Hosea 2:20 - O Debleskro Drom 2021 (Sinte)

²⁰ An ko tsiro krau i diwje viechentsa, i tchirklentsa un i sapentsa win, te krenn le lake kek tchilatchepen. Me phagau o tselo kurepaskro koowa paash, i boge un i chare an o them. Un mukau len kek darjah kote te djiwell.

O Debleskro Lab 2024 (Sinte-Manouche)

²⁰ An ko tsiro krau i divye firhentsa, i čirklentsa oun i sapentsa vin, te krenn le lake kek čilačepen. Me phagau o tselo kourepaskro koova paash, i boge oun i rhare an o them. Oun moukau len kek daryah kote te djivell.

Hosea 2:20 ပူးပေါင်းရင်းမြစ်များ

1. Mose 9:10

un lauterenge pash tumende, hoi djido hi, – lauterenge, kai djan win dran o panjeskro kheer: hake tchirkle un hake vieche ap i phub, kolla, kai diwje hi un kolla, kai gar diwje hi.

Jesaja 2:4

Un job well o tchatchepaskro rai, kai krell o tchatchepen win mashkral i menshende dran i wawar themma, un penell lenge, te mukenn le pengro tchingepen. Un kolla lenn palle pengre chare un witsepaskre tchurja, un krenn lendar hachetikre koola, kolentsa budrenn le nai an i phub un tchinenn i drakengre kashta tele. Un palle kurenn pen i menshe dran jek them buder gar i menshentsa dran i wawar them. Un kek sikrell i wawaren buder, har te marenn le pen.

Jesaja 62:4

Tu weh gar buder kharedo ‘muklo foro’ un tiro them ‘mulo them’. Tu weh gole dino ‘o Debleskri pirni’, un tiro them ‘bachteli romni’. O baro Dewel dikell latches ap tute, un romedinerell pes tiro themeha.

Jeremia 24:7

Me dau len djia, kai prindjrenn man, te djinenn le, me hom o baro Dewel. Jon te wenn mire menshe, un me hom lengro Dewel; pengro tselo djijestar wenn le pale pash mande.

Jeremia 30:10

Doleske ma dare, tu, miro budepaskro Jakob! Ma traash, Israel, penell o baro Dewel. Shun, me lau tut un tire tchawen win dran ko dur them, kai pandle han. Tumer wenn khere an tumaro them. Kote djal tumenge mishto. Kek krell tumenge kote tchilatchepen. Tchi hunte krell tumenge daar.

Jeremia 32:41

Miro dji sala, te nai krau lenge latchepen. Un me mukau len soreles an kau them well, un jon hunte mukenn les buder gar. Tchatchepah, kowa krau miro tselo djijeha un miri tseli sorjah.

Jeremia 9:24

Shunenn, penell o baro Dewel, ko tsiro well, kai dau hakenes i phagi, kai tchinlo hi ap peskro mass, un djiwell, har te wals lo gar tchinlo:

Ezekiel 16:62

Te krau tuha newes win, te wap tiro Dewel, dikeh un haiweh tu, te hom me o baro Dewel.

Ezekiel 16:8

Un me djom miro drom, kai tu hals, un dikom tut. Un tiro tsiro was, te kamess i murshes un kress le bijab. Kote tchiwom miri baja pral tute un tchakrom tut. Un me djom tuha i sowel dren, un pandom miro dji ap tute, un penom: “Tu wess miro.” Kawa hi, hoi penas o baro Dewel, maro rai.

Ezekiel 34:25

Un me pandau miro dji ap lende, un krau lentsa win, te nai djiwenn le an o latchepen. Hake diwje viechen tradau krik dran o them. Un an o mulo them nai djiwenn le kek darjah. Un an i wesha sowenn le.

Ezekiel 34:27

te hidjrenn i ruka latche rukengre, un te well bud djob bares ap i hachetikri phub. Un mire menshe djiwenn an pengro them kek darjah. Me phagau kol shelle, kolentsa jon pandlo his. Un lau len win dran i wasta kolendar, kolenge jon hunte budran. Palle dikenn un haiwenn le, te hom me o baro Dewel.

Ezekiel 38:23

Un jaake sikrau me glan i jaka bud menshendar dran wawar themma, te hom i sorelo Dewel. Un jon dikenn un haiwenn palle, te hom me o baro Dewel.

Hosea 13:4

Me o baro Dewel, hom tiro Dewel, fun ko tsiro, kai anom tut dran o them Egiptia win. Tu te prindjress kek wawar debles har man, Un kek wawar nai lell tut dran o merepen win har me kokres.

Hosea 2:19

Un me krau, te lell li o lab ‘Baal’ buder gar an o mui. Hako tsireske wenn i laba kol chochene deblendar bistedo.

Hosea 6:6

Dikenn, hoi kamau: Kamau, te rikrenn tumer i latcho djijeha ap mande, un kamau gar, te anenn mange viechen. Kamau te prindjrenn man tchatchepah, un kamau gar, te chatchrenn mange viechen.

