Hosea 6:6 - O Debleskro Drom 2021 (Sinte)

⁶ Dikenn, hoi kamau: Kamau, te rikrenn tumer i latcho djijeha ap mande, un kamau gar, te anenn mange viechen. Kamau te prindjrenn man tchatchepah, un kamau gar, te chatchrenn mange viechen.

O Debleskro Lab 2024 (Sinte-Manouche)

⁶ Dikenn, hoy kamau: Kamau, te rikrenn t'mer i lačo djiyeha ap mande, oun kamau gar, te anenn mange firhen. Kamau te prindjrenn man čačepah, oun kamau gar, te rhačrenn mange firhen.

Hosea 6:6 ပူးပေါင်းရင်းမြစ်များ

1. Familjakro liil 28:9

Un tu, miro tchawo Salomo, pats ap o Debleste tiro dadestar, te well job tiro Dewel. Kre tiro tselo djijeha, hoi lo tuke penell! Job dikell an i menshengre djia, un haiwell, hoi an lengre sherja trujel djal. Te rodeh les, hatseh les. Te mukeh les, tchiwell lo tut pale hako tsireske.

Debleskri gili 50:8

Tchingrau gar, te anals tu mange kek viechen. Kol viechen, hoi tu mange chatchral, hi hako diwes glan mire jaka.

Gosewe laba 21:3

Te djah o tchatcho drom un djiweh pal o Debleskro tchatchepen, hi kowa o baro Debleske budeder moldo har te anals leske viechen.

Sikepaskro 5:1

Ma kre tiro mui sik pre, te rakreh glan o Debleste. O Dewel hi an o bolepen, un tu hal ap i phub. Doleske kre gar bud laba, te rakreh.

Jesaja 1:11

“Hoi krap me kol tsele viechentsa, hoi tumer mange anenn”, putchell o baro Dewel. “Man hi doha tumare bakrendar, hoi mange chatchran, hom tchalo ko thulepastar i pesse grumjendar. Ko rat i murshkane grumjendar un tikne bakrendar un busjendar kamau me gar.

Jesaja 58:6

Kanna penau tuke, hoi i diwes hi, hoi glan mire jaka mishto hi: I diwes, kai kreh tu kol shelle pre kolendar, kai pandlo wan, un kai kek tchilatchepen kran. Muk kolen te djan, ap kolende pharo koowa tchiwal! Le ko koowa krik, koleha len tele rikral! Un phage kol shelle, hoi trul lengre menja pandlo hi.

Jeremia 22:16

Job das o tchorweleste un koleste, kai tele rikedo his, peskro tchatchepen. Doleske djas leske mishto. Jaake hunte djiwell o mensho, kai man prindjrell, penell o baro Dewel.

Jeremia 7:22

Ap ko diwes, har anom tumare phuren dran o them Egiptia, penom lenge gar, te anenn jon mange viechen chatchepaske, witar kek, hoi hunte chan le glan mande.

Daniel 4:27

kharas lo win: “Ake, o baro foro Babilon! Me tchiwom les pre miri bari sorjah, te well lo miro foro, kai hom baro rai. Lauter, kai dikenn les, sharenn miro railepen.”

Hosea 14:2

Tu Israel, dja pale pash o baro Debleste, ko tiro Dewel hi! Koi doosh, hoi ap tute anal, mukas tut an i bibacht te perell.

Hosea 2:20

An ko tsiro krau i diwje viechentsa, i tchirklentsa un i sapentsa win, te krenn le lake kek tchilatchepen. Me phagau o tselo kurepaskro koowa paash, i boge un i chare an o them. Un mukau len kek darjah kote te djiwell.

Hosea 4:1

Tumer Israelitarja, shunenn, hoi o baro Dewel tumenge penell! O baro Dewel hunte tchingrell tumentsa, kai djiwenn an o them Israel. Tumer rikrenn gar khetne, han gar kamles jek o wawareha un prindjrenn o Debles gar.

Hosea 8:13

Jon anenn mange viechen, un chan pen tchalo ap ko mass. Me, o baro Dewel, dikau gar latches koi pre. Lengri doosh bistrau me gar, un lengro tchilatchepen well pral lende: Jon hunte djan pale an o them Egiptia pale.

Amos 5:21

O baro Dewel penell: Chojedo hom me pral kol bare diwessa, kai wenn tumer khetne. Mange hi le i tchadepen.

Micha 6:6

Tumer putchenn: Har te wap glan o baro Debleste? Hoi te anap ko pralstuno Debleske? Har nai mangau les an? Anap leske grumja, hoi jek bersh phuro hi, te wenn le leske maredo un tseles chatchedo?

Micha 6:8

Na-a, o baro Dewel penas menge, hoi latcho hi, un hoi lo mendar kamella: Kowa hi: Rike tut ap o tchatchepen, ab latches ap o wawareste, un dja o tselo djijestar tiro Debleha!

Mateo 12:7

Tumer haiwan kol laba gar, hoi o Dewel penas: Me kamau, te han tumer latcho ap i wawarende. Me kamau gar, te marenn tumer mange viechen. Te haiwans tumer, hoi kowa kharella, palle anans tumer kek doosh ap mire malende. Jon anan kek doosh ap pende.

Mateo 5:7

Bachtele hi kolla, kai hi len i baro dji i wawar menshenge. O Debles hi i baro dji lenge.

Mateo 9:13

Kowa hunte djinenn tumer: O Dewel penas: Me kamau gar, te marenn mange viechen. Na-a! Me kamau, te hi tumen i baro dji i wawarenge. Me wom gar, te dap kolen pash mande gole, kai djan ap o tchatcho drom. Na-a! Me wom, te dap kolen pash mande gole, kai hi ap o tchilatcho drom.”

Markus 12:33

Te kamah mer les o tselo djijeha, an lauter hoi krah un djinah, un te ham jaake latcho ap koleste, kai pash mende hi, har ham latcho ap mende kokres, palle hi kowa feteder, har i tsele bakre un grumja, hoi mer marah un chatchrah o Debleske.”

1. Johanni 2:3

Mer te krah kowa, hoi o Dewel menge penas, te kras, djinah mer, te prindjrah les.

1. Johanni 3:6

Hakeno, kai atchell o Jesus Kristeha khetne, djiwell gar an o tchilatchepen. Koon an o tchilatchepen djiwella, kowa djinell tchi o Jesus Kristestar, un haiwas les gar.

1. Samuel 15:22

O Samuel penas: “Hoi patseh, hi shukar o baro Debleske: Vieche, hoi leske maredo wenn, sawe hoi leske tseles chatchedo wenn un sawe, kolengre feteder kotja mass leske chatchedo wenn? Kamell lo gar budeder, te shunell jek ap kowa, hoi lo penell? Djin, te shuneh tu ap o baro Debleste, hi kowa leske feteder, har te deh les viechen. Te shuneh tu mishto ap leste, hi kowa feteder, har te deh les thulle kotja i bakrestar.