Hosea 5:9 - O Debleskro Drom 2021 (Sinte)

⁹ An ko tsiro, kai dau o Efrajimeske peskri phagi, well leskro them i mulo them. Halauter, hoi i Israelenge trad dom, well jaake har penom.

O Debleskro Lab 2024 (Sinte-Manouche)

⁹ An ko tsiro, kay dau o Efrayimeske peskri phagi, vell leskro them i moulo them. Halauter, hoy i Israelenge trad dom, vell yaake har penom.

Hosea 5:9 ပူးပေါင်းရင်းမြစ်များ

Hiob 12:14

Kowa, hoi job tele phagas, nai tchiwell kek pale pre. Kones job dren pandas, koleske nai krell kek pale pre.

Jesaja 37:3

Un jon hunte penan leske: “Kawa penell o Hiskija: Kau diwes hi i diwes pherdi traash, phagi un ladj. Hi jaake har penlo well: ‘O ternepen kamell ap kai phub te well, un i dat hi kek soor, te anell li les win.’

Jesaja 46:10

An o phuro tsiro penom me glan-wi, hoi wella. Glan rah tsiro rakrom kolestar, hoi gomme gar his. Un me penau: Kowa hoi me mange glan lom, well jaake. Un me krau lauter, hoi kamau te krell.

Jesaja 48:3

An o phuro tsiro penom tumenge glan-wi, hoi wella. Dran miro mui djas kowa win. Me mukom les te shunell. Un jaake sik, har jek i jaka dell, krom kowa, un lauter was jaake, har glan-wi penom.

Jesaja 48:5

Doleske penom me kowa tumenge glan i rah tsiro. Un glan kowa was, mukom me les tumen te shunell, te nai penenn gar: “Miri debleskri figura kras kowa, un koi figura dran kasht un saster, hoi an-mangom, kaja penas, te well kowa jaake.”

Jesaja 7:16

Glan te was ko tsiro, kai djinell lo kowa, well ko them muklo tchiddo, glan koleskre dui bare rajende tut sawi bari daar hi.

Hosea 5:12

Me hom o khereske Efrajim har i motta, hoi chal i ripen paash. Un o khereske Juda hom har i kirmo, hoi chal o kasht paash.

Hosea 5:14

Me hom o themeske Efrajim har i lewo, un o khereske Juda har i terno lewo. Me dandrau len an kotja, un djau mange. Me hidjrau len krik, un kek nai lell len dran miro wast win.

Hosea 7:12

Te krenn i menshe an o them Efrajim jaake dureder, witsrau me miri netsa pral lende, un taprau len har tchirkle, un dau len pengri phagi, jaake har lenge penom, har jon khetne his.

Hosea 8:8

O Israel hi nashedo; i menshenge dran i wawar themma trul lende, hi lo har i piri, hoi tchi moldo hi.

Hosea 9:7

O tsiro hi koi, kai me tumenge tumari phagi dau, un tumaro tchilatchepen ap tumare sherja pale anau. Un tumer Israelitarja haiwenn kowa! Tumer penenn: “I narwelo hi ko Debleskro rakepaskro! Ko mursh, koles o Debleskro ducho hi, rakrell dinelo koowa!” Jaake baro hi tumari doosh un tumari choli ap mande!

Amos 3:7

Tchatchepah, o baro Dewel, maro rai, krell tchi, te rakras lo gar glan kowa koi pral ap peskre rakepangre, kai leske koi hi.

Amos 7:17

Doleske penell o baro Dewel: Tiri romni well i lubni an o foro. Tire tchawe un tcha wenn maredo o chareha. Tiri phub lenn wawar menshe. Tu meress an i pale-tchiddo them. Un i Israelitarja wenn win tradedo dran lengro them.”

Amos 7:9

I mulne platse, kai mangan o Isaakeskre menshe chochene deblen an, kal platse wenna paash dino. Un kol khera, kai sharan i Israelitarja o Debles, wenn dino an kotja. Un me wau miro chareha pral o kheer Jerobeam.”

Micha 6:13

Tumer lan bud doosh ap tumende. Doleske dau tumen tumari phagi, un krau tumaro foro paash.

Zakarie 1:6

Kol laba, hoi jon, mire budepangre, tumare phurenge penan, tapran len. Koi mukan le pengro tchilatcho drom, un penan: Kowa, hoi o baro Dewel, ko rai pral o bolepen un i phub, mentsa kras, hi i phagi maro tchilatcho djipaske un ko tchilatcho koowa, hoi kram, jaake har penas lo.

Johanni 16:4

Te well ko tsiro, hunte djinenn tumer, kai kowa jaake wella, har me les tumenge penom. Me penom tumenge kowa gar, har homs pash tumende. Kanna penau tumenge kowa.