Hosea 6:10 - O Debleskro Drom 2021 (Sinte)

¹⁰ An o them Israel dikom djungelo tchilatcho koowa. Kote mukas man o kheer Efrajim har i djuwel, kai peskro romes chochell. Jaake kran pen mire menshe pale-tchiddo.

O Debleskro Lab 2024 (Sinte-Manouche)

¹⁰ An o them Israel dikom djoungelo čilačo koova. Kote moukas man o kheer Efrayim har i djouvel, kay peskro romes rhorhell. Yaake kran pen mire menshe pale-čiddo.

Hosea 6:10 ပူးပေါင်းရင်းမြစ်များ

1. Rajengro liil 12:8

Un job das tchi pre, hoi i phureder leske penan, un djas pash i terne murshende, kolla, kai wan leha khetne bares, un kanna leske budran.

1. Rajengro liil 15:30

Kowa his i phagi koleske, hoi o Jerobeam kras, har djas lo o baro Debleskro dromestar tele, un kras, te djan ninna i Israelitarja ap i tchilatcho drom. Doleske was o baro Dewel, kai o Israeleskro Dewel hi, jaake chojedo pral leste.

2. Rajengro liil 17:7

Kau koowa was ap i Israelende doleske, kai djan jon gar ko drom o baro Deblestar, kai lengro Dewel hi, un len win las dran o them Egiptia, dran o wast o Faraestar, ko rajestar pral o them Egiptia. Un jon mangan wawar deblen an,

Jeremia 18:13

Doleske penell o baro Dewel: Putchenn i menshendar an wawar themma: Kai das sawo djungelo koowa, har kol menshe dran Israel kran?

Jeremia 23:14

Ko djungelo koowa, hoi dikau pash mire rakepangre an Jerusalem, hi gomme bareder: I mursha chochenn pengre romjen, un i djuwja pengre romen; jon rakrenn chochepen, un krenn i tchilatchen sorelo. Jaake rikrenn le i menshen pale, te mukenn le pengro tchilatcho drom. Kal rakepangre hi jaake tchilatcho har i menshe an Sodom un Gomorra his.

Jeremia 3:6

An ko tsiro, kai o Josia o baro rai his, penas o baro Dewel ap mande: Dikal tu, hoi i Israelitarja kran? Jon hi har i djuwel, kai mukas peskro romes, un djas ap kol tsele berge un tel hake senele ruka un das pes trujel wawar murshentsa.

Ezekiel 23:5

Un an ko tsiro, har his li miro, lubras i Ohola trujel, un nashas wawar murshenge palla. Lakre pirne his kurepangre dran o them Assur,

Ezekiel 23:7

Un joi lubras trujel lentsa, kol an-dikle murshentsa dran o them Assur. Un joi mangas kol chochene deblen an kol murshendar, kolenge joi palla nashas. Un jaake was li pale-tchiddo mange.

Hosea 4:11

Mool – phuri mool un newi mool – krenn, te haiwenn i menshe buder gar, hoi latcho un hoi tchilatcho hi.

Hosea 4:12

Mire menshe putchenn pengre deblen un wawar kashta, te penenn jon lenge, hoi te krenn le. Lengre djia nashenn i chochene deblenge palla. Har i lubni mukell peskro romes, nashan le mandar, pengro Deblestar, krik.

Hosea 4:17

I menshe an o them Efrajim mukan pen chochene deblentsa dren. Mu te krenn le har kamenn le!

Hosea 5:3

Me prindjrau o Efrajim mishto, un kowa hoi o Israel krell, hi gar khatedo glan mande. O Efrajim lubras pes trujel, o Israel kras pes pale-tchiddo.