Hosea 13:8 - O Debleskro Drom 2021 (Sinte)

⁸ Me perau pral lende har i baro diwjo viecho, koleske i tchawe krik line wan. Me dandrau len an kotja un chau len pre har i lewo, awa, har i diwjo viecho dandrau len khetne.

O Debleskro Lab 2024 (Sinte-Manouche)

⁸ Me perau pral lende har i baro divyo firho, koleske i čave krik line van. Me dandrau len an kotya oun rhau len pre har i levo, ava, har i divyo firho dandrau len khetne.

Hosea 13:8 ပူးပေါင်းရင်းမြစ်များ

2. Samuel 17:8

Tu prindjreh tiro dades un leskre lurden, kai hi sorele kurepangre un chojedo har i diwjo dajengro viecho an o weesh, koleske jek i ternen krik las. Ninna hi tiro dad i lurdo, kai prindjrell o kurepen. Job sowell gar pash i wawar lurdende.

Debleskri gili 50:22

Tumer, kai kamenn tchi mandar te djinell, haiwenn, hoi penom, te wap gar un dap tumen, un kek hi koi, kai lell tumen win dran miro wast.

Debleskri gili 80:13

Hoske phagal tu kol barra tele, hoi trul leste pre-tchiddo wan? Kanna nai lell hakeno peske drake lestar tele, kai kote djal.

Gosewe laba 17:12

Hi tuke feteder, te wess pash i bari diwji margodja, kolake i terne krik lino wan, har te wess i dineleha khetne, kai narwelo koowa krell.

Jesaja 5:29

Lengri gole hi har koja, hoi i lewo dell, awa, jaake har dell i terno lewo gole, hoi well dur dran leskri meen. Un palle stell lo pre un taprell ko vieches, hoi lo chapaske kamell, un hidjrell les kote, kai kek nai lell les leske krik.

Jesaja 56:9

Awenn kai, tumer lurde dran wawar themma, un perenn pral mire menshende har diwje vieche un chan!

Jeremia 12:9

O them mire menshendar was i them, kai i diwje djukle khetne wan. Un trul lende hi sawe tchirkle, kai chan mass: Awenn khetne tumer tsele diwje vieche! Kate hi chapen!

Jeremia 25:38

Job djas win, har i terno lewo win well dran peskro khatepen, te marell lo. Un lengro them atchas khetne stakedo tchiddo. Jaake baro his o kurepen, un o baro Debleskri choli pral lende.

Hosea 2:12

Glan lakre pirnengre jaka riwau lat nanges win. Un kek nai lell lat dran miro wast win.

Hosea 5:14

Me hom o themeske Efrajim har i lewo, un o khereske Juda har i terno lewo. Me dandrau len an kotja, un djau mange. Me hidjrau len krik, un kek nai lell len dran miro wast win.