Hosea 4:2 - O Debleskro Drom 2021 (Sinte)

² Kowa, hoi pash tumende hatslo well hi koshepen, chochepen, tchorepen, menshe wenn mulo dino, un bud mursha chochenn pengre romjen, un bud djuwja pengre romen. Un jon marenn jekes pal o wawares.

O Debleskro Lab 2024 (Sinte-Manouche)

² Kova, hoy pash t'mende hatslo vell hi koshepen, rhorhepen, čorepen, menshe venn moulo dino, oun boud morsha rhorhenn pengre romyen, oun boud djouvya pengre romen. Oun yon marenn yekes pal o vavares.

Hosea 4:2 ပူးပေါင်းရင်းမြစ်များ

1. Mose 4:8

O Kain penas ap peskro phraleste Abel: “Am! Djas win ap o them!” Un har jon win ap o them his, hadas pes o Kain ap peskro phraleste Abel un das les mulo.

Jesaja 24:5

I menshe ap i phub mukan o Debleskro drom, un rikran pen gar ap leskre laba, un djiwan gar jaake, har lo lentsa win kras, un hoi hako tsireske tchatcho hi. Jaake kran le i phub pale-tchiddo.

Jesaja 48:1

Shunenn, tumer dran o kheer Jakob, tumer, kai wenn o labeha Israel gole dino, un wenn dran o kheer Juda. Tumer denn tumen sowel pash o baro Debleste, un penenn, te mangenn o Israeleskro Debles an. An o tchatchepen un i djudjo djijeha krenn tumer kowa gar.

Jeremia 51:5

I Babilonarja kran baro tchilatchepen ap o Israeleskro Debleste. O Israel un o Juda wan gar muklo pengro Deblestar, ko baro Deblestar, kai hi o rai pral o bolepen un i phub.

Jeremia 6:7

Jaake har dran i brunna o pani wella, jaake well dran o foro o tchilatchepen. I gole kolendar, kai wenn sorjah tele rikedo un dukedo, shunau. Menshe lenn glan mande dawa un wenn maredo.

Ropaskre gilja 4:13

Kowa was pral o foro koi doshake, hoi o Debleskre rakepangre un i rashaja ap pende anan. Jon mukan kote sawe menshen te marell, kai kek tchilatchepen kran.

Ezekiel 7:23

Kre i shello! O tselo them hi pherdo kolendar, kai lan rateskri doosh ap pende. Un o foro hi pherdo kolentsa, kai rikran i wawaren i sorjah tele.

Hosea 10:13

Tumer kran o tchilatchepen, un tumaro djipen anas tchilatcho koowa win. Un tumer chan, hoi dran tumaro chochepen win was. Tumer djan pal tumaro shero, un dikenn ap tumare bare un sorele kurepangre, te wenn le tumenge ap i rig.

Hosea 10:4

I bare raja krenn bud laba, denn pen chochene sobja, un krenn pen wawar thementsa khetne. Kowa, hoi kharenn le ‘tchatchepen’, hi har ko tchilatcho senlepen, hoi well baro ap i hachetikri phub un anell o merepen.

Hosea 12:14

O baro Dewel bitchras peskro rakepaskres, te anell lo i Israelitarjen dran o them Egiptia win. Un leskro rakepaskro das jak ap lende.

Hosea 5:2

Tumer, kai peran tele mandar, anan bari doosh ap tumende. Doleske dau tumen halauteren tumari phagi.

Hosea 6:8

Gilead hi i foro pherdo tchilatche menshe. Mank lende hi ninna sawe, kai maran wawaren.

Hosea 6:9

Un i rashaja krenn pen khetne har tchorepangre, kai lurenn an o khatepen, te well jek, koles nai le win randenn. Ap o drom an o foro Sichem marenn le. Sawo tchilatcho koowa krenn le!

Hosea 7:1

Hako kopo, kai kamau mire menshenge lauter pale mishto te krell, palle sikrell pes, hawi doosh o Efrajim ap peste anas, un har baro o tchilatchepen kol menshendar an o foro Samaria hi. Jon hi chochepangre. Tchorepangre phagenn an i khera dren. Un randepangre tchorenn i menshen win ap o drom.

