Hosea 5:8 - O Debleskro Drom 2021 (Sinte)

⁸ Phurdenn an i phurdepaskri an i forja Gibea un Rama! Denn i kurepaskri gole an o foro Bet-Awen! Tumer kurepangre dran o kheer Benjamin, nashenn glan, mer nashah tumenge palla!

O Debleskro Lab 2024 (Sinte-Manouche)

⁸ Phourdenn an i phourdepaskri an i forya Gibea oun Rama! Denn i kourepaskri gole an o foro Bet-Aven! T'mer kourepangre dran o kheer Benyamin, nashenn glan, mer nashah t'menge palla!

Hosea 5:8 ပူးပေါင်းရင်းမြစ်များ

2. Samuel 21:6

dran leskro kheer denn men efta murshen, te bladas len pre glan o baro Debleste an o foro Gibea, hoi o foro o Saulestar hi, koles o baro Dewel win rodas.” Penas o David: “Me dau len tumende.”

1. Rajengro liil 12:29

Un koi jek figura anas lo an o foro Betel un koi wawar an o foro Dan.

Jesaja 10:29

djan dureder mank kol dui berge un wenn an o foro Geba, te atchenn le kote pral i rat. I menshe an o foro Rama trissenn i darjatar. Kolla dran o Sauleskro foro Gibea nashenn penge.

Jeremia 4:5

Denn soreles gole an Juda, kharenn win an Jerusalem, un penenn: Phurdenn koi phurdepaskri an o tselo them! Denn win gole, te wenn le an i sorele forja khetne!

Jeremia 6:1

Tumer menshe dran o kheer Benjamin, nashenn dran Jerusalem! un phurdenn koi phurdepaskri an Tekoa! Krenn i jag ap i berga Bet-Kerem, te well o jagakro ducho i sikepen! Bari bibacht un merepen well kotar, kai norden hi.

Hosea 10:5

I menshe an o foro Samaria darenn, te well ko sonakaskro terno gurum krik lino, hoi hi tardo an o foro Bet-Awen. Jon rowenna har pal jekeske, kai meras. Leskre rashaja trissenna trul leskro shukapen, te well lo lestar krik lino.

Hosea 4:15

Israel, ninna te kameh tu tut trujel te lubrell, kamau gar, te krenn i menshe an o them Juda sau koowa har tu, un anenn doosh ap pende. Ma djan an i forja Gilgal un Bet-Awen, te mangenn kote i chochene deblen an! Un ma denn tumen kote sowel un penenn “Me dau man sowel pash o djido Debleste.”

Hosea 8:1

O baro Dewel penell: Phurde soreles an i phurdepaskri! Har i adlari wenn le pral miro them. Kolla kai kote djiwenn, rikran pen gar ap kowa, hoi lentsa win krom, un hadan pen pral mire laba.

Hosea 9:9

Tumaro tchilatcho koowa, hoi krenn, hi jaake djungelo har kowa, hoi was kerdo an o foro Gibea glan i rah tsiro. Doleske bistrell o baro Dewel gar tumari doosh un dell tumen tumari phagi.

Joel 2:1

Phurdenn an i phurdepangre! Denn bares gole ap miri berga, koi berga Zion! Trashenn, tumer lauter, kai djiwenn an o them Juda! O diwes o baro Deblestar wella sik!

Joel 2:15

Phurdenn i phurdepaskri ap i berga Zion! Denn i menshen khetne gole! Penenn lenge, te chan le tchi, un sikrenn jaake, te khaitell lenge lengri doosh.

Amos 3:6

Phurdell jek an i kurepaskri trompeta an o foro, un i menshe lenn kek daar? Na-a! Well i bibacht pral o foro, hoi o baro Dewel bitchras gar? Na-a!

Josua 7:2

Un o Josua bitchras murshen dran o foro Jericho, te djan le pash ko foro Ai. Kau foro hi tchiddo pash Bet-Awen un gar dur o forestar Betel, ap leskri rig, kai o kham pre djal. Un job penas ap lende: “Djan pre un dikenn tumen an o them tchorchanes trujel!” Un kol mursha kran kowa,

Čačepangre 5:14

Dran o Efrajim wan kolla, kai dran o them Amalek wan. Pal lende was o Benjamin peskre lurdentsa, dran o Machir wan i pralstune, un dran o Sebulon i bare lurde.

1. Samuel 15:34

Pal kowa djas o Samuel an o foro Rama. Un o Saul djas pale an peskro kheer an o foro Gibea.

1. Samuel 7:17

Palle djas lo pale an Rama, kai lo khere hi, un rakras kote o tchatchepen win pral i Israelitarja. Ninna kote kras lo i chatchepaskri, kai tchomone chatchedo well o baro Debleske.

1. Samuel 8:4

Kote wan i tsele phureder dran o them Israel khetne un djan pash o Samuel an Rama.