Hosea 4:5 - O Debleskro Drom 2021 (Sinte)

⁵ Doleske perenn tumer rashaja ap o diwes, un o Debleskro rakepaskro, kai pash tumende hi, perell ratsjake. Un o kheer Israel, tumari dai, krau paash.

O Debleskro Lab 2024 (Sinte-Manouche)

⁵ Doleske perenn t'mer rashaya ap o dives, oun o Debleskro rakepaskro, kay pash t'mende hi, perell ratsyake. Oun o kheer Israel, t'mari day, krau paash.

Hosea 4:5 ပူးပေါင်းရင်းမြစ်များ

Jesaja 50:1

Kawa penell o baro Dewel: Kai hi ko liil, hoi me hunte tchinoms, kai dren tardo hi, te mukom me tumari dat? Koon hi kowa, pash koleste man sijaan wals un tumen leske bikroms. Dran tumari doosh han bikedo. Tumer peran miro dromestar tele. Doleske hi tumari dai muklo.

Jeremia 15:8

Koi hi budeder djuwja, kolengre romma meran, har barra pash o baro pani. I daja shunan, kai meran lengre tchawe mashkral o diwes. Koi was i bari traash un daar pral lende.

Jeremia 23:9

Kowa penas o Jeremia ap kol rakepangre, kai hunte rakrans o Debleskre laba, un krenn kowa gar: Miro dji kamell te phagell an mande. Mire tsele kokale trissenn. O baro Dewel rakras mantsa. Un leskre laba, hoi lo penas, kran, te nai rikrau man buder gar ap i herja. Me wom har mato har jek kai hi mato i moljatar.

Jeremia 50:12

o tsiro well, kai hi tumaro themes, kai boldo wan, buder tchi sapaske. Menshe dran wawar themma san pral leste. Mank i tsele natsjone well o them Babilonia o tchorwleder, i mulo tato them, kek panjeha, kai tchi bares well.

Ezekiel 14:3

Tu, mensho, kal mursha rikran ap pengre chochene deblen, un tchiwan len pre glan pende, kolen, kai anenn len ap o tchilatcho drom. Hoske mukap man sawendar te putchell?

Hosea 2:2

Palle wenn i menshe dran o them Juda un i menshe dran o them Israel khetne. Un khetne rodenn le penge jek pralstunes win, te well lo o rai pral lende. Un jon djiwenna an o tselo them. Hawo baro diwes well ko diwes, kai djal jaake, har o lab Jesreel kharell!

Hosea 2:5

Te krell li kowa gar, palle riwau lat win, te hi li nanges tchiddo, har ap ko diwes, kai li boldo was. Un krau, te well o them i mulo them, kai kek pani hi, kai hunte merell li i trushatar.

Hosea 5:5

Lengre pre-phurde djia sikrenn, har bud doosh ap lende hi. Dran lengri doosh perenn i Israelitarja an i bibacht. Ninna i menshe dran o them Juda perenn lentsa khetne.

Zakarie 11:8

Un an jek tchon krom me, te hunte djan penge kol triin wawar bakrengre. Me nai dikom len buder gar glan i jaka. Un jon his chojedo ap mande.

Zakarie 13:2

O baro Dewel, ko rai pral o bolepen un i phub, penell: An ko tsiro krau, te mangenn i menshe an o them Juda buder kek chochene deblen an. Un kolengre laba wenn bistedo. Ninna kol rakepangre, kai penenn, te hi le Debleskre rakepangre un hi kowa gar, un jon rakrenn, hoi i wawar ducho lenge penell, kolen tradau win dran o them.

Galatarja 4:26

Hi ninna i foro Jerusalem an o bolepen. Ko Jerusalem hi har i rajetsa, i Sara. Lakre tchawe hi gar pandlo ap o Moseskre laba. Joi hi mari dai.