Hosea 13:1 - O Debleskro Drom 2021 (Sinte)

¹ His i tsiro, koi trissan i menshe, te rakras o Efrajim. Jaake an-diklo his lo an o them Israel. Palle was i tsiro, koi djas lo o Debleskro dromestar tele, un mukas pes o debleha Baal dren. Kowa his leskro merepen.

O Debleskro Lab 2024 (Sinte-Manouche)

¹ His i tsiro, koy trissan i menshe, te rakras o Efrayim. Yaake an-diklo his lo an o them Israel. Palle vas i tsiro, koy djas lo o Debleskro dromestar tele, oun moukas pes o debleha Baal dren. Kova his leskro merepen.

Hosea 13:1 ပူးပေါင်းရင်းမြစ်များ

1. Mose 2:17

Kokres ko ruk, kai della goswepen, hoi hi latcho un hoi hi tchilatcho, kolestar te chas tu gar. Te chah kolestar, mereh.”

1. Rajengro liil 12:25

Un o Jerobeam tchiwas o foro Sichem pale pre ap i berge Efrajim un djiwas kote. Palle djas lo kotar win un kras o foro Penuel sorleder.

Hiob 29:21

Jon shunan, hoi man penepaske his. Un rakran tchi, bis te penom lenge, hoi te krenn le.

Hiob 29:22

Pal mande penas buder kek wawar tchomone. Mire laba peran ap lende tele har latcho brishin.

Gosewe laba 18:12

Pre-phurdepen well glan o perepen. Kolenge, kai krenn pen gar bares, well ko tsiro, kai sharenn len i wawar.

Jesaja 66:2

Me, o baro Dewel, krom miro wasteha kowa lauter, hoi koi hi. Un me dikau kamles ap koleste, kai hi tele rikedo un phagedo an peskro dji, un kai darell glan miro lab.

Jesaja 7:8

O foro Damaskus hi o shero o themestar Syria, un o Rezin hi o baro rai kokres pral Damaskus. Un o foro Samaria hi o shero o themestar Efrajim, un o Pekach hi o baro rai kokres pral Samaria. Un an 65 (shob-deesh-te-pantch) bersha dell buder kek them Efrajim. Un te patsenn tumer kawa gar, palle atchenn tumer gar!”

Hosea 11:2

Un te kharau len kanna, nashenn le mandar krik, un chatchrenn viechen i mule deblenge, un sungepaskro koowa glan i figure.

Hosea 2:10

Joi kamas gar te haiwell, kai me homs kowa, kai dom lat djob, mool un djet, ninna bud rup un sonakai. Un kowa das li o mulo debleske, o Baal.

Hosea 2:8

Doleske tchiwau subjengre burra ap lakro drom un krau i massuri, te nai hatsell li peskro drom gar.

Hosea 8:4

Jon kran penge bare rajen, kai gar mandar wi-rodede his. Pralstune tchiwan le pral pende, un putchan man gar. Dran lengro rup un sonakai krenn le penge chochene debla – jaake nashenn le an pengri bibacht.

4. Mose 10:22

Pal lende djan kol menshe dran o kheer Efrajim. Lengro pralstuno his o Elishama, koleskro dad o Ammihud hi. Lentsa djan kol menshe dran o kheer Manasse un dran o kheer Benjamin. O pralstuno pral o kheer Manasse hi o Gamalijel, leskro dad hi o Pedazur. Un o pralstuno pral o kheer Benjamin his o Abidan, leskro dad hi o Gidoni.

4. Mose 13:16

Kalla hi i laba kol murshendar, kolen o Mose bitchras, te hatsenn le win, har ko them hi. Un o Mose das o Hoshea o lab Josua. Koleskro dad his o Nun.

4. Mose 13:8

O Hoshea, koleskro dad o Nun hi, dran o kheer Efrajim.

Louka 14:11

Koon pes baro krella, koles sharell o Dewel gar. Koon pes gar baro krella, un penella: Me molau tchi, koles krell o Dewel baro.”

Remarja 5:12

Hi jaake: O tchilatchepen was ap i phub, har jek mensho, o Adam, tchomone kras, hoi o Dewel gar kamas. O tchilatchepen anas o merepen ap i phub. Jaake was o merepen pash i tsele menshende. Lauter kran o tchilatchepen, un lauter hunte merenn.

2. Korintarja 5:14

O baro kamlepen, hoi o Jesus Kristo men das, bitchrell men pash i menshende. Un mer djinah, te meras jek menge, hi kowa jaake, har te merans le lauter.

Josua 3:7

Un o baro Dewel penas ap o Josua: “Kau diwes krau me tut bares glan i jaka i tsele Israelendar, te haiwenn le: Jaake har homs o Moseha, jaake hom ninna tuha!

Čačepangre 12:1

Un i mursha dran Efrajim wan khetne gole dino. Un djan wergel o pani Jordan, un dureder pre pash o foro Zafon. Un penan ap o Jefta: “Hoske djal tu an o kurepen, te kuress tut i Ammonentsa? Un men mukal gar gole te dell, te djas tuha? Doleske chatchrah tiro kheer khetne tuha pre!”

Čačepangre 8:1

I mursha dran o kheer Efrajim penan ap leste: “Har nai kral tu sawo kowa mentsa, te djal an o kurepen i Midianentsa, un mukal men gar gole te dell?” Un jon tchingran soreles ap leste.

1. Samuel 15:17

Un o Samuel penas: “Hi gar jaake? Har hals tikno an tire jaka, wal tu o pralstuno pral o Israel. O baro Dewel kras, te wal o baro rai pral i deesh-te-dui bare familje, kai wenna o Israeleskre deesh-te-dui mursh tchawendar.