Hosea 12:9 - O Debleskro Drom 2021 (Sinte)

⁹ Job penell peske: Me wom brawelo, un lom mange i baro brawlepen khetne. Hi kowa i tchilatcho koowa? Hoi hi djungelo koleha, hoi mange khetne lom?

O Debleskro Lab 2024 (Sinte-Manouche)

⁹ Yob penell peske: Me vom bravelo, oun lom mange i baro bravlepen khetne. Hi kova i čilačo koova? Hoy hi djoungelo koleha, hoy mange khetne lom?

Hosea 12:9 ပူးပေါင်းရင်းမြစ်များ

1. Mose 25:27

I tchawe wan baro. O Esau was i wesheskro, kai haiwas mishto viechen te taprell. O Jakob was i mursh, kai his pokones. Job atchas pash i plachtene khera.

2. Samuel 7:2

penas job ap ko Debleskro rakepaskro, o Natan: “Me djiwau an i kheer dran zedertikro kasht, un o Debleskro mochton hi an i plachteno kheer. Hi kowa mishto?”

Esra 3:4

Un jon rikran kol bare diwessa, kai djiwenn i Israelitarja an patjengre khera, jaake har tele tchinlo was, un chatchran jaake bud viechen o Debleske kol tsele efta diwessa, har hako diweske glan tchinlo his.

Debleskri gili 49:7

Jon tchiwenn pengro patsepen ap pengro brawlepen, un sharenn pen har brawele jon hi.

Debleskri gili 81:10

Pash tumende hunte well kek wawar dewel, un tu mangess kek wawar debles an!

2. Mose 20:2

Me, o baro Dewel, hom tiro Dewel, koon tut win las dran o them Egiptia, kai tu i pandlo budepaskro hals.

Gosewe laba 30:12

Hi menshe koi, kai an pengre jaka djudjo hi, un lengro djungelo koowa was gar tele thodo.

Jeremia 35:7

witar gar tchiwenn tumenge khera pre, tchiwenn kek djob an i phub, witar gar drakengre ruka. Tumen hunte well kek drakengro them. An plachtene khera hunte djiwenn tumer tumaro tselo djipen, te djiwenn i lengsto djipen an kau them, an koleste tumer trujel djan.

Jeremia 5:27

un kolen tchirklengre khera pherde tchirkle hi. Jaake hi lengre khera pherdo tchoredo koowa. Doleske wan jon baro un brawelo.

Hosea 11:1

Har o Israel terno his, kamom les o djijestar, un dran o them Egiptia kharom les, miro tchawes.

Hosea 13:4

Me o baro Dewel, hom tiro Dewel, fun ko tsiro, kai anom tut dran o them Egiptia win. Tu te prindjress kek wawar debles har man, Un kek wawar nai lell tut dran o merepen win har me kokres.

Hosea 2:15

Me dau lat i phagi hako diweske, kai nashas li peskre pirnenge palla, kol chochene deblenge, un chatchras sungepaskro koowa lenge, un tchiwas kanengre un werklia ap peste; te krell li pes shukar lenge. Un man bistras li! Kowa penell o baro Dewel.

3. Mose 19:36

I waga, hoi sikrell har pharo tchomone hi, hunte sikrell kowa an o tchatchepen. Ninna kol barra, hoi pre tchiwenn, hunte wenn jaake pharo har tchatcho hi. Un kol pirja, kolentsa tumer palla dikenn, har bud tchomone hi, kolla hunte wenn jaake baro har tchatcho hi. Me, o baro Dewel, hom tumaro Dewel, kai tumen dran o them Egiptia win anas.

3. Mose 26:13

Me, o baro Dewel, hom tumaro Dewel, un anom tumen dran o them Egiptia win, te atchenn gar buder lengre pandle budepangre. Kote hans har grumja, kai hunte budrenn i kashteha trul lengri meen. Ko kashtes phagom me, te nai djan pale pre hadede sherja.

Micha 6:4

Me hom kowa, kai anas tumen dran o them Egiptia win, kai hans pandle budepangre. Me dom tumen o Mose, o Aron un i Mirjam, te djan le glan tumende.

Zakarie 11:5

Lengre raja marenn len, un kowa djal lenge gar an o dji. Jon bikrenn len un penenn: ‘Sharedo well o baro Dewel! Mer ham brawelo.’ Ninna kol murshen, kai ap i bakre jak denn, hi kek dji lenge.”

4. Mose 15:41

Me hom tumaro baro Dewel, kai las tumen dran ko them Egiptia win, te wap me tumaro Dewel. Un me, o baro Dewel, hom tumaro Dewel.”

Johanni 7:2

I tikno tsiro glan kol biboldengre bare diwessa, hoi kharenna Sukkot, penan leskre phrala ap leste: “Ma atch an o them Galilea! Dja an o them Judea, te dikenn ninna tire mala, hawo baro koowa tu kreh!