Hosea 4:10 - O Debleskro Drom 2021 (Sinte)

¹⁰ Tumer mukan man, o baro Debles, te djan wawar deblenge palla. Doleske chana un wenn gar tchalo, djan bud djuwjentsa un lenn gar bud tchawe.

O Debleskro Lab 2024 (Sinte-Manouche)

¹⁰ T'mer moukan man, o baro Debles, te djan vavar deblenge palla. Doleske rhana oun venn gar čalo, djan boud djouvyentsa oun lenn gar boud čave.

Hosea 4:10 ပူးပေါင်းရင်းမြစ်များ

2. Familjakro liil 24:17

Un har o Jojada mulo his, wan i pralstune dran o them Juda un witsran pen glan o baro rajeste ap i phub. Koi shunas job ap kowa, hoi jon leske penan, te krell lo.

Debleskri gili 125:5

Kolen, kai tiro drom mukenn un djan ap bange dromma, deh tu, baro Dewel, i phagi khetne kolentsa, kai i wawarenge tchilatchepen krenna. Bacht te well pral o Israel!

Debleskri gili 36:3

An peskre jaka hi kowa jaake shukar, hoi lo krella, te haiwell lo gar, kai kowa i doosh hi, kai hunte rikrals pes lo latar pale.

Gosewe laba 13:25

Koles, kai an o tchatchepen tardo hi, hi doha chapaske. O per i tchilatchestar bokella.

Jeremia 34:15

Tumer wan pale ap miro drom, un kran, hoi glan mire jaka mishto hi, un mukan win gole te dell, te wenn kol budepangre win muklo, kai hi Israelitarja. Un tumer dan tumen sowel, glan mande an ko kheer, kai mange kerdo was, te krenn kowa jaake.

Jeremia 9:12

O baro Dewel penell koi pre: Me sikrom len miro drom, un jon mukan les, un shunan gar ap mire laba, un djiwan gar koi pal.

Ezekiel 18:24

I latcho mursh, te mukell job peskro latcho drom, un krell kanna o tchilatchepen, un ko tselo djungelo koowa, hoi ko tchilatcho kras, atchell lo djido? Na-a! Ko tselo latcho un tchatcho koowa, hoi lo kras, well bistedo. Job mukas o Debleskro drom un anas doosh ap peste. Doleske hunte merell lo.

Ezekiel 22:9

Mank tumende hi sawe menshe, kai rakrenn chochepen, te anenn le doosh ap wawarende, jaake te wenn kolla maredo. Wawar tumendar chan o mass sawe viechendar, hoi i chochene deblenge maredo wan, un krenn wi-ladjedo koowa mank tumende:

Hosea 4:14

Kek phagi dau tumare tchenge, witar gar tumare tchawengre romjenge koleske, hoi le kran. Na-a, tumenge murshenge dau i phagi. Tumer djan i lubjentsa ap i rig, un chan khetne lentsa o mass kol viechendar, hoi i chochene deblenge maredo wan. Un i menshe, kai dikenn kowa, un djinenn gar, hoi latcho un hoi gar latcho hi, jon perenn o tchatcho dromestar tele.

Hosea 7:4

Jon halauter hi phukepangre. Lengri choli chatchell har i jag an i bob, hoi hi jaake tato, te hunte dell o pekepaskro buder gar jak koi pre, jaake rah har krell lo o maro, hoi kamell lo te pekell.

3. Mose 26:26

Tumen well buder gar doha djob, te pekenn maro. Deesh djuwja nai pekenn pengro maro an jek bob. O maro well ap i waga tchiddo, un hakeno lell i kotar. Un tumer chan un wenn gar tchalo.

Micha 6:14

Te chan tumer tchomone, wenn gar tchalo. Un kowa, hoi tumer tumenge ap i rig tchiwenn, nai rikrenn gar. Kowa, hoi tumenge atchas, krau paash an o kurepen.

Zefanja 1:6

Marau ninna kolen, kai perenn mandar tele, un kolen, kai putchenn gar pal mande, un kamenn tchi mandar te djinell.

Haggai 1:6

Tumer budrenna ap tumari phub, un anenn gar bud dren. Tumer chan un wenn gar tchalo; tumer pijenn un tumari trush atchella; tumer riwenn tumen latches an, un tumenge well gar tates. Un kones lowe hi, kowa tchiwell len an i possita, kai i cheb dren hi.