Hosea 2:18 - O Debleskro Drom 2021 (Sinte)

¹⁸ Palle, penell o baro Dewel, kharell li man pale ‘miro rom’, un gar buder ‘miro Baal’.

O Debleskro Lab 2024 (Sinte-Manouche)

¹⁸ Palle, penell o baro Devel, kharell li man pale miro rom, oun gar bouder miro Baal.

Hosea 2:18 ပူးပေါင်းရင်းမြစ်များ

Hiob 5:22

Tu nai saneh, te well kurepen un bok, un kol diwje viechendar well tut kek daar.

Hiob 5:23

I barra ap i hachetikri phub hi tire mala, un i diwje vieche krenn tuke tchi.

Debleskri gili 148:10

tumer diwje vieche un khereskre vieche, tikne vieche un tchirkle!

Debleskri gili 23:2

Job mukell man tele te tchiwell ap i phub pherdo senlepen, un anell man pash latcho pani.

Debleskri gili 46:9

Awenn un dikenn ko baro koowa, hoi o baro Dewel kras! Dareno koowa krell lo ap i phub:

Jesaja 2:11

Hakeno, kai dikell tele ap o wawareste, hunte dikell tele glan peste i ladjatar. Un i pre-phurde menshe wenn phagedo. Ap ko diwes hi kokres o baro Dewel baro.

Jesaja 2:17

Palle well lenge kowa krik lino, koleha i menshe phurdan pen pre. Un lengro sharepen atchell gar. Ap ko diwes hi kokres o baro Dewel o Dewel pral halauter.

Jesaja 2:4

Un job well o tchatchepaskro rai, kai krell o tchatchepen win mashkral i menshende dran i wawar themma, un penell lenge, te mukenn le pengro tchingepen. Un kolla lenn palle pengre chare un witsepaskre tchurja, un krenn lendar hachetikre koola, kolentsa budrenn le nai an i phub un tchinenn i drakengre kashta tele. Un palle kurenn pen i menshe dran jek them buder gar i menshentsa dran i wawar them. Un kek sikrell i wawaren buder, har te marenn le pen.

Jesaja 26:1

Ap ko diwes giwenn le kai gili an o them Juda: Men hi i sorelo foro. O Dewel tchiwas sorele massurja trul mende, te krell kek menge tchilatchepen.

Jesaja 32:18

Palle djiwenn mire menshe an i them, kai kek kurepen hi, an khera, kai hunte well len kek daar, te krell jek lenge tchomone, un ap platse, kai nai atchenn le, un kek tradell len krik.

Jesaja 54:5

Kowa, kai tut kras, hi kanna tiro rom. ‘Baro Dewel, rai pral o bolepen un i phub’ hi leskro lab. Job ginas tut win dran o pandepen, un hi o Israeleskro tchatcho Dewel. Job well kharedo: O Dewel pral i tseli phub.

Jesaja 65:25

O diwjo djuklo un o terno bakro chan khetne jek pash o wawar. Un o lewo chal phuss har i grumni, un o sap hunte chal tchik. Kek krell tchomone, hoi duka anell, witar tchi, hoi tchilatcho hi ap miri tseli berga, kai djiwau, penell o baro Dewel.

Jeremia 23:6

An leskro tsiro well o Juda win lino dran i tchilatche wasta, un o Israel nai djiwell kek darjah. Un i menshe denn les o lab ‘o baro Dewel krell men tchatcho.’

Jeremia 30:10

Doleske ma dare, tu, miro budepaskro Jakob! Ma traash, Israel, penell o baro Dewel. Shun, me lau tut un tire tchawen win dran ko dur them, kai pandle han. Tumer wenn khere an tumaro them. Kote djal tumenge mishto. Kek krell tumenge kote tchilatchepen. Tchi hunte krell tumenge daar.

Jeremia 33:16

An ko tsiro wenn i menshe an Juda win lino dran i tchilatche wasta, un kolla an Jerusalem nai djiwenn kek darjah. Un o foro well kharedo ‘o baro Dewel krell men tchatcho’.

Ezekiel 34:25

Un me pandau miro dji ap lende, un krau lentsa win, te nai djiwenn le an o latchepen. Hake diwje viechen tradau krik dran o them. Un an o mulo them nai djiwenn le kek darjah. Un an i wesha sowenn le.

Ezekiel 39:1

Tu, mensho, pen ap o Gog, hoi pral leste wella! Pen: Kawa penell o baro Dewel, maro rai: Kanna sikrau les tuke, Gog, tu pralstuno pral i natsjone Meshech un Tubal.

Zakarie 14:4

Job hi tardo ap o djeteskri berga, hoi glan o foro Jerusalem tchiddo hi, kote kai o kham pre djala. Un koi berga phagell mashkral an dui kotja, fun kotar kai o kham pre djal bis kote, kai o kham tele djal. Jek kotar djal ap i serwi rig, o wawar kotar ap i tchatchi rig. Un mank kol dui berge hi i buchli tala.

Zakarie 14:9

Palle hi o baro Dewel o rai pral i tsele themma ap i phub. An ko tsiro hi job kokres o Dewel. Les kokres mangenn le an.

Zakarie 2:11

Stenn pre, tumer menshe dran Zion, kai djiwenn an o them Babilonia, nashenn tumenge!”

Zakarie 3:10

An ko emligo tsiro, mukell jek o wawares te penell: Am pash mande, te was mer bachtelo tel i drakengre ruka un tel i faigetikre ruka. Kowa penell o baro Dewel, ko rai pral o bolepen un i phub.

Zakarie 9:10

O baro Dewel penell: Me lau i kurepangre wurdja krik dran o them Israel, un i kurepangre graja dran Jerusalem. Un i kurepangre boge wenn phagedo. Tumaro baro rai lell o tchingepen krik mank i natsjone. Job hi o rai fun jek baro panjestar bis ap o wawar, fun o panjestar Eufrat bis an i dureder themma ap i tseli phub.