Hosea 12:10 - O Debleskro Drom 2021 (Sinte)

¹⁰ Me, o baro Dewel, hom tiro Dewel fun ko tsiro, kai anom tut dran o them Egiptia. Me mukau tut pale an plachtene khera te djiwell, har an ko tsiro, har homs pash tute an o mulo tato them.

O Debleskro Lab 2024 (Sinte-Manouche)

¹⁰ Me, o baro Devel, hom tiro Devel foun ko tsiro, kay anom tout dran o them Egiptia. Me moukau tout pale an plarhtene khera te djivell, har an ko tsiro, har homs pash toute an o moulo tato them.

Hosea 12:10 ပူးပေါင်းရင်းမြစ်များ

1. Rajengro liil 13:1

Koi was i Debleskro mursh dran Juda, koles bitchras o baro Dewel an Betel. Job was koi, har his o Jerobeam pash koi chatchepaskri tardo un chatchras sungepaskro koowa.

1. Rajengro liil 17:1

O Elija dran o gab Tishbe an o them Gilead penas ap o Ahab: “Me penau tuke an o lab o baro Deblestar, kai o Israeleskro djido Dewel hi, glan koleste hom me tardo: An kol bersha, hoi kanna wenna, dell kek brishin, witar gar djal i sapeno ducho pre dran i phub, bis te penau me kowa.”

1. Rajengro liil 19:10

Un job penas: “Tu, baro Dewel un rai pral o bolepen un i phub, me budrom tuke miro tselo djijeha. Tire menshe Israel krenn buder gar, hoi tu lentsa win kral. I pre-tchidde barra, kai tuke vieche chatchedo wan, dan le khetne, un tire rakepangren maran le o chareha. Un me kokres atchom djido. Un jon kamenn man ninna te marell.”

2. Rajengro liil 17:13

Un o baro Dewel das kol menshen an o them Israel un an o them Juda trad, har mukas lo peskre rakepangre un dikepangre lenge te penell: “Mukenn tumaro tchilatche dromma! Un krenn hoi me penau! Un djiwenn pal miro tchatchepen! Un djan tumaro tselo djijeha ap miro drom, hoi sikrom tumare phurende. Un djiwenn pal kol laba, hoi penan tumenge mire budepangre, kai mire rakepangre hi.”

Nehemia 9:30

Un tut his jaake bud latchepen lenge kol tsele bersha. Un dal len trad kol labentsa, hoi tire rakepangre lenge penan, kai an lende tiro ducho hi. Jon shunan gar koi pre. Kote dal len tu an o wast kol menshendar dran wawar themma.

2. Mose 20:2

Me, o baro Dewel, hom tiro Dewel, koon tut win las dran o them Egiptia, kai tu i pandlo budepaskro hals.

Jeremia 19:1

O baro Dewel penell: Dja pash ko mursheste, kai krell pirja, un gin tuke i khoro! Un le tuha pralstunen un phureder rashajen.

Jeremia 19:10

Tu dess ko khoro paash glan kol murshengre jaka, kai tuha djan.

Jeremia 25:4

Bud kope bitchras o baro Dewel leskre rakepangre, kai leske budran. Tumer kaman gar ap lende te shunell, un kran tumare kanda pandlo, un dan kek garda ap lengre laba.

Jeremia 7:25

Fun ko diwes, har me tumare phuren dran Egiptia anom bis kai diwes, bitchrom pale te pale mire budepangren pash tumende, kol rakepangren, kai mire laba dureder penan.

Ezekiel 17:2

Tu, mensho, pen i menshenge dran o kheer Israel phare laba, un putch lendar, hoi kamenn kolla te penell!

Hosea 13:4

Me o baro Dewel, hom tiro Dewel, fun ko tsiro, kai anom tut dran o them Egiptia win. Tu te prindjress kek wawar debles har man, Un kek wawar nai lell tut dran o merepen win har me kokres.

Hosea 3:1

Un o baro Dewel penas pale ap mande: “Dja, un sike i djuwjake har kameh lat, sawi djuwjake, kai nashell wawar murshenge palla, ninna te kamell lat lakro pirno. Jaake sikrau me, o baro Dewel, i Israelitarjen, te kamau len, ninna te nashenn le wawar deblenge palla un kamenn kol drakengre merklia, hoi le lenge anenn.”

3. Mose 23:42

Djiwenn an ko tsiro an patjengre khera, hakeno, kai an o them Israel djiwell.

Amos 7:14

O Amos penas: “Me hom kek Debleskro rakepaskro, koles siklo was, har te rakrell lo o Debleskro lab, un kowa koleske plaissedo well. I bakrengro hom me, un faigetikre ruka hi man. Kolestar djiwau.

4. Mose 12:6

Un job penas: “Shunenn mire laba! Te bitchrau me jekes pash tumende, kai penell tumenge mire laba, sikrau leste tchomone an i dikepen un rakrau leha an sunja.

Bičepangre 2:17

Ko tsiro wella, penell o Dewel, kai me tchiwau miro Debleskro Ducho ap i tsele menshende. Un tumare tchawe un tcha dikenn nai glan-wi, hoi wella. Un i terne mursha dikenn kowa, hoi o Dewel len sikrell, un i phure mursha denn suni.

2. Korintarja 12:1

Tumer kamenn, te sharap man, ninna te molell kowa tchi. Jaake kamau te rakrap pral o bolepaskro koowa, hoi o Jesus Kristo i menshes mukell te dikell.

2. Korintarja 12:7

O Dewel kamella, te wap gar pre-phurdo pral ko baro bolepaskro koowa, hoi mukas lo man te dikell. Doleske mukas o Dewel tchomone ap mande te well, hoi dukrell man har i subjengro kasht an miro mass. Kowa hi har te dals man i bengeskro kurepaskro dawa, te wap gar pre-phurdo.