Hosea 10:13 - O Debleskro Drom 2021 (Sinte)

¹³ Tumer kran o tchilatchepen, un tumaro djipen anas tchilatcho koowa win. Un tumer chan, hoi dran tumaro chochepen win was. Tumer djan pal tumaro shero, un dikenn ap tumare bare un sorele kurepangre, te wenn le tumenge ap i rig.

O Debleskro Lab 2024 (Sinte-Manouche)

¹³ T'mer kran o čilačepen, oun t'maro djipen anas čilačo koova vin. Oun t'mer rhan, hoy dran t'maro rhorhepen vin vas. T'mer djan pal t'maro shero, oun dikenn ap t'mare bare oun zorele kourepangre, te venn le t'menge ap i rig.

Hosea 10:13 ပူးပေါင်းရင်းမြစ်များ

Hiob 4:8

Jaake har me les dikom, well tchilatchepen pral kolende, kai tchilatchepen kran, un bibacht pral kolende, kai bibacht ap wawarende anan.

Debleskri gili 33:16

I baro rai bud lurdentsa well gar dran peskri soor o sorleder an o kurepen. Un i tchatcho mursh, koles bud soor hi, well gar dran peskri soor win lino dran o kurepen.

Debleskri gili 52:7

Doleske phagell tut ninna o Dewel hako tsireske. Job stakrell tut khetne, witsrell tut win dran tiro kheer, lell tut krik kai phubjatar, kai djiwah.

Debleskri gili 62:10

I menshe hi tchi har i ducho. Tikne har bare hi tchi moldo. Te wans le ap i waga tchiddo, wans le lauter khetne lino gar phareder har i ducho.

Gosewe laba 1:31

Doleske hunte chan le, hoi ap lengre dromma bares was. un wenn tchalo kolestar, hoi an lengre sherja trujel djas.

Gosewe laba 12:19

O tchatcho rakepen atchell hako tsireske. Chochene laba rikrenn gar rah.

Gosewe laba 13:2

I latcho mensho djiwell ko latchepastar, hoi dran leskre laba wella. I phukepangre bokenna pal o kurepen.

Gosewe laba 19:5

Kowa, kai chochras, har penas lo, hoi lo dikas un shunas, kowa lell peskri phagi. Un kowa kai chochepen pre anas, kowa well tapedo un nai nashell gar peske.

Gosewe laba 22:8

Kowa, kai chochepen win witsrell har djob, kowa anell bibacht dren. Palle nai djal lo buder gar i wawarentsa jaake trujel har job kamell.

Sikepaskro 9:11

Pale dikom, har ap kai phub djala: O sikeder naashepaskro well gar glanstunes an. O sorleder kurepaskro hi gar o feteder lurdo. Sikle menshe hi gar kolla, konen o budeder chapen hi. I gosewe hi gar i brawele. Kowa, kai tchomone mishto haiwell, hi gar kowa, kai an-diklo hi. O tsiro un i bacht penenn, har hakeneske djal.

Jesaja 17:11

hoi sik pre djan un senelo wan, wenn ap lende kek newe drake bares. Un tu nai aneh tchi dren. Kowa, hoi tuke well, hi nasslepen un duka, hoi kek nai krik lell.

Hosea 4:2

Kowa, hoi pash tumende hatslo well hi koshepen, chochepen, tchorepen, menshe wenn mulo dino, un bud mursha chochenn pengre romjen, un bud djuwja pengre romen. Un jon marenn jekes pal o wawares.

Hosea 4:8

Tumer rashaja chan ko mass, hoi denn i menshe o Debleste pengri doshake. Doleske han tumer bachtelo pral i menshengri doosh.

Hosea 7:3

Pengro tchilatchepah krenn le o baro rajes bachtelo, un pengro chochepah i pralstunen.

Hosea 8:7

Kowa, hoi le krenn, hi har te tchiwans le i ducho an i phub un kek djob. Un hoi win well, hi i baro phurdepen. Kek djob well baro. Kowa hoi pre djal, anell kek jarro. Un te anals kowa jarro, wans wawar menshe un chans les pre.

1. Samuel 24:14

Tu prindjreh, har mare phure penan: ‘Dran i tchilatchende well o tchilatchepen.’ Me taprau tut gar an.