Hosea 6:2 - O Debleskro Drom 2021 (Sinte)

² Pal dui diwessa dell lo men newo djipen, un ap o triinto diwes mukell lo men pale ap i pire tardo te well, te nai djiwas glan leste.

O Debleskro Lab 2024 (Sinte-Manouche)

² Pal douy divessa dell lo men nevo djipen, oun ap o triinto dives moukell lo men pale ap i pire tardo te vell, te nay djivas glan leste.

Hosea 6:2 ပူးပေါင်းရင်းမြစ်များ

1. Mose 17:18

Un o Abraham penas ap o Debleste: “Ach, muk kowa, hoi tu mange penal, ap o Ismael te well!”

2. Rajengro liil 20:5

“Dja pale pale un pen ap o Hiskija, ko rajeste pral mire menshende: ‘Kawa penell o baro Dewel, ko Dewel tiro dadestar, o Davidestar: Me shunom tiro mangepen un me dikom tire swa. Dik, me kamau tut sastes te krell – an o triinto diwes nai djah tu pral an o baro Debleskro kheer.

Debleskri gili 61:7

De o baro rajes i rah djipen, de les bud bersha, te djiwell lo gomme i rah tsiro.

Debleskri gili 71:20

Tu mukal bud un bari daar ap mande te well. Un tu deh man pale newo djipen, un aneh man pale win dran o telstunepen i phubjatar.

Sikepaskro 3:3

Dell jek tsiro, kai well maredo, un jek tsiro, kai well o dukepen sasto; jek tsiro, kai well o kheer tele phagedo, un jek tsiro, kai well o kheer pre-tchiddo.

Jesaja 26:19

Baro Dewel, muk tire mulen djides te well! Muk len pre te stell! Tumer, kai wan paskedo, stenn pre dran o sopen un denn gole i bachtjatar! Tu, baro Dewel, hal har brishin, hoi dell djipen ap i phub. Doleske dell i phub i mulen pale win.

Jesaja 30:26

An ko tsiro, kai pandell o baro Dewel i pandepen trul o dukepen peskre menshendar, hoi job len das, un krell lengro nasselo un ratlo mass pale sasto, hi o tchon jaake sorelo har o kham. Un o kham hi efta kope sorleder har kanna.

Hosea 13:14

Ginap me len win dran i soor, hoi o mulengro themes hi? Lap me len win dran o merepen? Tu, merepen, kai hi tut ko nasslepen, ap koleste i menshe merenn? Tu, mulengro them, kai hi tut ko pharo nasslepen, hoi anell i menshen pash tute? Kal menshe khaitenn man buder gar.

Hosea 7:2

Un kowa djal gar an lengro shero dren, te djinau me lengro tselo tchilatchepen. Lengro tchilatcho koowa hi trul lende trujel, un hi mange tardo glan mire jaka.

Johanni 14:19

An i tikno tsiro dikenn man i menshe ap kai phub buder gar. Tumer dikenn man. Me djiwau. Doleske djiwenn tumer ninna.

Remarja 14:8

Te djiwah, djiwah o Debleske. Te merah, merah o Debleske. Hako tsiro ham mer leskro, – an o djipen har an o merepen.

1. Korintarja 15:4

Un job was paskedo, un was djido pal triin diwessa, jaake har kowa an o Debleskro lab tchinlo hi.