Hiob 9:7 - O Debleskro Drom 2021 (Sinte)

⁷ Rakrell lo soreles ap o kham, djal o kham gar pre. Un i bolepangre momelentsa krell lo, te wenn le gar diklo.

O Debleskro Lab 2024 (Sinte-Manouche)

⁷ Rakrell lo zoreles ap o kham, djal o kham gar pre. Oun i bolepangre momelentsa krell lo, te venn le gar diklo.

Hiob 9:7 ပူးပေါင်းရင်းမြစ်များ

Hiob 37:7

Jaake krell lo, te mukenn i menshe pengri budi tchiddo, te dikell hakeno, hoi job nai krell.

Jesaja 13:10

I bolepangre momlia chatchenn buder gar. Hi sawe koi, kai dikeh buder gar. O kham well kalo, sik pal kowa kai lo pre djas. Un o tchon hi buder gar djelto.

Amos 4:13

O Dewel hi kowa, kai kras i berge, un mukell o phurdepen pral i phub te djal. Job sikrell i menshende, hoi kamell lo te krell. Job mukell o kham pre un tele te djal. Job hi o rai pral i tseli phub. Leskro lab hi: Baro Dewel, rai pral o bolepen un i phub.

Amos 8:9

O baro Dewel, maro rai, penell: An ko diwes djal o kham tele mashkral o diwes. Un mashkral o diwes well i rati pral o them.

Mateo 24:29

Un sik pal kol tchilatche diwessa, well o kham kalo har i rat, un o moonto dikell kek buder. Un i bare momlia ap o bolepen perenn tele. Un i bolepaskri soor perell khetne.

Josua 10:12

Ap ko diwes, kai o baro Dewel i Amorarjen an o Israeleskro wast das, rakras o Josua o baro Debleha un kharas win glan i Israelitarja: “Kham, atch tardo pral o foro Gibeon! Un tu, tchon atch tardo an i tala Ajalon!”

Josua 10:13

Kote djas o kham gar dureder un o tchon atchas tardo, jaake rah bis te i Israelitarja kolen lauteren maran, kai kuran pen lentsa. Un kawa hi tchinlo an o liil ‘Jashar’. Un o kham atchas mashkral o bolepen tardo, un djas gar sik tele, un atchas jaake tardo jek tselo diwes.