Hosea 13:6 - O Debleskro Drom 2021 (Sinte)

⁶ Un har dom len te chal, un jon tchalo wan un len doha his, phurdan le pen pre, un bistran man.

O Debleskro Lab 2024 (Sinte-Manouche)

⁶ Oun har dom len te rhal, oun yon čalo van oun len doha his, phourdan le pen pre, oun bistran man.

Hosea 13:6 ပူးပေါင်းရင်းမြစ်များ

Nehemia 9:35

Un an ko tsiro, har his mare phure i raja an ko them, hoi tu len dal, mangan le tut gar an. An tiro latchepen dal tu len i buchlo un brawelo them. Un jon mukan gar pengro tchilatcho drom.

Debleskri gili 10:4

O tchilatcho rikrell o nak pral un penell peske: O Dewel putchell gar palla. Lauter, hoi leske an o shero trujel djala, hi: Dell kek Dewel.

Gosewe laba 30:9

Te wals man budeder har man hunte well, nai penaus: “Koon hi o baro Dewel?” Un te wals man gar doha, nai tchoraus un anaus ladj ap miro Debleste.

Jesaja 17:10

Israel, tu bistral tiro Debles, kowa, kai tut win las dran i tchilatche wasta. Tu bistral koles, kai his tuke har i baro sorelo bar, pal koleste nai khatral tut. Un kral tuke pre-tchidde barra, kai mangeh wawar deblen an. Ninna te tchiwal kote shukar drakengre ruka an i phub,

Jeremia 5:7

Hoske bistrap i doosh mire menshendar? Jon djan mandar krik, un denn pen sowel pash koleste, kai kek dewel hi. Har me len tchalo krom, phagan le mantsa, un djan an i lubjengro kheer.

Ezekiel 23:35

Tu bistral man un sikral man o dumo. Doleske hidje kanna tiri doosh, hoi ap tute anal, har wi-ladjedo koowa kral un har i lubni djiwal. Kowa penell o baro Dewel, maro rai.

Ezekiel 28:5

Bari goswepah paral tiro koowa un wal brawelo un brawleder. Tiro tselo brawlepen kras tut pre-phurdo.

Hosea 10:1

O Israel hi har i sasto drakengro ruk, ap koleste bud drake bares wenn. Un har i menshe brawelo un brawleder wan, kran le penge bud un budeder altare i chochene deblenge. Kote, kai o them o latcheder his, tchiwan le i shukar bare barra lenge pre.

Hosea 12:8

O Efrajim hi har i parepaskro. An leskro wast hi i waga, hoi o chocheno pharepen sikrell. Job hi bachtelo, te nai dell lo i wawaren pral o kand.

Hosea 2:13

Me krau, te wenn i Israelitarja buder gar bachteles khetne ap kol bare diwessa. Ap kek Debleskro diwes, ap kek diwes, kai well o newo tchon diklo, un ap kek wawar baro diwes wenn le buder khetne.

Hosea 2:7

Lengri dai nashas wawar murshenge palla, un anas ladj ap peste. Joi penas peske: “Me kamau mire pirnenge palla te nashell: Jon denn man, hoi man hunte well djipaske: Maro un pani, bakrengre balla un laintikre thaba, djet un mool.”

Hosea 4:6

Mire menshe prindjrenn o tchatcho drom gar. Doleske djan le tele. Tumer kaman lenge gar miro drom te sikrell. Doleske kamau me tumendar witar tchi te djinell. Tumer han buder gar mire rashaja. Tumer bistran miro drom. Doleske bistrau tumare tchawen.

Hosea 4:7

Jaake har tumer rashaja bud un budeder wan, kran tumer bud un budeder tchilatchepen ap mande. Doleske krau, te wenn buder gar an-diklo, un witsrau tumen an i ladj.

Hosea 5:14

Me hom o themeske Efrajim har i lewo, un o khereske Juda har i terno lewo. Me dandrau len an kotja, un djau mange. Me hidjrau len krik, un kek nai lell len dran miro wast win.

Hosea 7:14

Te denn le gole ap mande, well kowa gar dran lengro dji. Tchiddo hi le ap pengro tchiben un rowenna soreles, un tchinenn pen ratles, te well len djob un mool. Ap mande shunenn le gar.

Hosea 8:14

I Israelitarja bistran koles, kai kras len. Jon krenn penge bare shukar khera. Un i menshe an o them Juda krenn penge sorele forja. Me, o baro Dewel, witsrau i jag an lengre forja, hoi lengre khera pre chatchrell.

Hosea 8:4

Jon kran penge bare rajen, kai gar mandar wi-rodede his. Pralstune tchiwan le pral pende, un putchan man gar. Dran lengro rup un sonakai krenn le penge chochene debla – jaake nashenn le an pengri bibacht.

5. Mose 32:18

Ko Dewel, kolestar tumer wan, un kowa, kai rikras tumen, koles tchiwan tumer ap i rig. Ko Dewel, kai kras tumen, koles bistran tumer.