Hosea 1:6 - O Debleskro Drom 2021 (Sinte)

⁶ Un i Gomer was o duito kopo wawartchandes, un anas i tchai ap i phub. Kote penas o Dewel ap leste: De lat ko lab Lo-Ruhama! Man hi buder kek dji i menshenge dran o kheer Israel, un bistrau lengri doosh buder gar.

O Debleskro Lab 2024 (Sinte-Manouche)

⁶ Oun i Gomer vas o douyto kopo vavarčandes, oun anas i čay ap i phoub. Kote penas o Devel ap leste: De lat ko lab Lo-Ruhama! Man hi bouder kek dji i menshenge dran o kheer Israel, oun bistrau lengri doosh bouder gar.

Hosea 1:6 ပူးပေါင်းရင်းမြစ်များ

2. Rajengro liil 17:20

Doleske witsras o baro Dewel kol tsele menshen Israel ap i rig, un kras lengro djipen phares, un das len an i wasta kol menshendar, kai lendar tchoran, bis te his le dur lestar krik tradedo.

2. Rajengro liil 17:6

Un har o Hoshea an o enjato bersh baro rai his, las o baro rai pral o them Assur o foro Samaria dren, un anas i menshen dran Israel pandles krik an o them Assur, un mukas len te djiwell an o them Halach un pash o lengsto pani Habor an o them Gosan, un an i forja, kai i Medarja djiwan.

Jesaja 27:11

Un lengre kashta wenn truk un phagenn tele. Un djuwja wenn un lenn len, te krenn le i jag. Kal menshe haiwan tchi. Doleske well koles, kai len kras, kek dji lenge, un hi lenge gar latcho.

Hosea 1:8

Un har joi i Lo-Ruhama buder kek tchutchja das, was li pale wawartchandes, un anas i mursh tchawes ap kai phub.

Hosea 2:23

An ko tsiro, penell o baro Dewel, kamau te shunell: Me shunau, hoi o bolepen mandar mangell, un o bolepen shunell, hoi i phub lestar mangell.

Hosea 2:4

O baro Dewel penell: Penenn, hawi doosh o them Israel ap peste anas! O them Israel, tumari dai, hi buder gar miri romni, un me hom buder gar lakro rom. Mangenn latar, te lell li kowa krik, hoi sikrell, te hi li i lubni, – ko koowa an lakro mui un kowa, hoi hidjrell li ap peskri betch.

Amos 7:8

Un o baro Dewel putchas mandar: “Hoi dikeh, Amos?” Me penom: “I dori, kai i blaio pre-pandlo hi.” Koi penas lo: “Dik, me tchiwau i dori, kai i blaio pre-pandlo hi, mank mire menshende Israel, te sikrap, kai hi le har i bangi massuri. Jon khaitenn man kanna buder gar.

Amos 9:8

Me, o baro Dewel hom o rai, un lau ko tselo tchilatchepen an o jak, hoi i menshe an o them Israel krenn. Doleske thowau les krik i phubjatar. Win lino wenn gar bud menshe, ninna te well gar o tselo kheer Israel maredo. Kowa penau me, o baro Dewel.

1. Petro 2:10

Glan i rah tsiro hans tumer gar leskre menshe. Kanna han tumer o Debleskre menshe. Glan i rah tsiro djinan tumer gar, kai hi les i baro dji tumenge. Kanna kras lo peskro dji tumenge pre.