Hosea 12:1 - O Debleskro Drom 2021 (Sinte)

¹ O baro Dewel penell: O chocheno rakepen i menshendar an o them Efrajim hi trul mande. O kheer Israel chochell man wawar deblentsa. Ninna i menshe an o them Juda rikrenn pen gar ap mande, ko tchatcho Debleste, kai rikrell peskro lab.

O Debleskro Lab 2024 (Sinte-Manouche)

¹ O baro Devel penell: O rhorheno rakepen i menshendar an o them Efrayim hi troul mande. O kheer Israel rhorhell man vavar deblentsa. Ninna i menshe an o them Youda rikrenn pen gar ap mande, ko čačo Debleste, kay rikrell peskro lab.

Hosea 12:1 ပူးပေါင်းရင်းမြစ်များ

1. Mose 41:6

Pal lende wan efta wawar halme dran i phub win. Kolla hidjrenn djob, hoi hi gar pesso. I tato ducho, hoi phurdas dran o mulo tato them, kras len truk.

2. Rajengro liil 15:19

Un o baro rai pral o them Assur, – leskro lab his Pul – was an o them. Un o Menahem das les jek sero zentnarja rup, te rikrell pes lo leha, un te mukell lo les baro rai te atchell.

2. Familjakro liil 21:11

Ninna kras lo mulne platse ap i berge an o them Juda, kai i menshe i mule debla an-mangan. Jaake anas lo i menshen an Juda un an Jerusalem o baro Debleskro dromestar tele.

Hiob 15:2

Te wals tchatchepah gosewo, rakrals gar sawe pre-phurde laba! Kawa, hoi tu kate rakreh, hi tchi har i tato ducho.

Debleskri gili 78:36

Kowa, hoi le leske penan, his chochedo. un lengre laba his chochepen.

Jeremia 2:36

Har sik djal tu kai te koi, te rodess tuke menshen, kai krenn pen tuha khetne? O them Egiptia nai well tut gar feteder ap i rig har o them Assur.

Jeremia 22:22

Tire pralstune wenn krik anlo, har te wans le krik phurdedo i sorelo duchestar. Un tire mala hunte djan pandles an i wawar them. Jaake well ladj pral tute, un tu weh sapaske i wawarenge. Kowa well pral tute tiro tselo tchilatchepaske.

Jeremia 7:15

Un me tradau tumen mandar krik, har me tumare phralen krik tradom, un kol tsele menshen dran Efrajim.

Ropaskre gilja 5:6

Mer hunte rikras mare wasta i themma Egiptia un Assur koi, te well men i kotar maro, te bokas gar.

Ezekiel 17:10

Jaake well o bur gar baro, ninna te was lo an i phub tchiddo. Te well o sorelo tato ducho fun kotar, kai o kham pre djal, un phurdell ap leste, merell lo tele, ap koi platsa, kai was job an i phub tchiddo.

Hosea 11:9

Me kamau gar jaake te krell, har mange les miri tati choli penella. Un kamau gar te dap o Efrajimes pale pre. Me hom o Dewel, un kek mensho. Me, ko jek tchatcho Dewel, hom mank tumende, un wau gar, te marap tumen.

Hosea 4:15

Israel, ninna te kameh tu tut trujel te lubrell, kamau gar, te krenn i menshe an o them Juda sau koowa har tu, un anenn doosh ap pende. Ma djan an i forja Gilgal un Bet-Awen, te mangenn kote i chochene deblen an! Un ma denn tumen kote sowel un penenn “Me dau man sowel pash o djido Debleste.”

Hosea 4:19

I sorelo ducho taprell len un hidjrell len krik. Un ladj well ap lende doleske, kai maran jon viechen kol chochene deblenge.

Hosea 5:13

Har dikas o Efrajim peskro nasslepen un o Juda peskro dukepen, djas o Efrajim an o them Assur, un putchas kote o baro rajestar, te well lo leske ap i rig. Kowa nai well tumenge gar ap i rig, witar gar nai krell lo tumaro dukepen sasto.

Hosea 7:1

Hako kopo, kai kamau mire menshenge lauter pale mishto te krell, palle sikrell pes, hawi doosh o Efrajim ap peste anas, un har baro o tchilatchepen kol menshendar an o foro Samaria hi. Jon hi chochepangre. Tchorepangre phagenn an i khera dren. Un randepangre tchorenn i menshen win ap o drom.

Hosea 7:11

O Efrajim hi har i dineli tauba, kai mukell pes sik te kharell. Ap jek diwes kharell lo i Egiptarjen, te wenn le leske ap i rig, o wawar diwes nashell lo an o them Assur.

Hosea 8:7

Kowa, hoi le krenn, hi har te tchiwans le i ducho an i phub un kek djob. Un hoi win well, hi i baro phurdepen. Kek djob well baro. Kowa hoi pre djal, anell kek jarro. Un te anals kowa jarro, wans wawar menshe un chans les pre.