Hosea 12:2 - O Debleskro Drom 2021 (Sinte)

² O Efrajim kamell o ducho dren te taprell, un nashell o tato ducho palla, kai well kotar, kai o kham pre djal. Un hako diwes krell lo budeder chochepen un randepen. Jon tchiwenn pen o themeha Assur khetne, un anenn djet an o them Egiptia.

O Debleskro Lab 2024 (Sinte-Manouche)

² O Efrayim kamell o dourho dren te taprell, oun nashell o tato dourho palla, kay vell kotar, kay o kham pre djal. Oun hako dives krell lo boudeder rhorhepen oun randepen. Yon čivenn pen o themeha Assour khetne, oun anenn djet an o them Egiptia.

Hosea 12:2 ပူးပေါင်းရင်းမြစ်များ

2. Rajengro liil 17:4

Pal i tsiro bitchras o Hoshea bitchepangre pash o baro rajeste pral o them Egiptia, – leskro lab his So – te krell lo pes koleha khetne. Un o Hoshea bitchras buder kek rup un sonakai o baro rajeste pral o them Assur. Har kowa kau koowa shunas, mukas lo les te taprell un witsras les an o stilepen.

Hiob 15:2

Te wals tchatchepah gosewo, rakrals gar sawe pre-phurde laba! Kawa, hoi tu kate rakreh, hi tchi har i tato ducho.

Debleskri gili 78:36

Kowa, hoi le leske penan, his chochedo. un lengre laba his chochepen.

Sikepaskro 5:15

Job hunte djal, har lo was. Kowa hi i bari bibacht leske. Leskri phari budjatar atchell leske tchi. Kowa hi, har te marals lo pes tele tchitcheske.

Jesaja 10:12

An ko tsiro, kai kras o baro Dewel, maro rai, lauter, hoi job peske glan las, te krell lo ap i berga Zion un an Jerusalem, lell lo peske o baro rajes o themestar Assur glan, koleskro dji jaake pre-phurdo hi, un koleskre jaka tele dikenn ap i wawarende.

Jesaja 10:6

Me bitchrom len pash kol menshende, kai kamenn mandar tchi te djinell, un ap kolende chojedo hom, te djan le ap lende pre, un randenn len win un tchorenn len win, un stakrenn len khetne har i tchik ap o drom.

Jesaja 24:21

Un ap ko diwes dell o baro Dewel i bolepangre lurden lengri phagi, un ninna i bare rajen ap i phub.

Jesaja 3:11

Ap i tchilatchende well bibacht. Lenge djal gar mishto. Ap lengro shero well ko tchilatchepen pale, hoi le kran.

Jesaja 30:6

Kate sikrell o Dewel, hoi pral i viechende an o mulo tato them Negev wella: An o them pherdi daar un traash, kai djiwenn o lewo un i lewetsa, ninna tchilatche sapa un wawar sapa, kolengro dandepen o merepen anell, kote hunte hidjrenn i burike pharo koowa ap pengro dumo, un i khamele bud kutch koowa ap pende, hoi anenn i menshe dran Juda pash kol menshende, kolendar jon tchi hi.

Jesaja 59:18

Kolen dell lo pale pal kowa, hoi jon kran. Bari choljah djal lo ap lende. Ninna kolen dell job pengri phagi, kai djiwenn dur krik wergel o baro pani.

Jeremia 25:31

Ninna i menshe an dur themma shunenn les. O baro Dewel hi o tchatchepaskro rai pral i menshende an i tsele themma, un rakrell pral halauterende o tchatchepen win. I tchilatchen dell lo koi, te wenn le maredo o chareha. Kowa penas o baro Dewel.

Hosea 2:13

Me krau, te wenn i Israelitarja buder gar bachteles khetne ap kol bare diwessa. Ap kek Debleskro diwes, ap kek diwes, kai well o newo tchon diklo, un ap kek wawar baro diwes wenn le buder khetne.

