Hosea 5:14 - O Debleskro Drom 2021 (Sinte)

¹⁴ Me hom o themeske Efrajim har i lewo, un o khereske Juda har i terno lewo. Me dandrau len an kotja, un djau mange. Me hidjrau len krik, un kek nai lell len dran miro wast win.

O Debleskro Lab 2024 (Sinte-Manouche)

¹⁴ Me hom o themeske Efrayim har i levo, oun o khereske Youda har i terno levo. Me dandrau len an kotya, oun djau mange. Me hidjrau len krik, oun kek nay lell len dran miro vast vin.

Hosea 5:14 ပူးပေါင်းရင်းမြစ်များ

Hiob 10:16

Te hadau miro shero pre, palle leh tu man palla, har te wals i lewo, un sikreh tiri bari soor, te dukress man.

Hiob 10:7

Tu djineh, te hi ap mande kek doosh, un te hi kek koi, koon nai lell miro djipen dran tiro wast win.

Debleskri gili 50:22

Tumer, kai kamenn tchi mandar te djinell, haiwenn, hoi penom, te wap gar un dap tumen, un kek hi koi, kai lell tumen win dran miro wast.

Debleskri gili 7:2

Baro Dewel, tu hal miro Dewel, pash tute khatrau man. Le man win dran i wasta kolendar, kai man palla lenna! Te weh tu gar ap miri rig,

Jesaja 5:29

Lengri gole hi har koja, hoi i lewo dell, awa, jaake har dell i terno lewo gole, hoi well dur dran leskri meen. Un palle stell lo pre un taprell ko vieches, hoi lo chapaske kamell, un hidjrell les kote, kai kek nai lell les leske krik.

Jeremia 25:38

Job djas win, har i terno lewo win well dran peskro khatepen, te marell lo. Un lengro them atchas khetne stakedo tchiddo. Jaake baro his o kurepen, un o baro Debleskri choli pral lende.

Ropaskre gilja 3:10

Job luras mange pre, har te wals lo i tchilatcho diwjo viecho, un har i lewo an peskro khatepen.

Hosea 13:6

Un har dom len te chal, un jon tchalo wan un len doha his, phurdan le pen pre, un bistran man.

Hosea 2:12

Glan lakre pirnengre jaka riwau lat nanges win. Un kek nai lell lat dran miro wast win.

Hosea 6:1

Awenn, te djas pale pash o baro Debleste! Job dukas men, un job krell men pale sasto. Job das men dawa, un job pandell men pale khetne.

Amos 2:14

Ninna kolla, kai nashenn nai sik, nai nashenn gar penge. Sorele mursha nashrenn pengri soor. Un kurepangre atchenn gar djido.

Micha 5:8

Israel, hade tiro wast pral halauterende, kai kurenn pen tuha, te atchell kek lendar djido!

5. Mose 28:31

Tu dikeh har wawar tiri grumni marenn, un tu lell latar tchi te chal. Tiri burika well tuke randedo glan tire jaka, un well tut gar buder pale dino. Kol menshe, kai kurenn pen tuha lenn tire bakre un busja penge, un kek well ap tiri rig, te lell lo len dran lengre wasta win.

5. Mose 32:39

Dikenn kanna dren, te hom me kokres o Dewel, dell kek wawar Dewel har man! Me marau un me krau djido, me dukrau un me krau sasto, un dell kek, kai jekes dran miro wast nai win lell.