Hosea 3:4 - O Debleskro Drom 2021 (Sinte)

⁴ Jaake djal i Israelenge: I rah tsiro hi len kek rai un kek pralstune pral pende, un jon anenn kek viechen o Debleske an leskro kheer. Len hi buder kek pre-tchidde barra, kek rashajeskri damdira un kek khereskre debla, te putchenn le lendar, hoi te krenn.

O Debleskro Lab 2024 (Sinte-Manouche)

⁴ Yaake djal i Israelenge: I rah tsiro hi len kek ray oun kek pralstoune pral pende, oun yon anenn kek firhen o Debleske an leskro kheer. Len hi bouder kek pre-čidde barra, kek rashayeskri damdira oun kek khereskre debla, te poučenn le lendar, hoy te krenn.

Hosea 3:4 ပူးပေါင်းရင်းမြစ်များ

1. Mose 31:19

Glan lengro naashepen, har his o Laban win, te tchinell lo o bal peskre bakrendar, tchoras i Rachel i khereskre deblen, hoi lakro dad an-mangell. Un joi las len peha.

1. Mose 31:34

I Rachel las kol khereskre deblen, khatras len tel i khamelakri pernitsa, un beshas pes pral pre. Un o Laban rodas an o tselo plachteno kheer un hatsas tchi.

1. Mose 49:10

Hako tsiro well o baro rai dran o kheer Juda, un jek leskre menshendar rikrell o rajeskro kasht an o wast jaake rah, bis te well kowa, kai tchatchepah o baro rai hi. Ap koleste shunenn i natsjone ap i phub.

2. Samuel 6:14

O David khelas peskri tseli sorjah glan o baro Debleste. Un trul leste his les i rashajeskri laintikri damdira.

2. Rajengro liil 23:24

Ninna tradas o Josia i tsele drawepangren krik, un kolen, kai i mulen putchenn, un mukas i khereskre deblen un i wawar chochene deblen krik te anell dran o them Juda un dran o foro Jerusalem. Kowa kras lo, te well halauter jaake kerdo, har tchinlo hi an ko liil, kai lenge o Debleskro drom siklo well, – ko liil, hoi o rashai Hilkija an o baro Debleskro kheer hatsas.

2. Familjakro liil 15:2

Un job djas win, te rakrell lo o baro rajeha, o Asa, un penas leske: “Shunenn man, Asa un tumer menshe dran o tselo them Juda un Benjamin! O baro Dewel hi tumentsa, jaake rah har tumer tumen ap leste rikrenn. Te rodenn tumer les, mukell job pes te hatsell tumendar. Te mukenn les, mukell job tumen.

2. Mose 28:4

Kolla hi i koola, hoi te krenn le: i betcheskri possita, i rashajeskri damdira, i baja un i gad, i shereskro pandepen, un i laintikro pandepen, hoi job trul peskro per pandell. Kol rashajengre koola krenn le o Aroneske un leskre tchawenge, te wenn jon mange rashaja.

2. Mose 28:6

O rashajeskri damdira krenn le an shukar wastengri budi dran latcho sorelo laintikro than, kai sonakai dren sido well, ninna kutch bakrengro bal, hoi blaueto, lolo un lolo har jag kerdo was.

Ropaskre gilja 2:9

O foreskre wudja peran un hi tchiddo an i tchik. Lengre pesse pandepangre kashta phagas lo an kotja. Lengro baro rai un lengre pralstune djiwenn an wawar themma. Kek hi koi, kai sikrell i menshenge o Debleskro drom. O Debleskre rakepangren hi buder tchi te penell. O baro Dewel sikras len tchi.

Ezekiel 19:14

Un i jag djas win dran leskro pesseder kasht, un chatchras leskre drake. Kek sorelo kasht atchas buder pral, kolestar nai wals i rajeskro kasht kerdo. Kawa hi i ropaskri gili. Koja was giwedo kolendar, kolengro dji rowas.

Ezekiel 20:32

Hoi was tumenge an o shero? Tumer penenn: “Mer kamah har i menshe an wawar themma te well! Mer kamah deblen dran kasht un bar an te mangell.” Me o baro Dewel, tumaro rai, penau: Sawo koowa te well kek tsireske! Me dau man sowel pash miro djipen, te atchap i sorelo rai pral tumende – i rai i sorelo wasteha, un i pre-hadedi mussjah, un i baro choljah.

Ezekiel 21:21

Tu charo, de dren ap i tchatchi rig, un ninna ap i serwi rig, hako kopo glan tute, kote, kai hal!

Ezekiel 21:31

Me, o baro Dewel, tiro rai, penau tuke: Krik ko dikleha trul tiro shero! Le i rajeskri stadi tele! Tchi atchell har his. Kowa, kai pral his, well tele. Un kowa, kai tele his, well pral!

Daniel 11:31

Un job bitchrell lurden, kai o Debleskro kheer ap i berga pale-tchiddo krenn, un krenn, te wenn o Debleske buder gar hako diwes vieche anlo. Un jon tchiwenn kote koi djungeli tchilatchi figura pre.

Daniel 12:11

Un ko tsirestar, kai anenn le buder gar hako diwes viechen o Debleske, un kai tchiwenn le koi djungeli tchilatchi figura pre, hi 1.290 (jek-sero-dui-sheel-te-enja-deesh) diwessa.

Daniel 9:27

Un job krell pes budentsa khetne efta bershenge. Pal triin-te-paash bersha krell lo, te well o Debleske buder kek viecho anlo, witar kek chapen. Un i djungeli tchilatchi figura well pre-tchiddo an o Debleskro kheer un atchell koi, bis te well i phagi pral koleste, kai tchiwas les koi, – i phagi, hoi o Dewel leske glan dikas.