Hosea 4:1

Tumer Israelitarja, shunenn, hoi o baro Dewel tumenge penell! O baro Dewel hunte tchingrell tumentsa, kai djiwenn an o them Israel. Tumer rikrenn gar khetne, han gar kamles jek o wawareha un prindjrenn o Debles gar.

Hosea 4:9

Doleske djal i rashajenge jaake har kol wawar Israelenge: Me dau tumen lauteren i phagi, un dau tumen pale pal kowa, hoi tumer kran.

Hosea 7:1

Hako kopo, kai kamau mire menshenge lauter pale mishto te krell, palle sikrell pes, hawi doosh o Efrajim ap peste anas, un har baro o tchilatchepen kol menshendar an o foro Samaria hi. Jon hi chochepangre. Tchorepangre phagenn an i khera dren. Un randepangre tchorenn i menshen win ap o drom.

Hosea 7:11

O Efrajim hi har i dineli tauba, kai mukell pes sik te kharell. Ap jek diwes kharell lo i Egiptarjen, te wenn le leske ap i rig, o wawar diwes nashell lo an o them Assur.

Hosea 7:2

Un kowa djal gar an lengro shero dren, te djinau me lengro tselo tchilatchepen. Lengro tchilatcho koowa hi trul lende trujel, un hi mange tardo glan mire jaka.

Hosea 8:10

Ninna te denn le lowe kol rajende pral i wawar themma, kamau len me khetne te lell, te dap len i phagi. An i tikno tsiro hunte djan le dukentsa tel o pharepen, hoi tchiwell o baro rai dran o them Assur ap lende.

Hosea 8:13

Jon anenn mange viechen, un chan pen tchalo ap ko mass. Me, o baro Dewel, dikau gar latches koi pre. Lengri doosh bistrau me gar, un lengro tchilatchepen well pral lende: Jon hunte djan pale an o them Egiptia pale.

Hosea 8:9

Jon djan pral an o them Assur kutch koweha. I diwji burika atchell peske kokres. O Efrajim kamell malen peske te ginell.

Hosea 9:15

O baro Dewel penell: Lengro tselo tchilatchepen krenn le kote pash o foro Gilgal; kote choirom man pral lende ko tselo tchilatchepaske, hoi jon kran. Doleske tradau me len dran miro kheer win. Me kamau len buder gar. Lengre tsele pralstune mukenn pen tchi mandar te penell.

Hosea 9:9

Tumaro tchilatcho koowa, hoi krenn, hi jaake djungelo har kowa, hoi was kerdo an o foro Gibea glan i rah tsiro. Doleske bistrell o baro Dewel gar tumari doosh un dell tumen tumari phagi.

Amos 2:4

O baro Dewel penell: I menshe an o them Juda kran pale te pale djungelo koowa. Miro drom un mire laba his lenge tchi moldo. Un jon kran gar, hoi lendar kamom. Jon mukan pen o tchatcho dromestar tele te anell un mangan kol chochene deblen an, kolen ninna lengre phure an-mangan. Doleske lenn le pengri phagi, un khaitenn man gar.

Micha 6:2

Shunenn tumer phure berge, ap kolende i phub tardo hi! Denn jak, hoi hunte penell o baro Dewel peskre menshenge. Job rakrell o tchatchepen win pral peskre menshende, un penell i Israelenge, kai kowa, hoi le kran, gar mishto hi.

Mateo 16:27

Me hom o Mensheskro Tchawo. Un me wau pale ap i phub an o railepen, hoi das man miro dad an o bolepen. Un mantsa wenna mire bolepangre. Un palle dikau ap hakeneste, hoi job kras. Un me dau latcho koowa kolen, kai latcho koowa kran. Un me dau i phagi kolen, kai tchilatcho koowa kran.

Remarja 2:6

Ap ko diwes dell lo hakenes pal kowa, hoi job kras.

Galatarja 6:7

Ma patsenn, te krenn nai o Debleha, har tumer kamenna! Tumer te krenn latcho koowa, lenn tumer latcho koowa pale pale. Tumer te krenn tchilatcho koowa, lenn tumer tchilatcho koowa pale pale.