Hosea 2:8 - O Debleskro Drom 2021 (Sinte)

⁸ Doleske tchiwau subjengre burra ap lakro drom un krau i massuri, te nai hatsell li peskro drom gar.

O Debleskro Lab 2024 (Sinte-Manouche)

⁸ Doleske čivau soubyengre bourra ap lakro drom oun krau i massouri, te nay hatsell li peskro drom gar.

Hosea 2:8 ပူးပေါင်းရင်းမြစ်များ

1. Familjakro liil 29:16

Baro Dewel, maro rai, kau tselo brawlepen, hoi khetne anam, te kras mer tuke i kheer, te well tiro lab sharedo, kowa lauter was tutar un hi tiro.

Hiob 19:8

Ap miro drom tchiwas lo jaake bud barra, te nai djau gar pral wergel. Un job mukell man an o kalepen miro drom te hatsell.

Jesaja 1:3

Haki grumni prindjrell koles, koneske joi hi. Un haki burika djinell koi platsa, kai lakro rai dell lat te chal. O Israel prindjrell kowa gar. Mire menshe haiwenn kowa gar.

Jesaja 46:6

Kol menshe, kai krenn pen i chocheno dewel, lenn sonakai dran lengri possita, un tchiwenn rup ap i waga, te plaissrenn le koles, kai haiwell mishto te budrell an sonakai un rup, te krell lo kolestar i dewel lenge. Glan koleste witsrenn jon pen tele ap i phub, un mangenn les an.

Jeremia 7:18

Kol tchawe rodenn kasht, kol dada krenn jag, i djuwja krenn merklia koi bolepaskri rajetsake. Un kol wawar deblenge anenn jon pipaske, te choirap me man koi pral.

Ezekiel 23:41

Un beshan tumen ap i raili beshepaskri. Un glan tumende his i chapaskri tardo, ap kolate latcho koowa his. Un koi pashel tchiwan tumer sungepaskro koowa un djet, hoi mange his.

Daniel 3:1

O baro rai Nebukadnezar kras i sonakaskri figura, hoi shob-deesh (60) mussja bares un shob mussja buchles his. Un job tchiwas lat pre an o buchlo them Dura. Ko them Dura his an o them Babilonia.

Daniel 5:23

Un tu hadal tut pral leste, ko bolepaskro rajeste, un penal, te anenn le i khore dran leskro kheer glan tute. Un tumer pijan mool dran lende, tu un tire bare mursha, ninna tire romja un wawar djuwja. Un tu sharal i deblen dran rup un sonakai, dran lolo saster un wawar saster, kasht un bar, kol deblen, kai gar dikenn un gar shunenn. Ko Debles, koles tiro ducho an peskro wast hi, un pash koleste tire tsele dromma hi, koles hadal tu gar.

Hosea 10:1

O Israel hi har i sasto drakengro ruk, ap koleste bud drake bares wenn. Un har i menshe brawelo un brawleder wan, kran le penge bud un budeder altare i chochene deblenge. Kote, kai o them o latcheder his, tchiwan le i shukar bare barra lenge pre.

Hosea 13:1

His i tsiro, koi trissan i menshe, te rakras o Efrajim. Jaake an-diklo his lo an o them Israel. Palle was i tsiro, koi djas lo o Debleskro dromestar tele, un mukas pes o debleha Baal dren. Kowa his leskro merepen.

Hosea 13:2

Un kanna krell o kheer Efrajim budeder tchilatcho koowa: Dran pengro rup krenn le penge figure, hoi wi-dikenn, har jon kamenn, un hoi le an-mangenn. Mursha, kai lengri budi mishto haiwenn, krenn len pengre wastentsa. I menshenge well penlo: Koon anell tchomone o Debleske, hunte tchumrell kal rupene terne grumjen!

Hosea 2:5

Te krell li kowa gar, palle riwau lat win, te hi li nanges tchiddo, har ap ko diwes, kai li boldo was. Un krau, te well o them i mulo them, kai kek pani hi, kai hunte merell li i trushatar.

Hosea 4:11

Mool – phuri mool un newi mool – krenn, te haiwenn i menshe buder gar, hoi latcho un hoi tchilatcho hi.

Hosea 8:4

Jon kran penge bare rajen, kai gar mandar wi-rodede his. Pralstune tchiwan le pral pende, un putchan man gar. Dran lengro rup un sonakai krenn le penge chochene debla – jaake nashenn le an pengri bibacht.

Habakuk 1:16

Lengre matchengre gone un lengre netse hi lenge har debla. Lenge chatchrenn le viechen un sungepaskro koowa, te parkrenn len pen, kai jon lenge jaake bud brawlepen un latcho chapen anan.

Louka 15:13

Pal i tikno tsiro las o terneder tchawo peskro tselo brawlepen, un djas an i wawar them, djiwas i shukar djipen, un das peskro tselo brawlepen win.

Remarja 1:28

Jon kamenn tchi o Deblestar te djinell. Doleske mukas o Dewel len te perell, te djiwenn le pal pengro tchilatcho shero, un krenna, hoi gar mishto hi.

5. Mose 8:18

Doleske ma bistrenn tumaro baro Debles! Job hi kowa, kai tut i soor das, te nai lenn tumenge brawlepen khetne. Un jaake rikrell job kowa, hoi lo tumare phurentsa win kras. Ninna kau diwes rikrell lo pes ap kowa.

Čačepangre 9:27

Un jon djan win an i drakengre themma un anan i drake dren, un anan len koi, kai le mool lendar krenn. Palle wan le bachteles khetne un djan an pengro debleskro kheer un chan un pijan, un praassan o Abimeleches.