Hosea 13:15 - O Debleskro Drom 2021 (Sinte)

¹⁵ Ninna te hi o Efrajim mank peskre phralende har i senelo ruk, hoi hidjrell latche rukengre, bitchrell o baro Dewel i tato ducho, hoi well kotar, kai o kham pre djal. Dran o mulo tato them well lo, un krell, te wenn i tsele panja truk. Un job lell leskro tselo brawlepen lestar krik, – ko tselo kutch koowa.

O Debleskro Lab 2024 (Sinte-Manouche)

¹⁵ Ninna te hi o Efrayim mank peskre phralende har i zenelo rouk, hoy hidjrell lače roukengre, bičrell o baro Devel i tato dourho, hoy vell kotar, kay o kham pre djal. Dran o moulo tato them vell lo, oun krell, te venn i tsele panya trouk. Oun yob lell leskro tselo bravlepen lestar krik, – ko tselo kouč koova.

Hosea 13:15 ပူးပေါင်းရင်းမြစ်များ

1. Mose 41:23

Pal lende wan efta wawar halme dran i phub win. Kolla hidjran djob, hoi his gar pesso. I tato ducho, hoi phurdas dran o mulo tato them, kras len sano un truk.

1. Mose 41:52

Un o duito tchawes das job ko lab Efrajim un penas: O Dewel das man tchawen an o them, kai djas mange gar mishto.

1. Mose 41:6

Pal lende wan efta wawar halme dran i phub win. Kolla hidjrenn djob, hoi hi gar pesso. I tato ducho, hoi phurdas dran o mulo tato them, kras len truk.

1. Mose 48:19

Leskro dad kamas gar un penas: “Me djinau, tchawa, me djinau. Ninna kolestar wenna jaake bud menshe, te well lendar jek natsjona. Leskro terneder phraal well bareder har job. Lestar wenna jaake bud menshe, te wenn lendar bud natsjone.”

1. Mose 49:22

O Josef hi har i terno ruk pash o pani, hoi hidjrell bud rukengre. Leskre kashta wenn baro un djan pral i pre-tchidde barra, kai lo tardo hi.

Hiob 18:16

Job hi har i ruk: Tella merell leskro drab tele, un pral wenn leskre patria djelto.

Debleskri gili 1:4

Jaake hi i tchilatchentsa gar. Jon hi har tchik, hoi i ducho krik phurdell.

Debleskri gili 109:13

Kre, te merenn kolla win, kai pal leste wenna. Leskre tchawengre tchawen wenn kek tchawe buder, jaake te well lengro lab bistedo.

Jesaja 14:21

Tire mursh tchawe hunte merenn! Awenn un denn len mulo! Jon hunte merenn ko tchilatchepaske, hoi lengre phure kran, te nai hadenn le pen gar buder, un lenn i phub penge dren un krenn penge forja koi pre.

Jesaja 17:13

Awa, har bare diwje panja wenn le sik. Koi tchingrell o Dewel ap lende, un jon nashenn penge, un wenn tradedo har o phuss, hoi phurdell i sorelo ducho pral o them, un har patria, hoi phurdell lo trujel.

Jesaja 27:8

Na-a, job das len lengri phagi, har job len pestar krik bitchras. Dran lengro them wan le krik tradedo har i sorelo ducheha, hoi kotar phurdell, kai o kham pre djal.

Jesaja 41:16

Tu witsreh len pre, un i ducho hidjrell len krik, un i phurdepen phurdell len kate te kote. Palle weh bachtelo pral tiro baro Debleste, un shareh tut tiro Debleha, kai o Israeleskro tchatcho Dewel hi.

Jeremia 20:5

Ko tselo brawlepen an kau foro dau me kolen, kai len win randenn. I tsele lowe, hoi i menshe an Jerusalem dran pengri budi khetne anan un lengro kutch koowa un o tsele brawlepen kol rajendar pral o them Juda lenn le pentsa un anenn les an o them Babilonia.

Jeremia 4:11

An ko tsiro well kol menshenge an Jerusalem penlo: I sorelo tatepen well dran kol berge dran o mulo tato them pash tumende. Kowa hi kek phurdepen, hoi phurdell o phuss un o tchik krik,

Jeremia 4:12

na-a, ko phurdepen, hoi lenge bitchrau, hi bud sorleder. Palle dau len lengri phagi.

Jeremia 51:1

Kawa penell o baro Dewel: Dik, me bitchrau i ducho, hoi anell o merepen pral o them Babilonia un pral kolende, kai kote djiwenna – kolla, kai hadan pen pral mande.

Jeremia 51:36

Doleske penell o baro Dewel ap o foro Jerusalem: Dik, me kamau tiro koowa an miro wast te lell. Me krau, te well lengro lengsto pani Eufrat truk, un te nashell an lengre wawar panja buder kek pani.

Ezekiel 17:10

Jaake well o bur gar baro, ninna te was lo an i phub tchiddo. Te well o sorelo tato ducho fun kotar, kai o kham pre djal, un phurdell ap leste, merell lo tele, ap koi platsa, kai was job an i phub tchiddo.

Ezekiel 19:12

Koi was i chojedo wast, un tserdas les win dran i phub, un witsras les tele. Un i tato ducho, hoi was fun kotar, kai o kham pre djal, mukas leskre drake truk te well. Leskre sorele kashta wan tele phagedo, te meran le tele un wan an i jag chatchedo.

Daniel 11:8

Ninna lell lo lengre deblen un figuren un lengro kutch koowa, hoi dran rup un sonakai hi, un anell kowa an o them Egiptia. Un palle mukell lo bershenge tele ko baro rajestar pral o them Syria.

Hosea 10:1

O Israel hi har i sasto drakengro ruk, ap koleste bud drake bares wenn. Un har i menshe brawelo un brawleder wan, kran le penge bud un budeder altare i chochene deblenge. Kote, kai o them o latcheder his, tchiwan le i shukar bare barra lenge pre.

Hosea 2:3

Penenn tumare phralenge, te hi le mire menshe, un ap tumare phenja, te krau me miro dji lenge pre.

Hosea 4:19

I sorelo ducho taprell len un hidjrell len krik. Un ladj well ap lende doleske, kai maran jon viechen kol chochene deblenge.

Hosea 9:11

Efrajim, tiro railepen djal peske, har i tchirklo peske djal. I djuwja wenn buder gar wawartchandes, un anenn buder kek tchawen ap i phub.

Jona 4:8

Un har o kham ap o bolepen tardo his, mukas o baro Dewel i tato phurdepen dran o mulo them te well, un o kham das jaake tchurje ap o Joneskro shero, te nashras lo peskri soor. Un job kamas te merell un penas: “Miro merepen hi mange mishto, budeder har te djiwap!”

Nahum 2:9

Halauter nashenn dran o foro Ninive har pani, hoi dre-pandlo his, win nashell, te well o wudar pre kerdo. Atchenn tardo! Atchenn tardo! denn le gole pal lende. Kek rissrell pes!

5. Mose 33:17

Leskri soor hi jaake baro har i gurumeskri soor. Kolla, kai lestar wenna hi har shinga i diwje gurmendar. Kolentsa tradenn le i menshen dran wawar themma bis an i dureder themma ap i phub. Kowa krenn i menshe, kai wenna o Josefeskre dui tchawendar: kol 10.000 (deesh-serja) dran o kheer Efrajim, un kol serja dran o kheer Manasse.