Hosea 2:14 - O Debleskro Drom 2021 (Sinte)

¹⁴ Me krau lakre drakengre ruka paash, ninna lakre faigetikre ruka, kolendar joi penas: “Kolentsa plaissran man mire pirne.” Me krau i diwjo weesh dran lende. Un kol rukengre, hoi pral atchenn, chan i diwje vieche.

O Debleskro Lab 2024 (Sinte-Manouche)

¹⁴ Me krau lakre drakengre rouka paash, ninna lakre faygetikre rouka, kolendar yoy penas: “Kolentsa playsran man mire pirne.” Me krau i divyo veesh dran lende. Oun kol roukengre, hoy pral ačenn, rhan i divye firhe.

Hosea 2:14 ပူးပေါင်းရင်းမြစ်များ

1. Mose 34:3

Un job kamas lat o djijestar un rakras latche labentsa ap late.

Hiob 36:16

Ninna tut anals o Dewel win dran i bibacht, un anals tut kote kai buder kek daar hi, un dals tut lauter, hoi tut hunte well djipaske. Un tumari chapaskri wals pherdo latcho koowa.

Kamlepaskri gili 1:4

Le miro wast, tradas men! Miro pirno mu anell man khere pash peste! Mer kamah khetne te sanell un bachteles te well. Tiro kamlepen hi mange shukeder har mool. Kol tchen hi tchatcho, kai tut kamenna.

Jesaja 30:18

Doleske dikell o baro Dewel ap ko diwes, kai nai well lo tumenge pale latches, un te nai krell lo peskro dji tumenge pre. O baro Dewel hi i Dewel, kai hako tsiro o tchatchepen krell. Bachtelo hi hakeno, kai ap leste dikell.

Jesaja 5:5

Jaake kamau tumenge kanna penell, hoi kamau te krell ko drakengro themeha, hoi mange hi. Me kamau kol burra krik te lell, hoi trul leste hi, jaake te well lo tele chalo, un leskri massuri mukau tele te phagell, jaake te well lo khetne stakedo.

Jeremia 16:14

Dikenn, well ko tsiro, penell o baro Dewel, kai well gar buder sowel dino kal labentsa: … pash o djido Debleste, kai las kol Israelitarjen win dran o them Egiptia.

Jeremia 2:2

Dja koi, un rake glan i tsele menshende an o foro Jerusalem, un pen: Kowa penell o baro Dewel: Israel, me djinau, har ap mande rikral har terno hals, un har kamal man har i pirni peskro pirnes, un har tu mantsa djal an o mulo tato them, an ko them, kai tchi bares well an i phub.

Jeremia 45:4

Pen leske: Kowa penell o baro Dewel: Dik, miro them, hoi me bares krom, kowa krau me paash. Mire menshe, kolendar i natsjona krom, tradau win dran o them.

Ezekiel 20:10

Un me anom len win dran o them Egiptia, un anom len an o mulo tato them.

Hosea 2:3

Penenn tumare phralenge, te hi le mire menshe, un ap tumare phenja, te krau me miro dji lenge pre.

Micha 1:7

I tsele figure, hoi i menshe an-mangan, wenn an kotja phagedo. Awa, kol chochene debla wenn paash dino. Un kowa, hoi anan i menshe an i khera kol chochene deblendar, well chatchedo. I menshe an Samaria nashan wawar deblenge palla har i lubni i murshenge palla nashell. Jaake lan le kau tselo koowa khetne. Kolla, kai wenn un randenn len win, lenn kau koowa pentsa khere, un anenn les an pengre deblengre khera.

Micha 4:10

Awa, tumer an o foro Zion, sawe duka wenn pral tumende. Un tumer denn bari gole, har i romni, kai lell i ternepen. Tumer hunte djan dran o foro, un hunte rikrenn tumen win ap o them pre, un wenn bis pash o foro Babilon anlo. Kote lell tumen o baro Dewel pale win. Job lell tumen win dran i wasta kolendar, kai rikran tumen tele.

Johanni 12:32

Te hom pral i phub hadedo, tserdau lauteren pash mande.”

Johanni 6:44

Kek nai well pestar pash mande. O dad, kai bitchras man, hunte anell les pash mande. Un koon pash mande wella, koles krau me i mulendar djido ap o palstuno diwes.

Debleskro tsiro 12:14

Un koi djuwjake wan tchirklengre mussja dino, har i baro tchirkles hi, te nai djal li an o mulo them ap ko kotar phub, kai joi nai djiwella dur krik ko sapestar. Kote atchell li triin-te-paash bersha. Un kote lell li halauter te chal un te pijell.

Debleskro tsiro 12:6

Un koi djuwel nashas an o mulo them, kai kek menshe djiwenna. Kote hi o Debles lake i kotar phub, kai atchell li deesh-te-dui-sheel-te-shob-desha (1.260) diwessa, un lell halauter, hoi lat hunte wella djipaske.

Čačepangre 19:3

Un kote kras pes lakro rom ap o drom, un djas lake palla, te rakrell lo lake an o dji, un lell lat pale pale pash peste. Un les his peskro budepaskres un dui esle pash peste. Un joi anas les an o peskro dadeskro kheer. Un har lakro dad les dikas, djas lo bachteles pash leste,