Hosea 2:7 - O Debleskro Drom 2021 (Sinte)

⁷ Lengri dai nashas wawar murshenge palla, un anas ladj ap peste. Joi penas peske: “Me kamau mire pirnenge palla te nashell: Jon denn man, hoi man hunte well djipaske: Maro un pani, bakrengre balla un laintikre thaba, djet un mool.”

O Debleskro Lab 2024 (Sinte-Manouche)

⁷ Lengri day nashas vavar morshenge palla, oun anas ladj ap peste. Yoy penas peske: “Me kamau mire pirnenge palla te nashell: Yon denn man, hoy man hounte vell djipaske: Maro oun pani, bakrengre balla oun layntikre thaba, djet oun mool.”

Hosea 2:7 ပူးပေါင်းရင်းမြစ်များ

2. Familjakro liil 28:23

Job chatchras viechen glan i chochene debla dran o foro Damaskus, ninna te dan i lurde dran Damaskus leskre lurden khetne. Job penas: “Kal debla wan i bare rajenge pral o them Syria ap i rig; doleske anau len viechen, te wenn le mange ninna ap i rig.” Kolla anan les un i tsele menshen an leskro them an i bari bibacht.

Debleskri gili 116:7

Me penau ap miro dji: “Ma dare buder! O baro Dewel his latcho ap tute.”

Jesaja 30:16

Tumer penenn: “Na-a, ap graja kamah sik te klissell. Mare graja hi sik naashepangre.” Awa, tumer nashenn sik tumenge. Un kolla, kai tumen palla lenn, nashenn gomme sikeder.

Jeremia 14:22

Kek dewel, koles i menshe an wawar themma an-mangenna, nai bitchrell brishin! Witar gar dell o bolepen dran peste brishin! Na-a, maro baro Dewel, tu hal kowa, kai krell sawo koowa. Doleske dikah ap tute.

Jeremia 2:2

Dja koi, un rake glan i tsele menshende an o foro Jerusalem, un pen: Kowa penell o baro Dewel: Israel, me djinau, har ap mande rikral har terno hals, un har kamal man har i pirni peskro pirnes, un har tu mantsa djal an o mulo tato them, an ko them, kai tchi bares well an i phub.

Jeremia 2:28

Kai hi tumare debla, kai tumenge kran? Mu stenn jon pre, un lenn tumen win dran tumari bibacht! Tumer menshe an o them Juda, tumen hi jaake bud debla har forja!

Jeremia 2:36

Har sik djal tu kai te koi, te rodess tuke menshen, kai krenn pen tuha khetne? O them Egiptia nai well tut gar feteder ap i rig har o them Assur.

Jeremia 3:1

O baro Dewel penas: Te bitchras i mursh peskri romjat krik, un joi djal pash i wawar mursheste, nai lell job lat gar pale. Palle wals ko them pale-tchiddo. Tu dal tut trujel budentsa, un kameh pale pash mande te well?

Jeremia 31:18

Shunom mishto, har o Efrajim rowas: “Baro Dewel, homs har i terno gurum, kai djinas gar, har te tserdell lo. Tu sikral man dawentsa, hoi te krap. An man pale, me kamau pash tute te well. Tu hal miro Dewel.

Jeremia 31:32

Kowa hi gar har kowa, hoi lengre phurentsa win krom, har lom len pash o wast un lom len dran o them Egiptia. Kol laba, hoi lende dom, te rikrenn le pen ap lende, phagan le, ninna te hom me lenge i latcho rai.

Jeremia 44:17

Mer kamah kowa te rikrell, hoi mer penam, un koi bolepaskri rajetsake sungepaskro koowa te chatchrell, un lake mool win tchorell. Kowa kram mer, un kran mare phure, mare bare raja un pralstune an i forja o themestar Juda un an i dromma o forestar Jerusalem. Har kowa kram, his men ninna doha maro, un menge djas mishto, un mer dikam kek bibacht.

Ezekiel 16:18

Un tu lal ninna tire raile ripja, kai hi kerdo an shukar subjakri budi, un riwal len lenge an. Un glan lende tchiwal ko djet un ko sungepaskro koowa, hoi mandar lal.

