Hosea 2:9 - O Debleskro Drom 2021 (Sinte)

⁹ Un te nashell li peskre pirnenge palla, un nai lell len gar dren, un te rodell li pal lende, un nai hatsell len gar, palle penell li: “Me kamau pale pash miro ersto romeste te djal. An ko tsiro djas mange feteder har kanna.”

O Debleskro Lab 2024 (Sinte-Manouche)

⁹ Oun te nashell li peskre pirnenge palla, oun nay lell len gar dren, oun te rodell li pal lende, oun nay hatsell len gar, palle penell li: “Me kamau pale pash miro ersto romeste te djal. An ko tsiro djas mange feteder har kanna.”

Hosea 2:9 ပူးပေါင်းရင်းမြစ်များ

Ezekiel 16:27

Doleske hadom miro wast, te dap tut i phagi, un lom tuke i kotar them krik kolestar, hoi dom tut. Un i djuwjenge an o them Filistia, kai his chojedo ap tute, dom tut an i wasta, te krenn le tuha, har jon kamenn. Un jon ladjan pral tiro wi-ladjedo djipen.

Ezekiel 16:39

Un me dau tut an lengre wasta, te denn le tire mangepaskre platse khetne, kai chochene deblen an-mangal, un randjenn tuke tire koola win, un lenn penge tiro sonakaskro koowa, un mukenn tut nanges tchiddo.

Ezekiel 23:26

Jon riwenn tuke tire koola win, un lenn tuke tire kutch gustria, werklia un kanengre krik.

Daniel 11:13

An i bersha, kai wenna, anell o baro rai pral o them Syria pale bud lurden khetne, budeder har ko wawar kopo. Un palle djal lo win an o kurepen bud sorele lurdentsa. Kolen hi halauter pash pende, hoi len hunte well i latcho kurepaske.

Hosea 2:3

Penenn tumare phralenge, te hi le mire menshe, un ap tumare phenja, te krau me miro dji lenge pre.

Hosea 8:7

Kowa, hoi le krenn, hi har te tchiwans le i ducho an i phub un kek djob. Un hoi win well, hi i baro phurdepen. Kek djob well baro. Kowa hoi pre djal, anell kek jarro. Un te anals kowa jarro, wans wawar menshe un chans les pre.

Hosea 9:2

Doleske well jaake, te hi tumen buder gar doha djob, witar gar doha djet. Ninna dell buder kek newi mool.

Joel 2:14

Koon djinell, te rikrell lo ninna kau kopo i phagi pale, un mukell djob un drake bares te well, te nai anenn tumer jarro un mool o baro Debleske, kai hi tumaro Dewel.

Zefanja 1:13

Lengro brawlepen well randedo, un lengre khera khetne dino. Jon krenn penge khera un djiwenn gar koi dren, un tchiwenn drakengre ruka an i phub, un pijenn kek mool kolendar.

Maleachi 1:4

Te penenn ninna leskre tchawe, kol Edomarja: ‘Ninna te wan mare forja paash dino, mer tchiwah len newes pre’, palle penau me, o baro Dewel, ko rai pral o bolepen un i phub: ‘Ninna te tchiwenn le kol forja pale pre, me dau halauter pale paash.’ Un wawar menshe penenn pral lende ‘tchilatcho them’ un ‘kalla hi menshe, pral kolende o baro Dewel pes choirella an hako tsiro’.

Maleachi 3:18

Palle dikenn tumer pale, kai djal gar emliges kolenge, kai an o tchatchepen tardo hi un kolenge, kai krenn o tchilatchepen. Djal wawartchandes koleske, kai mangell o Debles an, har koleske, kai mangell les gar an.