Hosea 10:14 - O Debleskro Drom 2021 (Sinte)

¹⁴ Doleske well i kurepaskri gole shunlo an tumaro them. Un tumare tsele sorele forja wenn khetne dine. Tumenge djal jaake har o foreske Bet-Arbeel, hoi das o rai Shalman paash an o kurepen, har wan i daja mulo dine khetne pengre tchawentsa.

O Debleskro Lab 2024 (Sinte-Manouche)

¹⁴ Doleske vell i kourepaskri gole shounlo an t'maro them. Oun t'mare tsele zorele forya venn khetne dine. T'menge djal yaake har o foreske Bet-Arbeel, hoy das o ray Shalman paash an o kourepen, har van i daya moulo dine khetne pengre čaventsa.

Hosea 10:14 ပူးပေါင်းရင်းမြစ်များ

1. Mose 32:11

Me, tiro budepaskro, hom gar moldo, kai hal jaake latcho un kamlo ap mande. Har djom pral o pani Jordan, his man tchi har i kasht an o wast. Kanna hi man i bari familja un kal bud vieche, kai hi ap dui bare platse.

2. Rajengro liil 17:16

Un jon mukan kol tsele laba o baro Deblestar, kai lengro Dewel hi, un kran penge dui terne gurma un i figura, hoi i debletsa Ashera sikras, un mangan i tsele bolepangre momlia an un ninna o debles Baal.

2. Rajengro liil 17:3

Un o baro rai pral o them Assur, o Salmanassar, was peskre lurdentsa pral leste. Un i Israelitarja wan dino. Un o Hoshea hunte das leske hako bersh rup un sonakai.

2. Rajengro liil 18:33

Nai lan i debla wawar themendar pengre menshen win dran o wast o baro rajestar pral o them Assur?

Jesaja 17:3

Trul i forja an Israel hi buder kek massurja. Un o foro Damaskus hi kek rajeskro foro buder. Kol Syrarja, kai atchenn djido, lenge djal jaake har i Israelenge. Lengro railepen atchell gar. Kowa penell o baro Dewel, ko rai pral o bolepen un i phub.

Jesaja 33:14

Ap i berga Zion lenn kolla traash, kai doosh ap pende hi. Halauter trissenna, kai o Debles bistran, un penenn kanna: Kek mendar nai atchell tardo pash i jag, hoi lauter pre chatchrell. Kek mendar nai rikrell kowa win pash koi jag, hoi chatchell hako tsiro har koi jag ap o Debleskri chatchepaskri.

Jeremia 13:14

Jaake har kol khore phagenn, te wenn le khetne dino, jaake krau, te phagell jek ap o wawareste, ninna i dada ap lengre tchawende. Jon khaitenn man gar, un i dji hi man witar gar lenge, un rikrau man gar pale, te marap len lauter. Kowa penell o baro Dewel.

Jeremia 48:41

Kal forja un sorele khera wenn dren lino. Ap ko diwes hi i djia o tchatche murshendar an o them Moab jaake dareno, har o dji i djuwjatar, kai anell i ternepen ap kai phub.

Hosea 10:15

Jaake djal tumenge an o foro Betel ninna. Kowa well dran tumaro baro tchilatchepen! Te djal o kham pre ap ko diwes, hi trujel o baro rajeske dran Israel.

Amos 3:14

Ap ko diwes, kai dau i Israelenge i phagi lengro tchilatchepaske, dau me i chatchepangre an Betel paash. Lengre shinga wenn tele phagedo, un perenn ap i phub.

Amos 3:8

O lewo dell gole – kones hi kek daar? O baro Dewel, maro rai, rakrell, koon nai rikrell man pale, te penap leskre laba dureder?

Amos 9:5

O baro Dewel, ko rai pral o bolepen un i phub hi kowa, kai taprell i phub, te trissell li, un hadell pes un djal pale tele har o lengsto pani Nil an Egiptia. Un i menshe rowenn pral kolende, kai meran.

Micha 5:11

Un o tselo bengeskro koowa lau tumendar krik, kek drawepangre atchenn pash tumende.

Nahum 3:10

Ninna kau foro was dren lino, un leskre menshe pandles anlo an i wawar them. Lengre tchawe wan mulo dino ap hako drom. Pral lengre pralstunende witsran le kashta, koon kones lella. I tsele pralstunen pandan le sasterne shellentsa.

Nahum 3:12

Tire sorele barrengre khera hi har faige ap i ruk. Well ko ruk trisslemen, perenn kol faige koleske an o mui, kai les trisslell. Jaake sik perell ninna tiro foro an i wasta kolendar, kai kurenn pen leha.

Habakuk 1:10

Jon sanenn pral i bare rajende un pralstunende an wawar themma. Kol tsele forja, kai sorele massurja trul lende tardo hi, hi lenge har tchitcheske; jon tchiwenn tchik pre glan i massurja, un djan pral wergel, un lenn kol forja dren.