Hosea 10:5 - O Debleskro Drom 2021 (Sinte)

⁵ I menshe an o foro Samaria darenn, te well ko sonakaskro terno gurum krik lino, hoi hi tardo an o foro Bet-Awen. Jon rowenna har pal jekeske, kai meras. Leskre rashaja trissenna trul leskro shukapen, te well lo lestar krik lino.

O Debleskro Lab 2024 (Sinte-Manouche)

⁵ I menshe an o foro Samaria darenn, te vell ko sonakaskro terno gouroum krik lino, hoy hi tardo an o foro Bet-Aven. Yon rovenna har pal yekeske, kay meras. Leskre rashaya trissenna troul leskro shoukapen, te vell lo lestar krik lino.

Hosea 10:5 ပူးပေါင်းရင်းမြစ်များ

2. Rajengro liil 10:29

Kol wawar chochene deblen mukas lo tardo: kol sonakangre terne grumja an Betel un Dan. Kolen kras o Jerobeam, koleskro dad o Nebat his. Un o Jerobeam anas i Israelitarjen o Debleskro dromestar tele, te mangenn jon kol figure an. Un o Jehu mukas len kowa ninna te krell.

2. Rajengro liil 17:16

Un jon mukan kol tsele laba o baro Deblestar, kai lengro Dewel hi, un kran penge dui terne gurma un i figura, hoi i debletsa Ashera sikras, un mangan i tsele bolepangre momlia an un ninna o debles Baal.

2. Rajengro liil 23:5

Un job bitchras i rashajen krik, kai i mule deblenge budrenn, un kolen i bare raja pral o them Juda mukan te well, te chatchrenn le sungepaskro koowa ap i mulne platse an i forja an o them Juda un trul o foro Jerusalem. Kol mule debla, kolenge chatchran le sungepaskro koowa, his: o Baal, o kham un o tchon, un i tsele bolepangre momlia.

2. Familjakro liil 11:15

O Jerobeam rodas peske rashajen win, kai budran ap i mulne platse i bengenge un kol mule deblenge, hoi win dikan har terne grumja, hoi job mukas te krell.

2. Familjakro liil 13:8

Un kanna patsenn tumer, te han sorleder har ko them, pral koleste o baro Dewel o Davideskre tchawen tchiwas, te wenn le bare raja. Bud han, ko dikau, un pash tumende hi tumare sonakangre terne grumja, hoi o Jerobeam tumenge das, te wenn le tumare debla.

Jesaja 46:2

Kal chochene debla phagenn khetne un perenn, un nai anenn gar pengre figuren win, un hunte djan pandles an i wawar them.

Hosea 13:2

Un kanna krell o kheer Efrajim budeder tchilatcho koowa: Dran pengro rup krenn le penge figure, hoi wi-dikenn, har jon kamenn, un hoi le an-mangenn. Mursha, kai lengri budi mishto haiwenn, krenn len pengre wastentsa. I menshenge well penlo: Koon anell tchomone o Debleske, hunte tchumrell kal rupene terne grumjen!

Hosea 4:15

Israel, ninna te kameh tu tut trujel te lubrell, kamau gar, te krenn i menshe an o them Juda sau koowa har tu, un anenn doosh ap pende. Ma djan an i forja Gilgal un Bet-Awen, te mangenn kote i chochene deblen an! Un ma denn tumen kote sowel un penenn “Me dau man sowel pash o djido Debleste.”

Hosea 5:8

Phurdenn an i phurdepaskri an i forja Gibea un Rama! Denn i kurepaskri gole an o foro Bet-Awen! Tumer kurepangre dran o kheer Benjamin, nashenn glan, mer nashah tumenge palla!

Hosea 9:1

Ma de gole i bachtjatar, Israel, har i menshe an wawar themma krenna! Tiro Deblestar djal tu krik un wawar deblenge palla. Tu bikreh tut ap lende ap haki platsa, kai o djob win dino wella.

Hosea 9:11

Efrajim, tiro railepen djal peske, har i tchirklo peske djal. I djuwja wenn buder gar wawartchandes, un anenn buder kek tchawen ap i phub.

Amos 3:14

Ap ko diwes, kai dau i Israelenge i phagi lengro tchilatchepaske, dau me i chatchepangre an Betel paash. Lengre shinga wenn tele phagedo, un perenn ap i phub.

Zefanja 1:4

Me hadau miro wast pral o them Juda, un pral halauterende, kai an o foro Jerusalem djiwenn, te dap len lengri phagi. Un krau lauter paash, hoi kote o chocheno deblestar Baal pral atchas. Ninna leskre rashaja wenn bistedo, un kol wawar rashaja, kai mukan o baro Debles.

Bičepangre 19:27

Nai well, te rakrenn le djungelo koowa pral mari budi. Un mari debletsa Artemis, un lakro baro kheer hi lenge buder tchi moldo. I menshe bistrenn lakro railepen, kai well sharedo an o them Asia un ap i tseli phub.”

Josua 7:2

Un o Josua bitchras murshen dran o foro Jericho, te djan le pash ko foro Ai. Kau foro hi tchiddo pash Bet-Awen un gar dur o forestar Betel, ap leskri rig, kai o kham pre djal. Un job penas ap lende: “Djan pre un dikenn tumen an o them tchorchanes trujel!” Un kol mursha kran kowa,

Čačepangre 18:24

Un job penas: “Mire debla, hoi me krom, kolen lan tumer tumentsa, un ko rashajes koi pashel, un djan tumenge lentsa. Hoi atchell mange palle gomme? Un har nai putchenn tumer ‘Hoi hi tuha?’”