Hosea 5:7 - O Debleskro Drom 2021 (Sinte)

⁷ Jon phagan mantsa, o baro Debleha, un anan tchawe ap i phub, kai man gar prindjrenn. Doleske wenn le halauter krik lino an kol diwessa, kai well o newo tchon diklo, – jon khetne pengro themeha.

O Debleskro Lab 2024 (Sinte-Manouche)

⁷ Yon phagan mantsa, o baro Debleha, oun anan čave ap i phoub, kay man gar prindjrenn. Doleske venn le halauter krik lino an kol divessa, kay vell o nevo čon diklo, – yon khetne pengro themeha.

Hosea 5:7 ပူးပေါင်းရင်းမြစ်များ

Debleskri gili 144:11

Tape man, un le man win dran i wasta kol wawar menshendar! Kolengro mui chochepen rakrella, ninna te denn le pen sowel.

Debleskri gili 144:7

Rike mange tiro wast dran o bolepen! Tape man, un le man win dran kau baro pani, dran i wasta kol wawar menshendar!

Jesaja 1:14

Kol bare diwessa, kai tumer rikrenn, te well i newo tchon, un ninna i wawar bare diwessa nai dikau gar buder. Jon wan mange phares te hidjrap len, un me wom khino tel lende.

Jesaja 48:8

An kek tsiro shunan tumer, hoi penom, witar gar kaman kowa te djinell. Un i rah tsiro his tumare kanda pandlo mire labenge. Tchatchepah, me djinom tumaro phukepen. Un jaake rah har ap i phub han, wenn tumer kharedo: Kolla, kai kamenn tchi o Deblestar te djinell.

Jesaja 59:13

Mer phagam maro baro Debleha, djiwam har te prindjrams les gar, un peram lestar tele. Kram i wawaren tiknes maro rakepah, un phukram ap lende. Lam men chochepen glan un rakram chochepen.

Jeremia 3:20

Tchatchepah, har i romni, kai chochras peskro romes i wawar mursheha, jaake chochras man o kheer Israel. Me, o baro Dewel, penau kowa.

Jeremia 5:11

Jon sikran mange o dumo, penell o baro Dewel, kol menshe an Israel un kol menshe an Juda.

Ezekiel 12:28

Doleske pen lenge: Kawa penell o baro Dewel, miro rai: Kowa, hoi penom, well sik. Ko lab hoi me rakrom, well tchatcho. Kowa penau me, o baro Dewel, tumaro rai.

Hosea 2:11

Doleske kamau miro djob un mire drake pale te lell an ko tsiro, kai le baro wan, un dren anlo wans. Ninna lau latar mire bakrengre balla, un miro laintikre thaba lakre ripjenge.

Hosea 2:4

O baro Dewel penell: Penenn, hawi doosh o them Israel ap peste anas! O them Israel, tumari dai, hi buder gar miri romni, un me hom buder gar lakro rom. Mangenn latar, te lell li kowa krik, hoi sikrell, te hi li i lubni, – ko koowa an lakro mui un kowa, hoi hidjrell li ap peskri betch.

Hosea 6:7

Jaake sik har wan le an o them dren pash o foro Adam, rikran le pen buder gar ap kowa, hoi me, o baro Dewel lentsa win krom, un mukan man.

Hosea 7:13

Bibacht ap lende! Jon djan mandar krik! Merepen pral lende! Jon peran mandar tele! Me kamoms len dran i bibacht te lell, un jon rakrenn chochepen pral mande.

Zakarie 11:8

Un an jek tchon krom me, te hunte djan penge kol triin wawar bakrengre. Me nai dikom len buder gar glan i jaka. Un jon his chojedo ap mande.