man.

O Debleskro Lab 2024 (Sinte-Manouche)

⁷ Yaake sik har van le an o them dren pash o foro Adam, rikran le pen bouder gar ap kova, hoy me, o baro Devel lentsa vin krom, oun moukan man.

Hosea 6:7 ပူးပေါင်းရင်းမြစ်များ

1. Mose 3:11

Un o Dewel putchas lestar: “Koon penas tuke, te hal nango? Chal tu ko rukestar, kai penom tuke soreles, te chas gar lestar?”

1. Mose 3:6

Un koi romni dikas ap ko ruk un penas ap peste: “Mishto wals, te chaus ko rukestar. Shukar hi lo! Un mishto wals, te waus gosewo.” Un joi las o rukestar, chas un das ninna peskro romeste, kai pash late his. Un job chas ninna.

2. Rajengro liil 17:15

Un jon rikran gar leskre laba. Un ko lab, hoi das lo lengre phurende, kai lo penas, te hi lo lengro Dewel un jon leskre menshe, ko lab his lenge tchi moldo. Jon mukan pen gar lestar trad te dell, un nashan kol deblen palla, hoi tchi molenna. Un jaake djiwan le tchitcheske. Jon kran sawo koowa har kol menshe an i themma trul lende, kolendar o baro Dewel lenge penas, te krenn le gar har jon krenna.

Hiob 31:33

An kek tsiro kamom miri doosh te khatrell, har wawar menshe krenn.

Jesaja 24:16

Dran themma, kai dur mendar krik hi, shunah o gipen: “Sharedo well o Dewel, kai o tchatchepaskro hi.” Me penom mange: Mange hi ropaske! Mange hi ropaske! Har djungelo djal mange? Phukepangre phukrenn, awa, phukepangre phukrenn, un mukenn gar tele pengro phukepah.

Jesaja 24:5

I menshe ap i phub mukan o Debleskro drom, un rikran pen gar ap leskre laba, un djiwan gar jaake, har lo lentsa win kras, un hoi hako tsireske tchatcho hi. Jaake kran le i phub pale-tchiddo.

Jesaja 48:8

An kek tsiro shunan tumer, hoi penom, witar gar kaman kowa te djinell. Un i rah tsiro his tumare kanda pandlo mire labenge. Tchatchepah, me djinom tumaro phukepen. Un jaake rah har ap i phub han, wenn tumer kharedo: Kolla, kai kamenn tchi o Deblestar te djinell.

Jeremia 3:7

Un me patsom, har joi kowa lauter kras, well joi pash mande pale. Kowa kras joi gar. Lakri pheen, i Juda, kai man ninna chochras, dikas,

Jeremia 31:32

Kowa hi gar har kowa, hoi lengre phurentsa win krom, har lom len pash o wast un lom len dran o them Egiptia. Kol laba, hoi lende dom, te rikrenn le pen ap lende, phagan le, ninna te hom me lenge i latcho rai.

Jeremia 34:18

Kol pralstune pral o them Juda un pral Jerusalem un pral o rajeskro kheer, ninna i rashaja un kol tsele wawar, jon his koi pashel, har o terno gurum an dui kotja tchinlo was. Un jon djan mashkral kol dui kotja wergel, te sikrenn le, te kamenn le kowa te rikrell, hoi lentsa win krom. Un jon rikran pen gar ap kowa, un rikran kol laba gar dren, hoi jon pen glan mande sowel dan. Doleske kamau ap lende jaake te krell, har ap ko terno gurum kerdo was.

Jeremia 5:11

Jon sikran mange o dumo, penell o baro Dewel, kol menshe an Israel un kol menshe an Juda.

Jeremia 9:6

Doleske penell o baro Dewel, ko rai pral o bolepen un i phub: Har o rup an i jag djudjes kerdo well, jaake kamau mire menshen dukentsa djudjes te krell. Dell tchi wawares, hoi krap me nai mire menshenge.

Hosea 5:7

Jon phagan mantsa, o baro Debleha, un anan tchawe ap i phub, kai man gar prindjrenn. Doleske wenn le halauter krik lino an kol diwessa, kai well o newo tchon diklo, – jon khetne pengro themeha.

Hosea 8:1

O baro Dewel penell: Phurde soreles an i phurdepaskri! Har i adlari wenn le pral miro them. Kolla kai kote djiwenn, rikran pen gar ap kowa, hoi lentsa win krom, un hadan pen pral mire laba.

Remarja 5:14

Ninna te dikas o Dewel gar ap lengro tchilatchepen, hunte meran le lauter: o Adam un kolla, kai pal leste wan, bis te was o Mose. Ninna kolla hunte meran, kai kran gar o emligo tchilatcho koowa har o Adam. Jaake har o Adam i bibacht anas, jaake hunte was i wawar, kai lauter mishto krella.

5. Mose 31:20

Me anau len an ko them, jaake har man sowel dom glan lengre phurende, te krap kowa. Kowa hi i them, an koleste bud thud un gwin hi. Un jon chan un wenn tchalo un thullo. Un kote nashenn le wawar deblenge palla, un mangenn kolen an. Un ap mande dikenn le tele, un phagenn koi sowel, hoi le mantsa dren djan.

Hebrearja 8:9

Kau newo drom hi gar jaake, har ko phuro drom, hoi sikrom lende ap ko diwes, kai taprom lengre phuren ap i wasta, te anap len dran o them Egiptia win. Har atchan le gar ap miro drom, mukom len.