Hosea 11:9 - O Debleskro Drom 2021 (Sinte)

⁹ Me kamau gar jaake te krell, har mange les miri tati choli penella. Un kamau gar te dap o Efrajimes pale pre. Me hom o Dewel, un kek mensho. Me, ko jek tchatcho Dewel, hom mank tumende, un wau gar, te marap tumen.

O Debleskro Lab 2024 (Sinte-Manouche)

⁹ Me kamau gar yaake te krell, har mange les miri tati rholi penella. Oun kamau gar te dap o Efrayimes pale pre. Me hom o Devel, oun kek mensho. Me, ko yek čačo Devel, hom mank t'mende, oun vau gar, te marap t'men.

Hosea 11:9 ပူးပေါင်းရင်းမြစ်များ

2. Samuel 20:10

O Amasa das gar jak ap koi tchuri an o Joabeskro serwo wast. Kowa das les ko tchurjeha an o per tchurje, jaake kai leskre buke ap i phub peran. Un das les gar i duito kopo tchurje. Un job meras. Un o Joab un leskro phraal Abishai lan o Shebaes palla.

Debleskri gili 46:5

Latcho djudjo pani nashella an o Debleskro foro, kai o Dewel pral halauter djiwell un leskro kheer hi, Ko pani krell ko fores bachtelo.

Debleskri gili 78:38

Job kras lenge peskro dji pre, un maras len gar. Na-a, job las lendar i doosh tele. Bud kope rikras job peskri choli pale, un mukas gar peskri tseli choli ap lende te well.

Debleskri gili 85:4

Tu rikral tiri choli pale, un chatchral buder gar i choljatar.

Jesaja 12:6

Giwenn un denn gole i bachtjatar, tumer, kai djiwenn an o foro Zion. O Israeleskro Dewel hi bares mashkral tumende.

Jesaja 31:1

Djungeles djal kolenge, kai djan tele pash i Egiptarjen, te mangenn le lendar, te wenn jon lenge ap i rig; un patsenn, kai kolengre graja un bud kurepaskre wurdja un kol sorele klissepangre len win lenn dran i tchilatche wasta. Un ap o Israeleskro Debleste, kai kokres o Dewel hi, dikenn le gar. Awa, pal o baro Debleste putchenn le gar!

Jesaja 41:14

Ma dare, tu kirmo Jakob, tu djuw Israel! Me, rikrau pash tute, me, o baro Dewel. Kowa, kai ginas tut win dran o wawareskro wast, hom me, o Israeleskro tchatcho Dewel.

Jesaja 41:16

Tu witsreh len pre, un i ducho hidjrell len krik, un i phurdepen phurdell len kate te kote. Palle weh bachtelo pral tiro baro Debleste, un shareh tut tiro Debleha, kai o Israeleskro tchatcho Dewel hi.

Jesaja 48:9

Miri bari choli rikrau pale, te well gar djungeles rakedo pral miro lab. Un lau man phares khetne, te well miro lab gar tiknes kerdo, un te mukap tumen gar mulo te dell.

Jesaja 5:24

Doleske merenn le tele har o senlepen, koleskre draba nasselo hi, un koleskri bluma tele perell, un har o khass, pral koleste i jag djal un les pre chatchrell. Jon kaman gar te djal o drom o baro Deblestar, kai hi o rai pral o bolepen un i phub. Un i labendar lengro latcho Deblestar kaman le tchi te djinell.

Jeremia 26:3

Te peneh lenge halauter, nai well, te denn le jak ap kowa, un djan tele hakeno peskro tchilatcho dromestar. Palle rikrau man tele, te anap koi bibacht pral lende, hoi kamom ap lende te anell ko tchilatchepaske, hoi jon kran.

Jeremia 30:11

Me, o baro Dewel, hom pash tumende, te wap ap tumari rig. Kol natsjone, mank kolende tradom tumen, kolla hunte djan tele. Tumer djan gar tele. Tumende dau i phagi har tumenge mishto hi. Kek dawentsa nai mukau tumen gar. Wals gar mishto, te dap tumen kek phagi.

Hosea 12:1

O baro Dewel penell: O chocheno rakepen i menshendar an o them Efrajim hi trul mande. O kheer Israel chochell man wawar deblentsa. Ninna i menshe an o them Juda rikrenn pen gar ap mande, ko tchatcho Debleste, kai rikrell peskro lab.

Hosea 14:4

Mer putchah buder gar kolendar dran o them Assur, te wenn le menge ap i rig, un djinah, mari soor well gar mare grajendar un wurdja. Un ap kowa, hoi mer mare wastentsa kram, penah buder gar: “Tumer han mare debla.” Tu kreh tiro dji pre kolenge, kolen kek dad buder hi.

Maleachi 3:6

Me, o baro Dewel, atchau har hom. Un tumer, o Jakobeskre tchawe, atchan ninna har hans:

4. Mose 23:19

O Dewel hi gar i mensho, kai chochella, witar gar i mensheskro tchawo, koles khaitell, hoi job kras. Penell job tchomone, hoi job gar krella? Penell job kowa, kai rikrell job gar?

5. Mose 13:17

Un lengro tselo brawlepen anenn khetne mashkral ap o foreskri platsa! Un chatchrenn ko tselo foro pre un lauter, hoi an leste hi, tumaro baro Debleske! Tchi har barra hunte atchell pral ko forestar hako tsireske. Un an kek tsiro well lo buder newes kerdo.

1. Samuel 26:8

Un o Abishai penas ap o David: “Kau diwes das o Dewel tut koles an tiro wast, kai kamell tut te marell. Jaake muk man leskro witsepaskro tchuri te lell, un les an i phub te dell. Jek dap hi doha. I duito kopo hunte dap me gar buder tchurje.”