Hosea 11:4 - O Debleskro Drom 2021 (Sinte)

⁴ Latchepah tserdom len, un kamlepah sikrom lenge lengro drom, un hidjrom khetne lentsa ko pharepen ap lengre phika, un me djom ap mire tchanga, te dap len te chal.

O Debleskro Lab 2024 (Sinte-Manouche)

⁴ Lačepah tserdom len, oun kamlepah sikrom lenge lengro drom, oun hidjrom khetne lentsa ko pharepen ap lengre phika, oun me djom ap mire čanga, te dap len te rhal.

Hosea 11:4 ပူးပေါင်းရင်းမြစ်များ

2. Samuel 7:14

Me kamau leskro dad te well. Un job well miro tchawo. Un job te krell i tchilatcho koowa, dau me les i phagi, jaake har menshe i phagi denna.

Debleskri gili 105:40

Jon mangan lestar mass, un job mukas pesse tchirkle te well. O mareha dran o bolepen kras lo len tchalo.

2. Mose 16:32

Un o Mose penas: “Kawa hi, hoi o baro Dewel menge penas, te kras mer: Jek khoro pherdo well pre hadedo mare menshenge, kai pal mende wenna. Jaake nai dikenn le o maro, hoi das lo men te chal an o mulo tato them, har anas lo men dran o them Egiptia.”

Kamlepaskri gili 1:4

Le miro wast, tradas men! Miro pirno mu anell man khere pash peste! Mer kamah khetne te sanell un bachteles te well. Tiro kamlepen hi mange shukeder har mool. Kol tchen hi tchatcho, kai tut kamenna.

Jesaja 63:9

dran ko tselo pharo koowa, hoi ap lende tchiddo his. Kek wawar, kek bolepaskro un kek bitchepaskro was lenge ap i rig. Na-a job kokres was, un las len dran kowa lauter win. Dran leskro tselo dji kamas lo len un his lenge latches. Doleske las lo len koi win, hadas len pre, un hidjras len hake diwessa an ko phuro tsiro.

Hosea 2:8

Doleske tchiwau subjengre burra ap lakro drom un krau i massuri, te nai hatsell li peskro drom gar.

3. Mose 26:13

Me, o baro Dewel, hom tumaro Dewel, un anom tumen dran o them Egiptia win, te atchenn gar buder lengre pandle budepangre. Kote hans har grumja, kai hunte budrenn i kashteha trul lengri meen. Ko kashtes phagom me, te nai djan pale pre hadede sherja.

Johanni 12:32

Te hom pral i phub hadedo, tserdau lauteren pash mande.”

2. Korintarja 5:14

O baro kamlepen, hoi o Jesus Kristo men das, bitchrell men pash i menshende. Un mer djinah, te meras jek menge, hi kowa jaake, har te merans le lauter.

5. Mose 32:12

Jaake kras kowa lentsa o baro Dewel, job kokres, kek wawar dewel his leske ap i rig.

5. Mose 32:14

Len his khil i grumjendar un i thud i bakrendar, ninna o mass i tikne bakrendar, un pesse bakre un busja; I Israelitarja chan o latcheder djob, un pijan gudli loli mool.