Hosea 13:10 - O Debleskro Drom 2021 (Sinte)

¹⁰ Kai hi tiro baro rai, kowa kai well ap tiri rig an tire tsele forja? Kai hi tire tchatchepangre raja? Tumare phure penan: Tchip i rai un pralstune pral mende!

O Debleskro Lab 2024 (Sinte-Manouche)

¹⁰ Kay hi tiro baro ray, kova kay vell ap tiri rig an tire tsele forya? Kay hi tire čačepangre raya? T'mare phoure penan: Čip i ray oun pralstoune pral mende!

Hosea 13:10 ပူးပေါင်းရင်းမြစ်များ

1. Rajengro liil 12:20

Un har i menshe an Israel shunan, kai o Jerobeam pale pale was, bitchran le murshen pash leste, un mukan leske te penell, te well lo ap i tsillo. Un kote tchiwan le les pral pende, te well lo lengro rai, o rai pral Israel. Kokres i menshe dran o kheer Juda rikran ap o Davideskre tchawende.

2. Rajengro liil 17:4

Pal i tsiro bitchras o Hoshea bitchepangre pash o baro rajeste pral o them Egiptia, – leskro lab his So – te krell lo pes koleha khetne. Un o Hoshea bitchras buder kek rup un sonakai o baro rajeste pral o them Assur. Har kowa kau koowa shunas, mukas lo les te taprell un witsras les an o stilepen.

Debleskri gili 10:16

O baro Dewel hi o baro rai kanna un hako tsiro. Kolla, kai gar ap leste patsenna, djan penge dran leskro them.

Debleskri gili 149:2

Tu Israel, tiro dji mu bashrell pral koleste, kai kras tut. Tumer menshe dran Zion, giwenn i bachtjatar pral tumaro baro rajeste.

Debleskri gili 44:4

Jon lan o them gar dren pengre charentsa, witar gar pengri sorjah. Na-a! Kowa kras tiri tchatchi mussi un tiri soor. Tu hals pash lende un dikal kamles ap lende.

Debleskri gili 74:12

Miro Dewel, fun tiknes pre hal miro baro rai. Tutar well, te wenn i menshe win lino dran i bibacht.

Debleskri gili 89:18

Tu kokres hal lengro railepen un lengri soor, un dran tiro latchepen nai hadah mare sherja.

Jesaja 43:15

Me hom o baro Dewel, tumaro Dewel, kowa, kai dran tumende i natsjona Israel kras. Tumaro baro rai hom me.

Jeremia 2:28

Kai hi tumare debla, kai tumenge kran? Mu stenn jon pre, un lenn tumen win dran tumari bibacht! Tumer menshe an o them Juda, tumen hi jaake bud debla har forja!

Jeremia 8:19

Dran o tselo them shunau me, har denn mire menshe gole. Kamell o baro Dewel buder gar o Dewel an Zion te well? Hi o fores Zion buder kek baro rai? Hoske kran jon man jaake chojedo [penell o baro Dewel], har mangan le pengre figuren un chochene deblen an, kai kekeske ap i rig wenna?

Ropaskre gilja 4:20

Maro rajes, koles o baro Dewel win rodas, lan le pandlo. Job his kowa, kolestar maro djipen was, un lestar patsam, te rikrell lo peskro wast pral mende, te nai krenn men i wawar themma tchi.

Hosea 10:3

Palle hunte penenn le: “Mer shunam gar ap o baro Debleste, doleske hi men kanna buder kek baro rai. Ninna te wals men jek baro rai, nai krals lo buder tchi menge!”

Hosea 13:4

Me o baro Dewel, hom tiro Dewel, fun ko tsiro, kai anom tut dran o them Egiptia win. Tu te prindjress kek wawar debles har man, Un kek wawar nai lell tut dran o merepen win har me kokres.

Hosea 3:4

Jaake djal i Israelenge: I rah tsiro hi len kek rai un kek pralstune pral pende, un jon anenn kek viechen o Debleske an leskro kheer. Len hi buder kek pre-tchidde barra, kek rashajeskri damdira un kek khereskre debla, te putchenn le lendar, hoi te krenn.

Hosea 7:7

Halauter lendar chatchenn i choljatar har i bob. Jon marenn pengre tchatchepaskre rajen. Lengre bare raja perenn jek pal o wawar. Un kek lendar dell pal mande gole.

Hosea 8:4

Jon kran penge bare rajen, kai gar mandar wi-rodede his. Pralstune tchiwan le pral pende, un putchan man gar. Dran lengro rup un sonakai krenn le penge chochene debla – jaake nashenn le an pengri bibacht.

Zakarie 14:9

Palle hi o baro Dewel o rai pral i tsele themma ap i phub. An ko tsiro hi job kokres o Dewel. Les kokres mangenn le an.

Johanni 1:49

“Sikepaskro,” penas o Natanael, “tu hal o Debleskro tchawo. Tu hal o baro rai pral Israel.”

1. Samuel 8:7

Un o baro Dewel penas ap o Samuel: “Shun ap i Israelitarja, an lauter, hoi jon ap tute penan. Jon tchiwan gar tut ap i rig, na-a man tchiwan le ap i rig, te wap me buder gar o baro rai pral lende.