Hosea 5:15 - O Debleskro Drom 2021 (Sinte)

¹⁵ Me djau mange pale kote, kai khere hom, bis te dikenn le pengri doosh dren un rodenn man. Te djal lenge gar mishto, palle putchenn le pale pal mande.

O Debleskro Lab 2024 (Sinte-Manouche)

¹⁵ Me djau mange pale kote, kay khere hom, bis te dikenn le pengri doosh dren oun rodenn man. Te djal lenge gar mishto, palle poučenn le pale pal mande.

Hosea 5:15 ပူးပေါင်းရင်းမြစ်များ

1. Mose 42:21

Un jek penas ap o wawareste: “Tchatchepah, kanna lah koi phagi, hoi mer maro phraleske kram. Mer dikam leskri daar, hoi les his, har job men mangas, te mukas les te djiwell. Un mer shunam gar ap leste. Dran kowa well koi bibacht pral mende.”

2. Familjakro liil 7:14

un mire menshe, kai miro labeha kharedo wenn, dikenn palle dren, hoi le kran, un mangenn man, un rodenn man un djan pengre tchilatche dromma tele, palle shunau an o bolepen lengri gole, un lau lengri doosh krik un krau lengro them sasto.

Hiob 33:27

Ko mensho giwell palle glan i menshende un penell: “Me lom doosh ap mande, un rissrom mange o tchatchepen jaake har me kamom. Un miro Dewel mukas kowa gar ap miro shero pale te well.

Debleskri gili 107:13

Har lenge jaake djungeles djas, dan le gole ap o baro Debleste. Un job las len win dran lengri daar,

Debleskri gili 107:19

Har lenge jaake djungeles djas, dan le gole ap o baro Debleste. Un job las len win dran lengri daar,

Debleskri gili 107:28

Har lenge jaake phares his, dan le gole ap o baro Debleste, un job las len win dran pengri daar,

Debleskri gili 107:6

Har lenge jaake djungeles djas, dan le gole ap o baro Debleste. Un job las len win dran lengri daar.

Debleskri gili 132:14

“Kaja hi i platsa, kai khere hom hako tsiro” penell lo. “Kate kamau te djiwell.”

Debleskri gili 50:15

Un de gole ap mande ap ko diwes, kai hal an i bibacht! Palle lau tut win, un tu sharess man.”

Debleskri gili 78:34

Te anas lo o merepen pral lende, rodan le o Debles, un putchan pale pal leste.

Debleskri gili 83:16

Bitche i baro phurdepen un trade len krik! Kre lenge daar tiro sorelo ducheha!

Gosewe laba 8:17

Me kamau kolen, kai man kamenn. Un kolla, kai rodenn man o djijestar, kolla hatsenn man ninna.

Jesaja 18:4

O baro Dewel penas ap mande: Fun pral dran miro kheer lau an i jak, hoi djala ap i phub, un atchau pokones har o tatepen mashkral o diwes, un har i sapeni wolka an o tato tsiro, kai o djob dren anlo well.

Jesaja 26:16

Baro Dewel, an o pharo tsiro rodan tire menshe tut. Har dal len i phagi, dan le darenes ap tute gole.

Jesaja 26:21

O baro Dewel well dran peskro kheer win, te anell lo o tchilatchepen pale ap i sherja kolendar, kai o tchilatchepen kran. Palle well o rat kolendar diklo, kai maredo wan. Un i phub khatrell len buder gar.

Jesaja 26:9

Ratsjake djal miro dji tuke palla, o ducho an mande rodell tut taissarlake. Te kreh tu o tchatchepen win ap i phub, palle dikenn lauter, kai ap i phub djiwenn, hoi tchatchepen hi.

Jeremia 2:27

kolla, kai ap i debla penenna: “Tu hal miro dad!” un ap i barrengre debla: “Tu anal man ap i phub.” Mange sikran le pengro dumo un gar pengro mui. Te well kanna i bibacht pral lende, denn le gole: “Rai! Ab ap mari rig!”

Jeremia 3:13

Tu hunte kress tchi, har te dikess dren, kai anal doosh ap tute, har hadal tut pre pral o baro Debleste, kai tiro Dewel hi. Tu nashal kai te koi trujel, te mangess wawar deblen an tel hake senele ruka, un shunal gar ap mire laba, penell o baro Dewel.

Jeremia 3:14

Awenn pale, tumer tchawe, kai nashan mandar krik, penell o baro Dewel. Me hom tumaro rai. Me kamau tumendar te lell jekes dran hako foro un dui dran haki familja, un kamau tumen an Zion te anell.

Ropaskre gilja 3:40

Dikas ap maro djipen, har mer djiwah, un rissras trujel pash o baro Debleste.

Ezekiel 10:4

Un o baro Debleskro railepen, hoi his pral kol bolepangren, hadas pes fun kotar, un djas pash o kheer, kote kai o wudar hi. Un o tselo kheer was pherdo fun koi wolka, un i glanstuni platsa his pherdo o baro Debleskro railepen.

Ezekiel 11:23

Un o baro Debleskro railepen hadas pes un djas dran o foro win, un tchiwas pes ap i berga, hoi glan o foro tchiddo hi, kote kai o kham pre djala.

Ezekiel 20:43

Un kote well tumenge kowa an o shero, hoi kran un har djiwan, koleha tumer tumen pale-tchiddo kran. Un ko tselo tchilatcho koowa, hoi kran, well tumenge tchadepaske.

Ezekiel 36:31

Un palle well tumenge an o shero, har tchilatcho kowa his, hoi kran un har djiwan. Un ko tselo tchilatcho koowa, hoi kran, un har i chochene deblen an-mangan, well tumenge tchadepaske.

Ezekiel 6:9

Kote, kai le pandle hi, wau me lenge an o shero. Un jon dikenn dren, te dom len i phagi koleske, hoi jon kran: Jon phagan mantsa un nashan chochene deblen palla. Palle rissrell lenge halauter an pende pral ko tselo djungelo koowa, hoi jon kran.

Ezekiel 8:6

Un o baro Dewel penas ap mande: Tu, mensho, dikeh tu, hoi le krenn? Baro djungelo koowa hi, hoi o kheer Israel kate krell, te djap mange dran miro kheer win. Un tu dikess gomme bareder djunglepen.

Hosea 3:5

Pal ko tsiro wenn i Israelitarja palpale pash o baro Debleste, kai lengro Dewel hi, un pash lengro baro rajeste – jekeste dran o kheer David. Un trisslepah wenn le pash o baro Debleste. Un job well lenge latches an ko tsiro, hoi wella.

Hosea 5:6

Palle wenn le pengre bakrentsa un pengre grumjentsa, te anenn le len o baro Debleske, te well job lenge latches. Un job sikrell lenge o dumo, te nai hatsenn le les gar.

Micha 1:3

Dikenn, o baro Dewel djal win dran peskro kheer, un well tele un djal pral i berge ap kai phub.

4. Mose 21:7

Koi wan jon pash o Moseste un penan: “Mer anam doosh ap mende, har tchingram ap o baro Debleste un ap tute. Mange o Debles menge, te lell job kol sapa mendar!” Un o Mose mangas kol menshenge.

Louka 13:25

Te stell o rai pral o kheer pre un krell o wudar pandlo, palle han tumer win tardo, un tumer denn gole: Rai, kre menge o wudar pre! Un ko rai penella: Me prindjrau tumen gar.

Čačepangre 4:3

O baro rajes Jabin his 900 (enja-sheel) sasterne wurdja o kurepaske. Un job kras i Israelenge i pharo djipen biish bersha. Doleske dan le bari gole ap o baro Debleste.