Hosea 7:3

Pengro tchilatchepah krenn le o baro rajes bachtelo, un pengro chochepah i pralstunen.

Hosea 7:4

Jon halauter hi phukepangre. Lengri choli chatchell har i jag an i bob, hoi hi jaake tato, te hunte dell o pekepaskro buder gar jak koi pre, jaake rah har krell lo o maro, hoi kamell lo te pekell.

Micha 3:2

O latchepen kamenn tumer gar! O tchilatchepen, kowa kamenn te krell. Mire menshentsa djan tumer trujel, har te wans le marede vieche, kolenge i hauta tele tserdedo well, un o mass tele tchinlo fun lengre kokale, un i kokale phagedo, un palle o mass an i piri tchinlo un keredo. Jaake chan tumer mire menshen.

Micha 3:9

Jaake shunenn kowa, tumer pralstune an o kheer Jakob, un tumer raja an o kheer Israel! Tumer, kai stakrenn tumare pirentsa ap o tchatchepen trujel, un penenn fun kowa, hoi tchatcho hi: Kowa hi chochepen.

Micha 6:10

An i khera i tchilatchendar hi brawlepen, hoi kolla chochepah khetne anan. Te bikrenn un ginenn le tchomone, lenn le i piri, hoi tikneder hi har li hunte wals. Sawo koowa hi djungeles glan mande.

Micha 7:2

Kek, kai o Debleskro drom djal, hi buder an kau them. Kek dell mank i menshende, kai an o tchatchepen tardo hi. Jek rodell, har te marell lo o wawares. Un hakeno lell o wawares palla, te taprell lo les.

Zefanja 3:1

Djungeles djal ko foreske, kai hadas pes pral o baro Debleste, ko foreske, an koleste tchilatchepen un marepen hi!

Zakarie 5:3

Un job penas ap mande: “Kowa hi o praassepen, hoi djal win pral o tselo them Juda. Kau liil penell: Hakeno, kai chochell, well win tradedo dran o them. Ninna hakeno, kai dell i chocheno sowel, well krik lino.

Zakarie 7:9

Me, o baro Dewel, ko rai pral o bolepen un i phub, penom glan bud bersha mire menshenge: “Tumer hunte denn jak, te well o tchatchepen kerdo. Un hakeno hunte krell peskro dji pre peskro phraleske un well leske latches.

Mateo 23:35

Tumer han tchilatcho har tumare phure. Jon maran i latche menshen jaake rah har i phub tardo hi: O latcho mursh Abel was maredo glan i tsele wawar menshende. Pal leste maran le wawar latche menshen bis ap ko tsiro, kai o Zachari maredo was, koleskro dad his o Barachi. O Zachares maran tumer mashkral o Debleskro kheer un i sasterni chatchepaskri, kai i vieche o Debleske chatchedo wenna. Doleske well i phagi ap tumende, kai kanna djiwenna.

Bičepangre 7:52

Penenn mange: Dell jek Debleskro rakepaskro, kai lan tumare phure gar palla? Jon maran kolen, kai glan-wi penan, te well ko jek, kai hako tsiro o tchatchepen krella. Job was, un tumer phukran ap leste un maran les.

5. Mose 5:11

Ma le miro lab ‘baro Dewel’ tchitcheske an tiro mui! Me, o baro Dewel, hom tiro Dewel un dau i phagi hakenes, koon kowa krella.

5. Mose 5:18

Romeha, ma dja i wawar djuwjah! Romnija, ma dja i wawar mursheha!

5. Mose 5:19

Ma tchore!

1. Tessalonikarja 2:15

I bibolde maran o Jesus Kristes. Glan leste maran le o Debleskre rakepangren. Men lan le ninna palla. Jon choirenn o Debles. Un ap i tsele menshende hi jon tchilatcho.

Debleskro tsiro 17:6

Un me dikom, kai koi djuwel mato his o ratestar, hoi nashas, har o Debleskre menshe maredo wan, kolla, kai patsan ap o Jesuseste un dan pengro patsepen gar pre. Un me nashte patsom gar, hoi dikom.