Hosea 10:6 - O Debleskro Drom 2021 (Sinte)

⁶ Awa, ko terno gurum well an o them Assur anlo, un kote well lo o baro rajeste, o Jareb, dino. Hawi ladj o Efrajimeske! Hawi ladj well ap i Israelitarja, kai patsan, te hi le jaake gosewo!

O Debleskro Lab 2024 (Sinte-Manouche)

⁶ Ava, ko terno gouroum vell an o them Assour anlo, oun kote vell lo o baro rayeste, o Yareb, dino. Havi ladj o Efrayimeske! Havi ladj vell ap i Israelitarya, kay patsan, te hi le yaake gosevo!

Hosea 10:6 ပူးပေါင်းရင်းမြစ်များ

2. Rajengro liil 17:3

Un o baro rai pral o them Assur, o Salmanassar, was peskre lurdentsa pral leste. Un i Israelitarja wan dino. Un o Hoshea hunte das leske hako bersh rup un sonakai.

Hiob 18:7

Leskre herja, kolentsa job soreles pre stakras, hi palle buder kek soor an lende. Un job perell pral kowa, hoi las lo pes glan.

Jesaja 1:29

Tumer, kai mangan i bare ruka an, hunte ladjenn tumen koleske. Awa, tumer wenna lolo an o mui dran ladj pral kol wawar deblen, hoi rodan win un mangan len an ap lengre shukar platse.

Jesaja 30:3

Kowa djal tumenge gar mishto. O Farao nai rikrell gar peskre wasta pral tumende. O them Egiptia nai well gar tumaro khatepen. Tumer hunte djan khere i ladjah.

Jesaja 45:16

Jon halauter, kai pen chochene deblen kran, hunte wenn wi-ladjedo koi tardo, un hunte wenn lolo i ladjatar.

Jeremia 48:13

Un i Moabarja, kai patsan, te well lengro dewel, o Kemosh, lenge ap i rig, jon hunte ladjenn pen, jaake har o kheer Israel hunte ladjas pes, har wan leske leskre debla an o foro Betel gar ap i rig, ap kolende jon pen soreles rikran.

Jeremia 7:24

Jon shunan gar ap mande, un lengre kanda pandan le, un djiwan pal lengro shero, un kran hoi lengro tchilatcho dji penella, un sikran mande pengro dumo, un gar pengro mui.

Ezekiel 16:28

Tu lal gar doha, un lubral kolentsa dran o them Assur trujel. Un ninna kowa his tuke gar doha.

Ezekiel 36:31

Un palle well tumenge an o shero, har tchilatcho kowa his, hoi kran un har djiwan. Un ko tselo tchilatcho koowa, hoi kran, un har i chochene deblen an-mangan, well tumenge tchadepaske.

Daniel 11:8

Ninna lell lo lengre deblen un figuren un lengro kutch koowa, hoi dran rup un sonakai hi, un anell kowa an o them Egiptia. Un palle mukell lo bershenge tele ko baro rajestar pral o them Syria.

Hosea 4:19

I sorelo ducho taprell len un hidjrell len krik. Un ladj well ap lende doleske, kai maran jon viechen kol chochene deblenge.

Hosea 4:7

Jaake har tumer rashaja bud un budeder wan, kran tumer bud un budeder tchilatchepen ap mande. Doleske krau, te wenn buder gar an-diklo, un witsrau tumen an i ladj.

Hosea 5:13

Har dikas o Efrajim peskro nasslepen un o Juda peskro dukepen, djas o Efrajim an o them Assur, un putchas kote o baro rajestar, te well lo leske ap i rig. Kowa nai well tumenge gar ap i rig, witar gar nai krell lo tumaro dukepen sasto.

Hosea 8:6

I budepaskro dran Israel kras koi figura. Doleske nai well li kek dewel. An kotja dino well ko terno gurum, hoi i menshe an Samaria an-mangenn!

Micha 6:16

Ko tchilatcho koowa, hoi kol raja, o Omri un o Ahab, tumenge glan kran, kowa kran tumer ninna. Un hoi jon penan, kowa kran tumer ninna. Doleske krau me dran tumaro foro i mulo foro. Un pral tumende, kai kote djiwenn, san i wawar menshe. Bari ladj well pral tumende.