Ezekiel 16:8

Un me djom miro drom, kai tu hals, un dikom tut. Un tiro tsiro was, te kamess i murshes un kress le bijab. Kote tchiwom miri baja pral tute un tchakrom tut. Un me djom tuha i sowel dren, un pandom miro dji ap tute, un penom: “Tu wess miro.” Kawa hi, hoi penas o baro Dewel, maro rai.

Ezekiel 20:32

Hoi was tumenge an o shero? Tumer penenn: “Mer kamah har i menshe an wawar themma te well! Mer kamah deblen dran kasht un bar an te mangell.” Me o baro Dewel, tumaro rai, penau: Sawo koowa te well kek tsireske! Me dau man sowel pash miro djipen, te atchap i sorelo rai pral tumende – i rai i sorelo wasteha, un i pre-hadedi mussjah, un i baro choljah.

Ezekiel 23:12

Joi nashas kol kurepangren dran o them Assur palla, kol themeskre rajenge un pralstune lurdenge, rido an raile koola, halauter shukar terne mursha, kai ap graja klissenn.

Ezekiel 23:22

Doleske shun, Oholiba, hoi o baro Dewel, maro rai, tuke penell: Me mukau tire pirnen, kolenge tu o dumo sikral, ap tute pre te anell. Hake rigjatar perenn le pral tute,

Ezekiel 23:4

Koi bari kharas Ohola un lakri pheen Oholiba. Un me romedinerom len, un jon wan mire romja, un anan mange tchawen un tchen ap i phub. I Ohola hi o foro Samaria. Un i Oholiba hi o foro Jerusalem.

Daniel 4:17

Ko ruk, koles tu dikal, kowa, kai baro un sorelo was, – jaake baro, te djas lo bis ap o bolepen, un koles hakeno nai dikas, kai lo ninna his ap kai phub,

Daniel 4:25

Un lauter was jaake pral o baro rajeste, o Nebukadnezar.

Daniel 4:32

Kolla, kai ap i phub djiwenna, hi har tchi glan leste. Un har job kamella, djal job kol pralstunentsa trujel, kai an o bolepen hi, un ninna kolentsa, kai ap i phub djiwenna. Un kek nai penell leske: ‘Kowa hunte kress tu gar!’ Witar kek nai putchell lestar: ‘Hoi kreh tu kate?’

Daniel 5:21

Un job was pale-tchiddo un nai djiwas buder gar mank i menshende. Un leskro dji was har i viecheskro dji. Un job djiwas pash i diwje burike. Un jon dan les khass te chal har i grumjen. Un job tchiwas pes win tele. Un o brishin peras ap leste tele un kras les sapeno, bis ap ko diwes, kai job haiwas, te hi o pralstuno Debles i tsele rajengre themma an peskro wast, un job dell len koleste, koneste job kamell.

Hosea 1:2

Har rakras o baro Dewel o ersto kopo ap o Hosea, te penell job leskre laba i menshenge, penas lo ap leste: Rode tuke i lubni un romedine lat! Tut hunte well tchawe, kai i lubjatar ap i phub anlo wenn. Jaake sikreh: I menshe an kau them hi har i lubni: Jon mukan man un nashenn wawar deblenge palla.

Hosea 13:6

Un har dom len te chal, un jon tchalo wan un len doha his, phurdan le pen pre, un bistran man.

Hosea 14:1

I menshe an o foro Samaria lenn pengri phagi. Jon mukan pen tchi te penell pengro Deblestar. Doleske wenn le o chareha maredo. Un lengre tikne tchawe wenn mulo dino. Un i djuwja, kai lenn i tchawo, wenn pre tchinle.

Hosea 2:16

Doleske dik, me kamau lat te tserdell, un kamau lat an o mulo tato them te anell. Un kote rakrau kamles lah.

Hosea 5:13

Har dikas o Efrajim peskro nasslepen un o Juda peskro dukepen, djas o Efrajim an o them Assur, un putchas kote o baro rajestar, te well lo leske ap i rig. Kowa nai well tumenge gar ap i rig, witar gar nai krell lo tumaro dukepen sasto.

Hosea 5:15

Me djau mange pale kote, kai khere hom, bis te dikenn le pengri doosh dren un rodenn man. Te djal lenge gar mishto, palle putchenn le pale pal mande.