Hosea 3:1 - O Debleskro Drom 2021 (Sinte)

¹ Un o baro Dewel penas pale ap mande: “Dja, un sike i djuwjake har kameh lat, sawi djuwjake, kai nashell wawar murshenge palla, ninna te kamell lat lakro pirno. Jaake sikrau me, o baro Dewel, i Israelitarjen, te kamau len, ninna te nashenn le wawar deblenge palla un kamenn kol drakengre merklia, hoi le lenge anenn.”

O Debleskro Lab 2024 (Sinte-Manouche)

¹ Oun o baro Devel penas pale ap mande: “Dja, oun sike i djouvyake har kameh lat, savi djouvyake, kay nashell vavar morshenge palla, ninna te kamell lat lakro pirno. Yaake sikrau me, o baro Devel, i Israelitaryen, te kamau len, ninna te nashenn le vavar deblenge palla oun kamenn kol drakengre merklia, hoy le lenge anenn.”

Hosea 3:1 ပူးပေါင်းရင်းမြစ်များ

2. Samuel 6:19

Un job das hako menshes, kai kote hi, murshen un djuwjen, hakenes, jek maro, jek kotar mass un jek drakengri merkli. Koi pal djan i tsele menshe khere, hakeno an peskro kheer.

2. Rajengro liil 13:23

Un o baro Dewel his latcho ap i Israelende un kras peskro dji lenge pre un dikas kamles ap lende, jaake har job peskro lab das o Abrahameste, o Isaakeste un o Jakobeste. Un job das len gar an o merepen un witsras len gar pestar krik bis ap kau diwes.

1. Familjakro liil 16:3

Un job das hako menshes, kai kote hi, murshen un djuwjen, hakenes, jek maro, jek kotar mass un jek drakengri merkli.

Nehemia 9:31

An tiro baro latchepen dal len gar mulo, un mukal len gar. I latcho Dewel hal, un tut hi i baro dji.

Debleskri gili 123:2

Jaake har i budepaskro ap o wast peskro rajestar dikella, un i budepaskretsa ap i wasta peskri ranjatar dikella, jaake dikah mer ap maro baro Debleste, bis te krell lo menge peskro dji pre.

2. Mose 32:6

Un jon stan taissarlakro pre un maran viechen, un chatchran len ko debleske, hoi kran le penge. Ninna wawar viechen anan le pashel, te chan le len khetne. Un jon beshan pen, te chan le un te pijenn le. Un jon stan pre un khelan.

Kamlepaskri gili 2:5

Krenn man pale soreles drakentsa, denn man newi soor phabjentsa! Miro kamlepen tuke krell man nasselo.

Jesaja 45:22

Tumer menshe ap i tseli phub, awenn pash mande! Un me lau tumen dran o tchilatchepen win. Me hom o Dewel un dell kek wawar har man!

Jeremia 3:20

Tchatchepah, har i romni, kai chochras peskro romes i wawar mursheha, jaake chochras man o kheer Israel. Me, o baro Dewel, penau kowa.

Jeremia 31:20

Efrajim, tu hal miro kutch tchawo, miro tchawo, koles kamau bud! Hako kopo, kai hunte dap les trad, well lo mange gar dran o shero. Miro dji dell soreles an mande: me hunte wap leske latches, penell o baro Dewel.

Hosea 11:8

Har nai mukaus me tutar, Efrajim, har nai daus tut an o wast kolendar, kai marenn tut, Israel? Kraus me tuha, har krom kol forjentsa Adma un Zebojim? Na-a, kowa phagals miro dji! Tu khaiteh man jaake!

Hosea 2:5

Te krell li kowa gar, palle riwau lat win, te hi li nanges tchiddo, har ap ko diwes, kai li boldo was. Un krau, te well o them i mulo them, kai kek pani hi, kai hunte merell li i trushatar.

Hosea 4:11

Mool – phuri mool un newi mool – krenn, te haiwenn i menshe buder gar, hoi latcho un hoi tchilatcho hi.

Hosea 7:5

Ap maro baro rajeskro diwes pijenn pen i pralstune mates i moljatar. Un o baro rai beshell pes khetne kolentsa, kai san pral halauter.

Amos 2:8

Ap hake platse, kai o Dewel sharedo well, sowenn le ap koola, hoi lan le i tchorwelenge krik, kai sijaan pash lende hi. Un an o kheer lengro Deblestar pijenn le mool, hoi lan le kolendar, kai sijaan pash lende hi.

Amos 6:6

Mool pijenn tumer dran khore, un makenn tumen dren o feteder djeteha. Un tumen hi gar ropaske pral o kheer Josef, hoi paash dino well.

Micha 7:7

Me kamau te dikap ap o baro Debleste, un rikrau man ap leste, te well lo ap miri rig. Miro Dewel shunell miri gole.

Zakarie 1:16

Doleske penell o baro Dewel: “Me krau miro dji pale pre pral i menshende an o foro Jerusalem. Kote te well miro kheer pale pre tardo, un o foro pale newes kerdo.”

Mateo 26:50

Penas o Jesus: “Mo maal, hoske wal tu?” Un palle wan kol wawar mursha, tapran o Jesuses, un pandan les.

1. Korintarja 10:21

Tumer nai pijenn gar dran o Jesuseskro khoro un dran o bengeskro khoro. Tumer nai chan gar o Jesuseskro chapen un o bengeskro chapen.

1. Korintarja 10:7

Ma mangenn wawar koowa an har o Debles! Mank kolende an o phuro tsiro his sawe, kai kran kowa. An o Debleskro lab hi tchinlo: Jon beshan tele, te chan le un pijan le un stan pre, te khelenn le glan o sonakaskro viecho.

1. Petro 4:3

I rah tsiro djiwan tumer har kol menshe, kai o Debles gar prindjrenna. Tumer kran wi-ladjedo koowa. Un tumaro dji nashas pal tchilatcho koowa. Tumer pijan tumen mato, chan tumen nasselo, un mangan wawar koowa an har o Debles. Kowa hi tchilatcho glan o Debleskre jaka.

Čačepangre 10:16

Un jon witsran kol wawar deblen pendar krik un mangan o baro Debles an. Koi khaitas les, te well o Israeleske jaake pharo kerdo.”

Čačepangre 9:27

Un jon djan win an i drakengre themma un anan i drake dren, un anan len koi, kai le mool lendar krenn. Palle wan le bachteles khetne un djan an pengro debleskro kheer un chan un pijan, un praassan o Abimeleches.