3. Mose 26:5

Ko tsiro kai tumer o djob win denn, djal bis te well ko tsiro, kai tchinenn i drake tele. Un ko tsiro, kai tchinenn i drake tele, djal bis te well ko tsiro, kai witsrenn o djob pale win an i phub. Un tumen well budeder har doha chapen. Kek krell tumenge tchilatchepen.

3. Mose 26:6

Tumer nai djiwenn an o latchepen kolentsa, kai trul tumende djiwenn, te nai sowenna, un kek tserdell tumen dran o sopen. Kol diwje viechen tradau me dran o them win. Kek lurde wenna an tumaro them, te marenn le tumen.

Micha 4:3

Job krell o tchingepen win mank bare natsjone, un rakrell o tchatchepen win pral budende an dur themma. Jon krenn dran lengre chare hachetikre koola, kolentsa witsrenn le i phub trujel. Un dran lengre witsepangre tchurja krenn le tchurja, kolentsa jon i drake tele tchinenn. An ko tsiro hi kek them o wawareha an o kurepen. Kek hunte sikrell len buder, har te kurenn le pen i chareha.

Zakarie 9:10

O baro Dewel penell: Me lau i kurepangre wurdja krik dran o them Israel, un i kurepangre graja dran Jerusalem. Un i kurepangre boge wenn phagedo. Tumaro baro rai lell o tchingepen krik mank i natsjone. Job hi o rai fun jek baro panjestar bis ap o wawar, fun o panjestar Eufrat bis an i dureder themma ap i tseli phub.

Mateo 11:27

Lauter das miro dad an mire wasta. Kek djinella, koon o tchawo hi, har kokres o dad. Un kokres o tchawo djinella, koon o dad hi. Un o tchawo sikrell kolen, kai patsenn ap leste, koon o dad hi.

Louka 10:22

Lauter das miro dad an mire wasta. Un kek djinella, koon o tchawo hi, har kokres o dad. Un kokres o tchawo djinella, koon o dad hi. Un o tchawo sikrell o dades kolende, kai job win rodas.”

Johanni 17:3

Kowa hi ko djipen, hoi gar pre-herella: Te prindjrenn jon tut, kai tu hal o tchatcho Dewel, un te prindjrenn jon o Jesus Kristes, koles tu bitchral ap kai phub.

Johanni 8:55

Tumer prindjrenn les gar. Me prindjrau les. Te penaus me, kai prindjrau les gar, woms i chocheno har tumer. Me prindjrau les un krau, hoi job penella.

2. Korintarja 4:6

An o phuro tsiro, kai his halauter kali rat, penas o Dewel, te well diwes. Un koi was diwes. Jaake kras lo ninna mare djia pre, te atchas gar tamlo an mare djia, te haiwas mer o Debleskro railepen. Kowa dikah, te dikah ap o Jesus Kristeste.

Filiparja 3:8

Awa, kowa lauter, hoi me ap ko tsiro patsom un krom, hi mange kanna buder tchi moldo. Me prindjrau kanna o Jesus Kristes. Job hi miro rai. Doleske hi ko tselo wawar koowa mange har tchik, un tchi moldo. O Jesus Kristes kokres kamau te prindjrell budeder.

Kolossarja 1:10

Palle djiwenn tumer jaake, te well o Dewel sharedo, un krenn lauter, hoi hi latcho un mishto glan leskre jaka. Un dran tumaro djipen well bud latcho koowa. Un tumer prindjrenn o Debles hako tsiro feteder.

2. Timoteo 1:12

Doleske hunte lap kawa lauter ap mande kate an o stilepen, un me ladjau gar. Me djinau, ap koneste patsaua. Un me djinau, kai o Jesus Kristo rikrell peskre wasta pral kowa, hoi job an miro wast das, bis te job pale wella.

Hebrearja 8:11

Kek hunte penell ap peskro phraleste, witar gar ap koleste, kai djiwell pash leste: Tu hunte hatsess o Debles! Hakeno djinella, koon me hom. I tikne un i bare prindjrenn man.

1. Johanni 4:6

Mer ham o Deblestar, un hakeno, koon o Debles prindjrella, shunell ap mende. Koon hi gar o Deblestar, kowa shunell gar ap mende. Doleske djinah mer, kones o Debleskro Ducho hi, kai rakrell o tchatchepen, un kones o chocheno ducho hi.

1. Johanni 5:20

Mer djinah, kai o Debleskro tchawo ap kai phub was, te krell lo mare jaka pre, te prindjras o tchatcho Debles. Un jaake har mer ham khetne o Debleskro Tchaweha, o Jesus Kristeha, jaake ham khetne o tchatcho Debleha. O Jesus Kristo hi o tchatcho Dewel. Un job dell ko djipen, hoi gar pre-herella.