Hosea 13:10

Kai hi tiro baro rai, kowa kai well ap tiri rig an tire tsele forja? Kai hi tire tchatchepangre raja? Tumare phure penan: Tchip i rai un pralstune pral mende!

Hosea 13:11

Me dom tumen i rai an miri choli, un an i choli lom les tumendar pale krik.

Hosea 2:11

Doleske kamau miro djob un mire drake pale te lell an ko tsiro, kai le baro wan, un dren anlo wans. Ninna lau latar mire bakrengre balla, un miro laintikre thaba lakre ripjenge.

3. Mose 8:7

Job riwas o Aroneske o laintikro gad an un tchiwas leske o pereskri dori trujel, palle i baja un o rashajeskri damdira. Palle pandas lo ko pereskro pandepen, hoi ap i damdira hi, trul leste.

Zakarie 10:2

Ma putchenn i khereskre deblen! Kowa, hoi jon rakrenn, hi dinelo koowa. Ma djan pash i durkepangre! Kowa, hoi jon glan-wi penenna, hi chochepen. Lengre sunja hi tchi moldo. Lengre latche laba hi gar tchatcho. Doleske nashrenn pen i menshe har bakre, kolen kek bakrengro hi, un kai merenna.

Zakarie 13:2

O baro Dewel, ko rai pral o bolepen un i phub, penell: An ko tsiro krau, te mangenn i menshe an o them Juda buder kek chochene deblen an. Un kolengre laba wenn bistedo. Ninna kol rakepangre, kai penenn, te hi le Debleskre rakepangre un hi kowa gar, un jon rakrenn, hoi i wawar ducho lenge penell, kolen tradau win dran o them.

Louka 21:24

Bud wenna maredo o chareha. Wawar wenna pandlo un wenna an i wawar themma anlo. Un o foro Jerusalem well kol menshendar khetne stakedo, kai wenna dran wawar themma. Kowa djal jaake rah, har o Dewel mukell len kowa te krell.”

Johanni 19:15

Jon dan gole: “Mare les! Mare les, un de les ap o trushel!” Koi putchas o Pilato lendar: “Kamenn tumer te dap tumaro baro rajes ap o trushel?” “Men hi kek wawar rai har o baro rai an o foro Rom kokres,” penan kol bare rashaja.

Hebrearja 10:26

Te kamell jek ap i tchilatcho drom te djal, un krell kowa ninna, ninna te prindjrell lo o tchatchepen, koleske hi buder kek koi, kai nai merals, te lell lo leskri doosh krik.

Čačepangre 17:5

Ko murshes Micha his i debleskro kheer peske un peskri familjake. Un job kras i rashajeskri damdira un khereskre debla, un rodas jek peskre tchawendar win, te well lo leskro rashai.

Čačepangre 18:14

Un kol pantch mursha, kai dikan pen tchorchanes trujel an o them pash Lajish, kolla penan ap pengre phralende: “Djinenn tumer, te hi an kawa kheer i rashajeskri damdira un i khereskro dewel, ninna i kashteni figura, kai rup pral tchoredo hi? Denn jak, hoi krenn kanna!”

Čačepangre 8:27

Un o Gideon kras dran ko sonakai jek dewel. Un tchiwas les pre an peskro foro, hoi kharella Ofra. Un o tselo Israel was koi, te mangenn le les an. Un doleske peras o Gideon un leskro tselo kheer o tchatcho dromestar tele.

1. Samuel 14:3

An ko tsiro his o Achija o rashai un riwas koi damdira, hoi riwenn i rashaja. Koleskro dad his o Ahitub, koleskro phraal his o Ikabod. Lengro dad his o Pinhas, leskro dad his o Eli, kai his o baro Debleskro rashai an o foro Shilo. I lurde djinan gar, te djas peske o Jonatan.

1. Samuel 15:23

Te shuneh tu gar ap leste, leh tu doosh ap tute, har te durkrals tu. Te kreh tu gar, hoi o Dewel tutar kamella, hi kowa jaake tchilatcho, har te mangals khereskre deblen un wawar chochene deblen an. Tu witsral o lab o baro Deblestar ap i rig. Doleske witsras lo tut ninna ap i rig, jaake te wess tu buder kek baro rai.”

1. Samuel 2:18

Un o Samuel his o baro Debleske koi. Kau tchawo his rido an i rashajeskri laintikri damdira.

1. Samuel 21:9

Un o David putchas o Ahimelech: “Hi tut kek witsepaskro tchuri, witar kek charo kai pash tute? Me lom miro charo un wawar kurepaskro koowa gar mantsa. Man his kek tsiro koleske. O rajeskro koowa hunte djas sik.”

1. Samuel 22:18

Kote penas o baro rai ap o Doeg: “Ab tu, un de len mulo!” Un o Doeg, ko Edomari, was glan un das kol rashajen mulo. Un ap ko diwes meran 85 (ochta-deesh te pantch) mursha, kai an i rashajengri laintikri damdira rido his.

1. Samuel 23:6

Har nashas peske o Abjatar, koleskro dad o Ahimelech hi, un was pash o David an Kehila, las lo i rashajeskri damdira peha.

1. Samuel 23:9

Har o David haiwas, te hi o Saules tchilatchepen an o dji un kamas ap leste te djal, penas lo ap o rashajeste Abjatar: “An mange o rashajeskri damdira kai!”

1. Samuel 30:7

Un job penas ap o rashajeste, o Abjatar, koleskro dad o Ahimelech his: “An mange o rashajeskri damdira!” Un o Abjatar anas leske o rashajeskri damdira.