Hosea 10:11 - O Debleskro Drom 2021 (Sinte)

¹¹ O Efrajim his i terni grumni hoi budras mishto, te dell li o djob win. Har dikom lakro shukar meen, tchiwom lake i kasht pre, te dap lat i phareder budi: O Juda te witsrell i phub trujel, un o Jakob hunte krell i phub tchatcho.

O Debleskro Lab 2024 (Sinte-Manouche)

¹¹ O Efrayim his i terni groumni hoy boudras mishto, te dell li o djob vin. Har dikom lakro shoukar meen, čivom lake i kasht pre, te dap lat i phareder boudi: O Youda te vitsrell i phoub trouyel, oun o Yakob hounte krell i phoub čačo.

Hosea 10:11 ပူးပေါင်းရင်းမြစ်များ

Jesaja 28:24

I hacho, hoi peskri phub trujel budrell, krell job kowa hako diwes? Witsrell job pale te pale i phub pre?

Jeremia 28:14

O baro Dewel, ko rai pral o bolepen un i phub, kai o Israeleskro Dewel hi, kowa penell: Me krau, te hunte budrenn i menshe an kal tsele themma o baro rajeske dran Babilonia, o Nebukadnezar. Leskro wast hi phares ap lende tchiddo har i saster, hoi o hacho trul o gurumeskri meen tchiwell. Ninna i viechen tchiwom an leskro wast.”

Jeremia 46:20

O them Egiptia hi har i shukar terni grumni. O marepaskro well koi rigjatar, kai norden hi, te marell lo lat.

Jeremia 50:11

Ninna te han bachtelo un sharenn tumen, kai randan miro them win, un stenn har o terne grumja an o senlepen, un denn gole har i sorele graja,

Hosea 11:4

Latchepah tserdom len, un kamlepah sikrom lenge lengro drom, un hidjrom khetne lentsa ko pharepen ap lengre phika, un me djom ap mire tchanga, te dap len te chal.

Hosea 2:5

Te krell li kowa gar, palle riwau lat win, te hi li nanges tchiddo, har ap ko diwes, kai li boldo was. Un krau, te well o them i mulo them, kai kek pani hi, kai hunte merell li i trushatar.

Hosea 3:1

Un o baro Dewel penas pale ap mande: “Dja, un sike i djuwjake har kameh lat, sawi djuwjake, kai nashell wawar murshenge palla, ninna te kamell lat lakro pirno. Jaake sikrau me, o baro Dewel, i Israelitarjen, te kamau len, ninna te nashenn le wawar deblenge palla un kamenn kol drakengre merklia, hoi le lenge anenn.”

Hosea 4:16

I menshe an Israel hi har i diwji grumni, un mukenn pen tchi te penell. Har nai krals o baro Dewel lentsa, har te wans le tikne bakre, un nai anals len win ap i buchlo kotar phub, te hatsenn le kote senlepen?

Hosea 9:1

Ma de gole i bachtjatar, Israel, har i menshe an wawar themma krenna! Tiro Deblestar djal tu krik un wawar deblenge palla. Tu bikreh tut ap lende ap haki platsa, kai o djob win dino wella.

Micha 4:13

Jerusalem, ste pre un de len khetne, penell o baro Dewel. Me krau tut jaake sorelo har i gurum, koles sasterne shinga un sasterne pire hi. Mare len khetne, kol menshen dran bud themma! Un an lengro brawlepen an miro kheer, un halauter hoi len hi, an glan mande! Me hom o rai pral i tseli phub.

Remarja 16:18

Sawe menshe budrenn gar maro rajeske, o Jesus Kristeske. Na-a, jon krenn, hoi lenge kokres mishto hi. Shukar labentsa un baro rakepen anenn le kolen o Debleskro dromestar tele, kai denn gar jak.

5. Mose 25:4

Te stakrell tiro gurum o djob win, pandess tu leske gar o mui, te nai chal lo gar!